ޖުޑިޝަލް ސާވިސް ކޮމިޝަން (ޖޭއެސްސީ) ގެ ކުރީގެ ރައީސް އަދި ސުޕްރީމް ކޯޓުގެ ފަނޑިޔާރު އަލީ ހަމީދު އައިޖީއެމްއެޗް ގައި ފަރުވާ ދިނުމަށްފަހު ދޫކޮށްލއިފި އެވެ.
އެނގިފައިވާ ގޮތުން އައިޖީއެމްޗް ހޮސްޕިޓަލްގައި އެޑްމިޓްކުރައްވާފައި އޮތުމަށްފަހު ދޫކޮށްލީ މިއަދެވެ.
ސުޕްރީމް ކޯޓުގެ ފަނޑިޔާރު އަލީ ހަމީދަށް ސިއްޙީ މައްސަލަތަކެއް ދިމާވެގެން އައިޖީއެމްއެޗްގައި އެޑްމިޓްކޮށް ފަރުވާ ދޭން ފަށާފައި ވަނީ މި މަހުގެ ހަ ވަނަ ދުވަހުއެވެ.
އަލީ ހަމީދުގެ ބޭސްފަރުވާއާ ގުޅޭ ގޮތުން އެއްވެސް މައުލޫމާތެއް ހާމަކުރެވެން ނެތް ކަމަށް އައިޖީއެމްއެޗްއިން ވަނީ ބުނެފަ އެވެ. އައިޖީއެމްއެޗްގެ އިމަޖަންސީ ރޫމްގައި އަލީ ހަމީދަށް ފަރުވާ ދިނުމަށް ފަހު ފަހުން ބަދަލު ކުރެއްވީ އެގްޒެކެޓިވް ވޯޑަށެވެ.
އަލީ ހަމީދު އައިޖީއެމްއެޗްގައި އެޑްމިޓްކޮށް ފަރުވާ ދެމުންދަނިކޮށް ޖޭއެސްސީގެ ރައީސްގެ މަގާމުން އެ މަނިކުފާނު ވަނީ ވަކިކުރައްވައިފަ އެވެ. ފަނޑިޔާރު އަލީ ހަމީދުގެ ބަދަލުގައި ޖޭއެސްސީއަށް އައްޔަންކޮށް، އަދި އެ ކޮމިޝަންގެ ރައީސްއަކަށް އިންތިހާބުކުރެއްވީ ސުޕްރީމް ކޯޓްގެ ފަނޑިޔާރު ފަނޑިޔާރު އަބްދުﷲ އަރީފެވެ.
