ރައްޔިތުންގެ މަޖިލީހަށް އިންތިހާބުވެވަޑައިގެންނެވީ ކުރީގެ ރައީސް އަދި ޕީޕީއެމްގެ ރައީސް މައުމޫންގެ ފިކުރާއެކު ކަމަށާއި ޕީޕީއެމްގެ އަސާސީ ގަވާއިދާއި ހިލާފުވެފައިވަނީ ޕީޕީއެމް ނިސްބަތްވާ ސަރުކާރުގެ ރައީސުލްޖުމްހޫރިއްޔާ އަބްދުﷲ ޔާމީން އަބްދުލްގައްޔޫމްގެ ސަރުކާރުން ކަމަށް ވިލިނގިލި ދާއިރާގެ މެމްބަރު ސައުދު ހުސައިން ވިދާޅުވެއްޖެ އެވެ.
ހޮނިހިރު ދުވަހުގެ ރޭ ސައުދު ކުރެއްވި ޓްވީޓެއްގައި އެގޮތަށް ވިދާޅުވެފައިވާއިރު، މިމަހުގެ 13 ވަނަ ދުވަހު ރައީސް މައުމޫން ކުރައްވާފައިވާ ޓްވީޓެއް ސައުދު ވަނީ ރީޓްވީޓް ކުރައްވާފަ އެވެ. ރައީސް މައުމޫން ކުރެއްވި އެޓްވީޓްގައި ރައީސް މައުމޫން ވިދާލުވެފައިވަނީ ޕާޓީގެ ފިކުރާއި ދުރަށް ދިއުމުން ގޮނޑި ގެއްލޭނަމަ އެންމެ ފުރަތަމަ ގޮނޑި ގެއްލެންވީ މިހާރު ޕީޕީއެމް ހިންގަން ތިބި މެމްބަރުންގެ ގޮނޑި ކަމަށެވެ.
Alhugandu inthikhaab vi party ge raees adhi fikurakee Raees @maumoonagayoom. Party ge fikurai asaasy gawaidhai khilaaf vee PPM ge sarukaarun pic.twitter.com/7amtHAN8Ta
— Saud Hussain MP (@SaudVillingili) July 15, 2017
Party ge fikuraa dhurah dhiumun gon'di gelley nama emme furathama gon'di gellen vee bayakee mihaaru PPM hingan thibi meehun.
— Maumoon Abdul Gayoom (@maumoonagayoom) July 13, 2017
މި ދިޔަ އޭޕްރީލް މަހުގެ 13ވަނަ ދުވަހު ސައުދު ޕީޕީއެމުން ވަކިކޮށްފައިވާ ކަމުގެ ލިޔުމަކާއެކު ސައުދު ކުރެއްވި އެހެން ޓްވީޓެއްގައި ވިދާޅުވެފައިވަނީ ޕީޕީއެމުން ވަކިކުރުމަށްފަހު، އަލުން ޕީޕީއެމަށް ވެއްދިތޯއޭ ވިދާޅުވެ ސުވާލު އުފައްދަވާފަ އެވެ. މިކަމުންވެސް ކުރަނީ ވައްކަން ދެއްތޯއޭ ވިދާޅުވެ ސައުދު ވަނީ ސުވާލު އުފައްދަވާފަ އެވެ.
13 April 2017 vana dhuvahun feshigen Alhugandu PPM in vakikoffa, alhugandah naangaa vagah PPM ah vedheethoa? Mi kamunves vakkan dhetho? pic.twitter.com/WHACS3BvBr
— Saud Hussain MP (@SaudVillingili) July 15, 2017
ސައުދުގެ އިތުރުންވެސް ޕީޕީއެމަށް ނިސްބަތްވާ މަޖިލީހުގެ ބައެއް މެމްބަރުން ޕީޕީއެމުން ވަކިކޮށްފައިވާ ކަމުގެ ލިޔުން ހަވާލުކޮށްފައިވީނަމަވެސް، ފަހުން ޕީޕީއެމުން ވަނީ އެ ވަކިކުރި މެމްބަރުންގެ ސްލޫކީ މައްސަލައެއް ބަލަމުންދާކަމަށްބުނެފަ އެވެ.
މީގެއިތުރުން ރައްޔިތުންގެ މަޖިލީހުގެ ރައީސް އަބްދުﷲ މަސީހު މުހައްމަދުގެ އިތުބާރު ނެތްކަމުގެ މައްސަލައިގައި ޕީޕީއެމަށް ނިސްބަތްވާ 11 މެމްބަރަކު ސޮއި ކުރައްވާފައިވާފައިވެއެވެ.
މަސީހުގެ އިތުބާރު ނެތްކަމުގެ މައްސަލަ ފެންމަތިވިއިރު، ދައުލަތުގެ ބަންޑާރަ ނައިބު މުހައްމަދު އަނިލް ވަނީ ޕާޓީން ވަކިވާ މެމްބަރުން، ނުވަތަ ވަކިކުރާ މެމްބަރުން، އެ މެމްބަރަކު މަޖިލީހުގައި ތަމްސީލް ކުރައްވާ ގޮނޑި ގެއްލޭ ގޮތަށް ހުށަހަޅާފަ އެވެ. އެމައްސަލައާއި ގުޅިގެން ސުޕްރީމް ކޯޓުން ވަނި އަނިލް ހުށަހެޅުއްވި ގޮތަށް ހުކުމް ކުރައްވާފަ އެވެ.
