ފުވައްމުލަކުން ގެއްލުނު މީހާ އަދިވެސް ނުފެންނަކަމަށް ފުލުހުންގެ މީޑިއާ އޮފިޝަލް ވިދާޅުވެއްޖެއެވެ.

ފުވައްމުލަކުން ގެއްލުނީ އުމުރުން 49 އަހަރުގެ ފިރިހެނެއެކެވެ. މި މީހާ ގެއްލިގެން ފުލުހުންނަށް ރިޕޯޓް ކޮށްފައިވަނީ ހުކުރު ދުވަހުގެ ރޭ 12:05 ހާއިރު ކަމަށް ފުލުހުން މައުލޫމާތުދެއެވެ.

އެނގިފައިވާ ގޮތުގައި ގެއްލިފައިވަނީ، ފުވައްމުލަކު އޮޅުތެރޭގޭ މުހައްމަދު ޝަފީއުއެވެ. އޭނާ ގެއިން ނުކުމެގެން ދިޔައީ ހުކުރު ދުވަހުގެ ރޭ 11:30 އެހާކަންހާއިރު ކަމަށާއި އޭގެފަހުން އޭނާ ނުފެންނަ ކަމަށް އާއިލާއާ ހަވާލާދީ ފުލުހުން ބުނެއެވެ.

ފުލުހުންގެ މީޑިއާ އޮފިޝަލް ވިދާޅުވީ އޭނާ ހޯދުމުގެ މަސައްކަތް އަދިވެސް ފުލުހުން ކުރަމުންދާ ކަމަށެވެ.