މޯލްޑިވްސް ސާރޖަންސް އެސޯސިއޭޝަންއިން، އެޑްވާސް ވޫންޑް ކެއާރ މެނޭޖްމެންޓް ވޯކްޝޮޕް އައްޑޫ ސިޓީގައި ކުރިއަށް ގެންގޮސްފި އެވެ.  

މިއީ އެ އެސޯސިއޭޝަންއިން ކުރިއަށްގެންދާ ތިން ވަނަ ވޯކްޝޮޕް އެވެ. މީގެކުރިން މި ވޯކްޝޮޕް ވަނީ މާލެ އަދި ކުޅުދުއްފުށީގައި ކުރިއަށްގެންގޮސްފަ އެވެ.

އައްޑޫ ސިޓީގައި މިހާރު ކުރިއަށްގެންދާ ވޯކްޝޮޕް އަމާޒުކުރެވިފައިވަނީ، އައްޑޫ ސިޓީއާއި، ފުވައްމަލަކު ސިޓީގެ ހޮސްޕިޓަލްތަކާއި ކްލިނިކްތަކުގެ ޑޮކްޓަރުންނާއި ނަރުހުންނަށެވެ. މި ވޯކްސޮޕްގައި ލެކްޗަރ ނަގައިދެއްވީ މެލޭޝިޔާގެ ވޫންޑް ކެއަރ ސޮސައިޓީގެ ތަޖުރިބާކާރުންނާއި، ދިވެހި ފަންނަނީ ތަޖުރިބާކާރުންނެވެ.

މި ވޯކްޝޮޕްގައި ކުރިއަށްގެންގޮސްފައިވަނީ މި މަހުގެ 14 އިން މިއަދުގެ ނިޔަލަށެވެ. މި ވޯކްޝޮޕްގައި 45 މީހުން ބައިވެރިވެފައިވާއިރު، މި ވޯކް ޝޮޕް ހުޅުވައިދިނުމަށް ވަޑައިގެންފައިވަނީ ހެލްތު މިނިސްޓަރު މުހައްމަދު ނާޒިމް އެވެ.