ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ކ. ގުރައިދޫއަށް ވަޑައިގެންފިއެވެ.

ކ އަތޮޅަށް މިހާރު އެމަނިކުފާނު ކުރައްވަމުންގެންދަވާ ދަތުުރުފުޅުގައި އެންމެ ފުރަތަމަ ވަޑައިގެންފައިވަނީ ކ. ގުޅިއަށެވެ.

އެއް ދުވަހުގެ މުއްދަތަކަށް ކުރައްވާ މި ދަތުރުފުޅުގައި ދެން ރައީސް ވަޑައިގަންނަވާނީ ކ. މާފުއްޓަށެވެ.

މި ދަތުރުފުޅުގައި ރައީސް ވަނީ ކ. ގުޅީގެ އެމްޑީޕީ ޖަގަހަ ހުޅުއްވައިދެއްވާފައެވެ. މީގެ އިތުރުން އެ ރަށުގައި އާއްމުންނާވެސް އެމަނިކުފާނު ބައްދަލުކުރެއްވިއެވެ.

މި ދަތުރުފުޅުގައި އެމަނިކުފާނު ވަޑައިގަންނަވަނީ ގުރައިދޫއާއި ގުޅި އަދި މާފުއްޓަށެވެ.

މި ދަތުރުފުޅުގައި ބޭއްވި، ގުރައިދޫ ކަންމަތީ ޖަލްސާގައި ރައީސް ވަނީ ގުރައިދޫއަށް ކޮށްދެއްވަން ހުރި ކަންކަން ފާހަގަކޮށްދެއްވާފައެވެ.

ބިމުގެ ބޮޑުމިނުގައި 21.89 ހެކްޓަރ ހުރި މި ރަށުގެ އާބާދީ 1,550ށްވުރެ އިތުރެވެ.

މާފުށީގައި މިރޭ އެމްޑީޕީގެ ޚާއްސަ ޖަލްސާއެއް އޮންނާނެއެވެ.