ކްރިމިނަލް ކޯޓުން ބޭރުކޮށްލި ޖުމްހޫރީ ޕާޓީގެ ލީޑަރު އަދި މާމިގިލީ ދާއިރާގެ މެމްބަރު ގާސިމް އިބްރާހިމްގެ ތިން މައްސަލަ މައްސަލަ ވެސް މާދަމާ އަލުން ކޯޓަށް ހުށަހަޅުއްވާނެ ކަމަށް، ޕްރޮސިކިއުޓަ ޖެނެރަލް އައިޝަތު ބިޝާމް ވިދާޅުވެއްޖެ އެވެ.
ގާސިމްގެ މައްސަލަ ކޯޓުން ބޭރުކޮށްލީ އާދީއްތަ ދުވަހުގެރޭ ބާއްވަން ހަމަޖެއްސި ޝަރީއަތުގެ މަޖިލީހަށް ޕްރޮސިކިއުޓަ ޖެނެރަލް އޮފީހުގެ ވަކީލުން ކޯޓަށް ހާޒިރުނުވުމުންނެވެ.
ރާއްޖެއެމްވީއާ ވާހަކަ ދައްކަވަމުން ބިޝާމް ވިދާޅުވީ ގާސިމްގެ މައްޗަށް ދައުވާކޮށްފައިވާ ތިން މައްސަލަ ވެސް މިރޭ ކޯޓުން ބޭރުށްލީ މާދަމާ އަށް ޝަރީއަތް ފަސްކޮށް ދިނުމަށް އެދިފައި ވަނިކޮށް ކަމަށެވެ.
އެކަން ކޯޓްގެ ރަޖިސްޓްރާއަށް ރަނގަޅަށް އެނގިވަޑައިގަންނަވާނެ ކަމަށް ވެސް ބިޝާމް ވިދާޅުވި އެވެ.
ގާސިމްގެ މައްޗަށް ދައުލަތުން ވަނީ ރިޝްވަތު ދިނުމަށް ހުށަހެޅުމާއި، ރަސްމީ ހައިސިއްޔަތުން ކުރަންޖެހޭ ކަންކަމަށް ނުފޫޒު ފޯރުވަން އުޅުމާއި، ވޯޓު ދޭން ހުރި މީހަކަށް ނުރަނގަޅު ނުފޫޒު ފޯރުވަން އުޅުމުގެ ދައުވާ އެވެ.
