ސުޕްރީމް ކޯޓުން ކުއްލި ގޮތަކަށް މިއަދު މެންދުރު 1:00 އަށް ދުސްތޫރީ މައްސަލައެއް ތާވަލުކޮށްފި އެވެ.
ސުޕްރީމް ކޯޓުގެ ވެބްސައިޓުގައި ބުނާ ގޮތުން އެ މައްސަލައަކީ ބަންޑާރަނައިބުގެ އޮފީހުން ހުށަހަޅާފައިވާ މައްސަލައެކެވެ.
ވެބްސައިޓުގައި ބުނާގޮތުން މައްސަލަ ބައްލަވާނީ އުއްތަމަ ފަނޑިޔާރު އަބްދުﷲ ސައީދާއި، ފަނޑިޔާރު އާދަމް މުހައްމަދު އަބްދުﷲގެ އިތުރުން ފަނޑިޔާރު ޑރ. އަހުމަދު އަބްދުﷲ ދީދީ އެވެ.
ދުސްތޫރީ މައްސަލައެއް މިއަދު ބާއްވާއިރު، ރައްޔިތުންގެ މަޖިލީހުގެ މެމްބަރަކު އެ ވަގުތު ހުރި ޕާޓީން ވަކިވިޔަސް ނުވަތަ ޕާޓީގެ ވިޕްލައިނާ ޚިލާފު ވިޔަސް މަޖިލީހުގެ މެންބަރުކަމުން ވަކިވާނެ ކަމަށް ކަނޑައަޅައިދިނުމަށް ދައުލަތުގެ ފަރާތުން ސުޕްރީމް ކޯޓަށް ހުށަހަޅާފައިވާ ކަމުގެ މައުލޫމާތު ލިބިވަޑައިގެންފައިވާ ކަމަށް ކިނބިދޫ ދާއިރާގެ މެމްބަރު އަބްދުﷲ ރިޔާޒް ވަނީ ވިދާޅުވެފަ އެވެ.
ނަމަވެސް، ސަރުކާރަށް ތާއީދު ކުރައްވާ މެންބަރުން ގެންދެވީ ރިޔާޒުގެ އެ ވާހަކަ ދޮގު ކުރައްވަމުންނެވެ.
ތަފްސީލު އަންނަނީ
