ޕީޕީއެމެގެ އަސްލު ސަޕޯޓަރުންނާއި އެޕާޓީގެ މަޖިލިސް މެމްބަރުންނާއި އެކު ޕީޕީއެމް އެނބުރި ވަރަށް އަވަހަށް އަންނާނެކަމަށް ރައީސް މައުމޫނުގެ ދަރިކަލުން އަދި ދިއްގަރު ދާއިރާގެ މެމްބަރު އަހުމަދު ފާރިސް މައުމޫނު ވިދާޅުވެއްޖެއެވެ.
ބުރާސްފަތި ދުވަހު ފާރިސް ކުރައްވާފައިވާ ޓްވީޓެއްގައި ވިދާޅުވީ، ޕީޕީއެމް މިހާރު ހިންގަނީ އިހްލާސްތެރިންނެއް ނޫންކަމަށާއި އިހްލާސްތެރިންނާއިއެކު ޕީޕީއެމް އަދި އެނބުރި އަންނާނޭކަމަށެވެ.
ފާރިސް ވިދާޅުވީ، ޕާޓީގެ ގަވާއިދުތަކާއި، ޚިލާފަށް އަމަލުކުރާ ބަޔަކު ވަނީ ޕީޕީއެމް ހިސޯރުކޮށްފައިކަމަށެވެ.
PPM was taken over by rogue elements. The Party's MPs will align back w their grassroots supporters n progressive nationalist policies soon
— Ahmed Faris Maumoon (@afarismaumoon) July 6, 2017
ޕީޕީއެމްގެ މަޖިލިސް މެންބަރުން އެ މެންބަރުންގެ ދާއިރާގެ ޕީޕީއެމްގެ މެންބަރުންގެ ވިސްނުމާއި އެއްގޮތަށް ގައުމީ އަދި ޒަމާނީ ސިޔާސަތުތަކާއެކު ޕީޕީއެމް ވަރަށް އަވަހަށް އެނބުރި އަންނާނެކަމަށެވެ.
ޕީޕީއެމްއިން ރައީސް މައުމޫނު ބޭރުކޮށް ރައީސް ޔާމީންގެ ކޮންޓްރޯލްގެ ދަށަށް ޕީޕީއެމް ގެންދިއުމުން ޕީޕީއެމްގެ ދެ ފެކްޝަން އުފެދި ރައީސް މައުމޫނުގެ ދެ ދަރިކަލުންނާއި ދެ ދަރިކަނބަލުންވެސް ވަޑައިގެންނެވީ ދެ ފެކްޝަނަށެވެ.
