ރައްޔިތުންގެ މަޖިލީހުގެ ދިއްގަރު ދައިރާގެ މެންބަރު އަޙުމަދު ފާރިސް މައުމޫންގެ މައްޗަށް ދައުލަތުން ކޮށްފައިވާ ތުހުމަތުތަކަކީ ދޮގު ތުހުމަތުތަކެއް ކަމަށާ، ބިރުދައްކައިގެން މަސައްކަތް ނުހުއްޓުވޭނެ ކަމަށް އެމަނިކުފާނު ވިދާޅުވެއްޖެއެވެ.
ފާރިސް މިގޮތަށް ވިދާޅުވީ، ކުރީގެ ރައީސުލްޖުމްހޫރިއްޔާ އަދި ފާރިސްގެ ބައްޕާފުޅު، މައުމޫން ޢަބްދުލްޤައްޔޫމްގެ ޕަރސަނަލް އެސިސްޓަންޓް، އަޙުމަދު ސޮފްވާން ފުލުހުންގެ ތަހުގީގަށް ހާޒިރުވާން އެންގުމުން، ފުލުހުންގެ ޗިޓަށް ހާޒިރު ނުވި މައްސަލައިގައި ދައުވާ ކުރުމަށް ޕްރޮސެކިއުޓަރ ޖެނެރަލްގެ އޮފީހަށް ފޮނުވިކަން ހާމަކޮށް، ފުލުހުން ކުރި ޓްވީތްތަކެއްގައި ފާރިސްގެ މައްޗަށް ކޮށްފައިވާ ތުހުމަތުތަކަށް އިޝަރާތް ކުރައްވާ ކުރެއްވި ޓްވީޓެއްގައެވެ.
ފުލުހުން ކުރި ޓްވީޓްގައި ބުނެފައިވަނީ، ރައްޔިތުންގެ މަޖިލީހުގެ ރައީސްގެ އިތުބާރު ނެތްކަމުގެ ވޯޓަށް ނުފޫޒު ފޯރުވުމުގެ ގޮތުން، ދިއްގަރު ދާއިރާގެ މެންބަރު އަޙުމަދު ފާރިސް މައުމޫން، މަޖިލިސް މެންބަރުންނަށް ރިޝްވަތު ދެއްވިކަމަށް ތުހުމަތު ކުރެވޭ ކަމަށެވެ.
Dhihgaru Dhaira ge Majlis Member MP Ahmed Faris Maumoon, Rayyithunge Majlihuge Raeesge Ithubaaru neikamuge votah nufoozu foarvumuge gothun
— Maldives Police (@PoliceMv) June 19, 2017
Majlis Memberunah rishvathu dhinkamah thuhumathu kurevey massalaigai amaleegothun baiverivikamah thuhumathu kurevey M. Himmiya/ Ahmed Sofwan
— Maldives Police (@PoliceMv) June 19, 2017
fuluhun ge thageegah haaziruvumah engumun chitah haazirunuvi massalaige thahugeegu ninmai, dhauva kurumah @PG_Office offihah vany fonuvifai.
— Maldives Police (@PoliceMv) June 19, 2017
މި ކަމާއި ގުޅިގެން ފާރިސް ކުރެއްވި ޓްވީޓްގައި ވިދާޅުވީ، ސަރުކާރުން އެމަނިކުފާނާއި ދެކޮޅަށް ކޮށްފައިވާ ތުހުމަތުތަކަށް ހަރުއަޑުން ދެކޮޅުހައްދަވާ ކަމަށާ، އެއީ ދޮގު ތުހުމަތުތަކެއް ކަމަށެވެ.
ފާރިސް ވިދާޅުވީ، އިންޒާރުދީ ބިރުދައްކައިގެން، ފާރިސް ކުރައްވަމުން ގެންދަވާ މަސައްކަތް ނުހުއްޓުވޭނެ ކަމަށެވެ.
Categorically reject n refute bogus accusations made against me by this govt. Threats n intimidation won't make any difference to my work
— Ahmed Faris Maumoon (@afarismaumoon) June 19, 2017
ރައްޔިތުންގެ މަޖިލީހުގެ ރައީސްގެ އިތުބާރު ނެތްކަމުގެ ވޯޓަށް ނުފޫޒު ފޯރުވުމުގެ ގޮތުން، އެކި ފަރާތްތަކަށް ނުފޫޒު ފޯރުވުމުގެ ތުހުމަތު ފާރިސްގެ އިތުރުން ޖުމްހޫރީ ޕާޓީގެ ލީޑަރު އަދި ރައްޔިތުންގެ މަޖިލީހުގެ މާމިގިލީ ދާއިރާގެ މެންބަރު ޤާސިމް އިބްރާހިމްގެ މައްޗަށްވެސް ދައުލަތުން ވަނީ ކޮށްފައެވެ.
