ވަޒީފާއެއް އަދާކޮށްގެން އާމްދަނީ ހޯދުމަކީ ކަނޑައެޅިގެން ވަކި ތަނަކަށް ހާޒިރުވެގެން ކުރަން ޖެހޭ ކަމެއް ނޫންކަން ސާބިތު ކޮށްދިނުމުގައި، ސޫރިޔާއަށް ނިސްބަތްވާ، އުމުރުން 29 އަހަރުގެ އަނަސް އަލް-ކާތިބަކީ ލާމަސީލު ޒުވާނެކެވެ. އެކަމުގައި އޭނާގެ ބައިވެރިއަކީ ޓެކްނޮލޮޖީއާއި ސޯޝަލް މީޑިއާއެވެ. ކުރާހާވެސް ކަމަކީ އެކި ކަހަލަ ވީޑިއޯ ތައްޔާރުކޮށް، ޕޯސްޓް ކުރުމެވެ.
ކާތިބަކީ ތިއޭޓަރ އަރޓްސްގެ ރޮނގުން މަތީ ތައުލީމު ހާސިލު ކޮށްފައިވާ ޒުވާނެކެވެ. ނަމަވެސް، ވަޒީފާ ހޯދުމަކީ މިއަދު ކާތިބުގެ އަތުގައި ހިފާފައި އޮތް ނަސީބެއް ނޫނެވެ. ނަމަވެސް، މާޔޫސް ކަމަކީ ކާތިބު ބޭނުންވާ ގޮތް ނޫން ކަމުން، މޯބައިލް ފޯނުގެ އެހީގައި ދިރިއުޅުން ފާގަތި ކުރުމަށް އޭނާ މަސައްކަތް ފެށިއެވެ.
ކާތިބު ޕޯސްޓް ކުރާ ވީޑިއޯތަކަކީ އެކި މައުޟޫތަކަށް ހާއްސަ ވީޑިއޯތަކެކެވެ. ހަނގުރާމައިގެ ތެރޭގައި ސުންނާފަތި ވެފައިވާ ސޫރިޔާގައި ދިރިއުޅުން ދަތިވެފައިވާ މިންވަރުން ފެށިގެން، ފަތުރުވެރިންނަށް ހިތްގައިމު މަންޒިލްތައްވެސް ކާތިބުގެ ވީޑިއޯ ޕޯސްޓްތަކުން ބަޔާންކޮށްދެއެވެ. އިތުރު މައުލޫތަކުގެ ތެރޭގައި، މިލިއަނަރަކަށް ވާނެ އިރުޝާދުތަކާއި، ފިޓްކޮށް ހުންނާނެ ޓިޕްތައްވެސް ހިއްސާކޮށްފައި ހުރެއެވެ.
ކާތިބުގެ ވީޑިއޯތަކުގެ ކާމިޔާބު ކަން އަންގައިދެނީ އޭނާގެ ފޮލޯވަރުންގެ އަދަދުންނެވެ. 3000 އިން 37000 އަށް ފޮލޯވަރުންގެ އަދަދު އިތުރު ވީ، ކުޑަ ދުވަސްކޮޅެއްގެ ތެރޭގައެވެ. ކާތިބު ބުނާ ގޮތުގައި އޭނާގެ މަޤުބޫލުކަން އެންމެ ބޮޑުވެގެން ދިޔައީ ދުބާއީގައި އޭނާ ހުށަހަޅާދިން ވީޑިއޯއެއްގެ ސަބަބުންނެވެ.
މަށަށް އާ ދުނިޔެއަކާއި އާ ޤައުމެއް ފެނުނު ކަހަލަ. ވީޑިއޯކޮށް، އެ އެޑިޓް ކުރުމުގެ ތެރެއިން މަށަށް އުފާ ލިއްބައިދޭ. މަގުމަތިން މީހުންނާ ބައްދަލުވާއިރު، އެމީހުން ތިބެނީ އަހަރެންގެ ވީޑިއޯގެ ފެށޭ ޖުމުލަ، 'ޙަބީބީ ކަމް ޓު ޑުބާއީ' ހިތުދަސްކޮށްގެން. އެއީ އެންމެ ގިނަ މީހުން ޝެއަރ ކުރި ވީޑިއޯ. މަގުމަތިން ހަމަ ފެންނައިރަށް މީހުން ގޮވަން ފަށާނެ، ޙަބީބީ ކަމް ޓު ޑުބާއީއޭ ކިއާފަަނަސް އަލް ކާތިބު؛ ސޫރިޔާގެ ޒުވާނެއް
ކާތިބުގެ މަޤުބޫލުކަން ފެނި، ކުންފުނިތަކުންވެސް އޭނާއަށް ސަމާލުކަން ދޭން ފެށިއެވެ. އެކި ކަހަލަ އުފެއްދުންތައް މަރކެޓް ކޮށްދިނުމަށް އެދި، ކުންފުނިތަކުގެ ހުށަހެޅުންތައް ކާތިބަށް ލިބެން ފެށިއެވެ. ނަތީޖާއެއްގެ ގޮތުން، ކާތިބަށް، ބޮޑު އާމްދަނީއެއްވެސް ލިބެން ފެށިއެވެ.
އަލް ކާތިބުން އިޝްތިހާރު ކުރި އެޕްލިކޭޝަން އަހަރެންވެސް ޑައުންލޯޑް ކުރިން. ވީޑިއޯ ޕޯސްޓް ކުރިތާ 2 ވަނައަށް ވީ ދުވަހު އެ އެޕް ކްރޭޝްވެއްޖެ. ގިނަ ބަޔަކު އެއް ފަހަރާ ޑައުންލޯޑް ކުރަން ހެދީމަ. އެހާ ހިސާބުން އަހަރެންގެ މަސައްކަތް ފުޅާވާން ފެށީ. އެކި ކުންފުނިތަކުން މަށަށް އެކި ކަހަލަ ހުށަހެޅުންތައް ލިބެން ފެށިއަނަސް އަލް ކާތިބު؛ ސޫރިޔާގެ ޒުވާނެއް
އޭނާގެ މަޤުބޫލުކަން ކިތަންމެ ބޮޑުވި ނަމަވެސް، ޒަމާނީ ވަސީލަތްތަކާއެކު އެ މަސައްކަތް ކުރާނެ ވަރުގެ ތަނަވަސްކަމެއް އަދި އޭނާގެ ނެތެވެ. ފޯނު ދޫކޮށްލެވޭ ގޮތެއް ނުވެއެވެ.
މި ވީޑިއޯތައް ހަދަން، މަށަށް ލިބެން ހުރިއްޔާ ހުރި، ހުރިހާ ވަސީލަތެއްގެ ބޭނުން ހިފަން. ކަލޭމެންނަށްވެސް ފެންނާނެހެން، މާލީ ހާލަތު ވަރަށް ގޯސް. ވަކިން ހާއްސަކޮށް، ޒުވާނުންނަށް އެއްޗެއް ލިބުން މިއޮތީ ވަރަށް ދަތި ގޮތަކަށް. އަހަރެންވެސް އަމިއްލަ ވިޔަފާރިއެއް ފުޅާ ކުރަން މަސައްކަތް ކުރިން. އެކަމުގެ ލައްޒަތާއި ފައިދާ ހޯދަން އުޅުނިންއަނަސް އަލް ކާތިބު؛ ސޫރިޔާގެ ޒުވާނެއް
ޤައުމުގެ އާންމު ހާލަތުވެސް އެކަމަކަށް ތަނެއް ނުދެއެވެ. 2019 ވަނަ އަހަރުން ފަށައިގެން ސޫރިޔާ ފައިސާގެ އަގު ދަނީ ހައްތަހާ ދަށްވަމުންނެވެ. އަވަށްޓެރި ލުބްނާނުގެ ކާރިޘާތަކުގެ އަސަރު، ސޫރިޔާއަށްވެސް ދަނީ ކުރަމުންނެވެ. ޒަރޫރީ މުދަލަށް ދެމުން ދިޔަ ސަބްސިޑީޒް މަޑުމަޑުން ކަނޑާލަމުން ދާއިރު، އަގުތައް ދަނީ އުފުލެމުންނެވެ. ތެލުގެ އަގުތައް އުފުލިފައިވަނީ ތާރީޚު ނުދެކޭ ދަރަޖައަކަށެވެ.
މީގެ 11 އަހަރު ކުރިން ސޫރިޔާގައި ހަނގުރާމަ ފެށިފަހުން މި ދުވަސްވަރަކީ، އެންމެ ގިނަ އަދަދެއްގެ ބަޔަކަށް އިންސާނީ އެހީއަށް ބޭނުން ވެފައިވާ ވަގުތު ކަމަށް އދއިން ވަނީ ބުނެފައެވެ.
