އަކާސާ އެއާގެ ނަމުގައި އިންޑިއާގެ އައު އެއަރލައިނެއް އިފްތިތާހު ކޮށްފިއެވެ.
މި އެއާލައިނަކީ ވިޔަފާރި ވެރިޔާ ރާކޭޝް ޖުންޖުންވާލާ އާއި ޖެޓް އެއާވޭސްގެ ކުރީގެ ސީއީއޯ ވިނޭ ޑޫބް އާއި އިންޑިގޯގެ ކުރީގެ ޗީފް އަދިތިޔާ ގޯޝްގެ ބައިވެރިވުމާއެކު، އުފައްދާފައިވާ އެއާލައިނެކެވެ. ކޮމާޝަލް ދަތުރުރުތައް ކުރުމުގެ 'ނޯ އޮބްޖެކްޝަން' މި އެއާލައިނަށް ދިނީ މިއަހަރުގެ އޮކްޓޫބަރުގައެވެ.
ބޮއިން737 މެކްސްގެ 72 އެއާކްރާފްޓު ގަތުމަށް އަކާސާއިން ވަނީ މިދިޔަ ނޮވެމްބަރު މަހުގެ ތެރޭގައި ބޮއިން ކުންފުންޏަށް 4.5 ބިލިއަން ޑޮލަރުގެ އޯޑަރެއް ދީފައެވެ. މިއަންނަ އަހަރުގެ ފުރަތަމަ ހަ މަހުގެ ތެރޭގައި ދަތުރުތައް ފެށުމަށް ހަމަޖެހިފައިވާ މި އެއާލައިނުގެ ބްރޭންޑު ކުލައެއްގެ ގޮތުގައި ކަނޑައަޅާފައިވަނީ ސަންރައިޒް އޮރެންޖެވެ.
މި ލޯކޯސްޓް ކެރިއާގެ ބްރޭންޑް އައިޑެންޓިޓީ ގެ ގޮތުގައި ކަނޑައަޅާފައިވަނީ " އިޓްސް ޔޯ ސްކައި" އެވެ. އިންޑިއާގެ މި ބަޖެޓް އެއާލައިނުން ވަނީ ދަތުރުތަކުގެ ޓިކެޓް ހެޔޮ އަގުގައި ލިބޭނެކަމުގެ ޔަގީންކަން ދީފައެވެ. އިންޑިއާގައި މިހާރުވެސް ލޯ ކޮސްޓް ފަސް އެއާލައިނަކުން ހިދުމަތް ދެއެވެ. އޭގެ ތެރޭގައި އިންޑިގޯ، ގޯ އެއާ، ސްޕައިސް ޖެޓް، އެއާ އޭޝިއާ، އިންޑިއާ އަދި އެއާ އިންޑިއާ އާއި އެކްސްޕްރެސް ހިމެނެއެވެ.
