ގދ. ފިޔޯރީ ކައުންސިލުގެ ތިޖޫރި ފަޅާލައި އޭގައި ހުރި ފައިސާ ވަގަށް ނަގައިފި އެވެ.
ރާއްޖެއެމްވީއަށް މައުލޫމާތު ދެއްވަމުން ފިޔޯރީ ކައުންސިލުގެ މުވައްޒަފަކު ބުނީ ތިޖޫރި ފަޅާލިކަން އެނގުނީ ހޮނިހިރު ދުވަހުގެ ހެނދުނު އޮފީސް ހުޅުވުމުން ކަމަށެވެ.
އޭނާ ބުނީ ބެލެވޭ ގޮތުގައި ކައުންސިލް އިދާރާއަށް ވަދެ ވައްކަން ކޮށްފައިވަނީ ހުކުރު ދުވަހުގެ ރޭގެ ވަގުތެއްގަ އެވެ.
ކައުންސިލުން މައުލޫމާތުދޭ ގޮތުގައި ތިޖޫރި ފަޅާލި އިރު، ތިޖޫރިގައި ހުރި 13،000 ރުފިޔާ ވަނީ ވަގަށް ނަގާފަ އެވެ.
ތިޖޫރިގެ ދޮރު ހަލާލުކޮށްލައިގެން ފައިސާ ނެގި އިރު، ކައުންސިލް އިދާރާ ތެރެއަށް ވަދެފައިވަނީ ކުޑަ ދޮރެއް ހަލާކުކޮށްލައިގެން ކަމަށް ކައުންސިލް ބުނެ އެވެ.
އެ މައްސަލަ ތަހުގީގު ކުރުމަށް އެ ރަށުގައި ފުލުހުން ދަނީ ހަރަކާތްތެރިވަމުންނެވެ. ނަމަވެސް އަދި މިހާތަނަށް މީހަކު ހައްޔަރުކޮށްފައި ނުވެ އެވެ.
