މިއީ ޖުމްލަ 67800 މީހުންގެ ޖާގައިގެ ސްޓޭޑިއަމެކެވެ. މިތަނުގައި މިފަހަރުގެ ޔޫރޯގައި ކުޅޭނީ ގްރޫޕްބީގެ ތިން މެޗަކާއި ކުއާޓަރ ފައިނަލްގެ މެޗެއް ހިމަނައިގެން ޖުމްލަ ހަތަރު މެޗެވެ. ކްރެސްޓޮވްސްކީ ސްޓޭޑިއަމޭ ކިޔަނީ މި ސްޓޭޑިއަމް ހެދިފައިވަނީ އެނަން ކިޔާ ޖަޒީރާއެެއްގައި ކަމުންނެވެ. ސްޓޭޑިއަމްގެ ސްޕޮންސަރަށް ނިސްބަތްކޮށްފައި ގިނަބަޔަކު މިތަނަށް ކިޔަނީ ގޭޒްޕްރޮމް އެރީނާގެ ނަމުންނެވެ. ރަޝިޔާގެ ފުރަތަމަ ޑިވިޝަނުގެ ވަރުގަދަ ކުލަބްތަކުގެ ތެރެއިން ޒެނިތު ސެންޓްޕީޓާރސްބާގުގެ ހޯމް ސްޓޭޑިއަމަކީވެސް މި ސްޓޭޑިއަމެވެ. މިފަހަރު ޔޫރޯގެ ގްރޫޕް ބީގެ ބައެއް މެޗުތައް މި ސްޓޭޑިއަމްގައި ކުޅޭއިރު މި ގްރޫޕުގައި ހިމެނޭ ޓީމުތަކަކީ ރަޝިޔާ، ފިންލެންޑް، ބެލްޖިއަމް އަދި ޑެންމާކެވެ. މި ގްރޫޕުގެ އިތުރު މެޗުތައް ކުޅޭނީ ޑެންމާކުގެ ވެރިރަށް ކޯޕެންހޭގަންގެ ޕާރކެން ސްޓޭޑިއަމްގައެވެ.