މައިލޯ ޔޫރޯ ފޯރި - އެނަލިސްޓުން
މުޙައްމަދު ނިޒާމް
"ޔޫރޯ 2020" އަށް ރާއްޖެޓީވީން ގެނެސްދޭ "މައިލޯ ޔޫރޯ ފޯރި 2021" ގައި އެނަލިސްޓެއްގެ ގޮތުގައި ހަރަކާތްތެރިވާނެ އެއް ބޭފުޅަކީ ތަޖުރިބާކާރު ކޯޗު އަދި މި ވަގުތު ޓީސީ ސްޕޯޓްސް ކުލަބަށް އިރުޝާދުދެމުން އަންނަ މުޙައްމަދު ނިޒާމް (ނިޒާމްބެ) އެވެ. ކުޅުންތެރިއެއްގެ ގޮތުގައި ގިނަ ދުވަސްތަކެއްވަންދެން ފުޓްބޯޅަ ކުޅުނު ނިޒާމްބެއަކީ ކާމިޔާބު ކޯޗެއްވެސް މެއެވެ. އެގޮތުން ޓީސީ ސްޕޯޓްސް ކްލަބާއެކު ބައިނަލްއަގްވާމީ މުބާރާތެއް ކާމިޔާބުކޮށް، ނިޒާމްބެ ވަނީ ތާރީޚުންވެސް ޖާގަ ހޯދާފައެވެ. އަދި ނިޒާމްބެ ވަނީ މީގެ ކުރިންވެސް ފުޓްބޯޅައިގެ ބޮޑެތި މުބާރާތްތަކުގައި އެނަލިސްޓެއްގެ ގޮތުގައި މަސައްކަތްކޮށް، ބެލުންތެރިންގެ އިތުބާރު ހޯދާފައެވެ. މި ފަހަރުގެ ކަވަރޭޖުގައި ނިޒާމްބެ އިންސާފުކުރުމަށް ހަމަޖެހިފައިވަނީ ގްރޫޕް ބީ އެވެ. އެ ގްރޫޕުގައި ހިމެނޭ ގައުމުތަކަކީ ބެލްޖިއަމް، ޑެންމާކް، ފިންލެންޑް އަދި ރަޝިއާއެވެ.
