ފަލަސުރުހީ

ފެނަކައިން ބައެއް މެމްބަރުން އަތުން ތެޔޮ އެބަގަނޭ އެސްޓީއޯއަށްވުރެ ބޮޑު އަގުގައި. އެފަދަ މެމްބަރުން ފިތިފަ ތިބެނެ. ނަމަވެސް ގިނަ މެމްބަރުން ތިބީ ރައްޔިތުންނާއެކުގައި. ރައްޔިތުންގެ ހައްޤުގައި ތިބި މެމްބަރުންގެ އަދަދު ވަރަށް ބޮޑު. އެ މެމްބަރުންގެ ތާއީދާއެކު މިކަން ކުރެވެނެ. މަދު މެމްބަރަކު ތިބީ އެ ލިބޭ ނުރަނގަޅު އިނާޔަތްތައް ލިބޭ. ދެންތިބި ގިނަ މެމްބަރުންނަށް އިނާޔަތްތަކެއް ނުލިބޭ.

ބިރުނުގަނެ ފާޅުގައި ވޯޓުދޭ މެމްބަރުންނަކީ އެންމެ ބާރުގަދަ މެމްބަރު. ރައްޔިތުންގެ ބަރުވެރިކަން ހޯދުމަށް މަސައްކަތްކުރާ މެމްބަރު. ރައްޔިތުންގެ ހައްޤުގައި ތެދު ބަސްބުނާ މެމްބަރު. އެފަދަ މެމްބަރެއްދެކެ ރައްޔިތުން ލޯބިވެސް ވާނެ. ރައްޔިތުންގެ މަޖިލީހުގެ މެމްބަރުން ބިރުގަންނާކަށް ނުޖެހޭ. އެހެންކަމުން ރައްޔިތުންގެ މަޖިލީހުގެ މެމްބަރުން އެބަޖެހޭ މި ވޯޓުގައި ބައިވެރިވެ ވޯޓުދޭން.

އަޅުގަނޑާއި ބައްދަލުވި ބައެއް މެމްބަރުން އެބަ ބުނޭ، ތިމަންނަ މިވެނިގޮތަކަށް ވޯޓުލެވޭކަން ނެތޭ. ރައީސް ތިމަންނަގެ ބިޔަފާރި ހަލާކުކޮށްލާނެއޭ. ތިމަންނަ ހައްޔަރުކުރާނޭ. ނަމަވެސް އަޅުގަނޑު އެ މެމްބަރުންނަށް ދަންނަވަން، ރައްޔިތުންގެ މަޖިލީހަކީ މާ ބާރުގަދަ ތަނެކޭ. ރައީސްވެސް ވަކިކުރެވޭނެއޭ. ރައްޔިތުންގެ މަޖިލީހުގެ ބައެއް މެމްބަރުން ރައީސްދެކެ ބިރުގަންނަ ނަމަ ކޮންމެވެސް ކަމެއް ގޯސްކޮށް ކުރެވިފައި އެ އޮތީ.

ރައްޔިތުންގެ މަޖިލީހުގެ ކޮމެޓީއަކުން ބޮޑެތި ރިޕޯޓްތައް އެބަ ނިންމާލާ ތިން ވަރަކަށް މިނެޓުގެ ތެރޭގައި. އެކަން އެގޮތަށް ކުރެވޭނެކަމަކަށް އަޅުގަނޑު ގަބޫލެއް ނުކުރަން. މިސާލަކަށް 70 ސަފުހާގެ ރިޕޯޓެއް ތިން މިނެޓުން ކިޔެދާނެތޯ. ނަމަވެސް ތިން މިނެޓްގެ ތެރޭގައި އެކަން ކުރެވޭނެ ކަމަކަށް ގަބޫލެއް ނުކުރަން. އޭގެއިތުރުންވެސް ބޮޑެތި މައްސަލަތައް އެބަހުރި. ބައެއް ޖަމިއްޔާތަކުގައި ބައިވެރިވުމާއި ބައެއް މުއާހަދާތަކުގައި ބައިވެރިވުމުގެ މައްސަލަވެސް އެގޮތަށް އެބަ ނިންމާ.

ރައްޔިތުންނާއި ދެކޮޅަށް ސަރުކަރުން ކުރާ ކަންކަން ހުއްޓުވުމަށް ތިބި ބަޔަކީ ރައްޔިތުންގެ މަޖިލީހުގެ މެމްބަރުން. އެކަންކަމާއި ދެކޮޅަށް އަޑުއުފުލަން ތިބޭ ބަޔެކީވެސް ރައްޔިތުންގެ މަޖިލީހުގެ މެމްބަރުން. ނަމަވެސް އެކަންކަންވެސް ރައްޔިތުންގެ މަޖިލީހުގެ މެމްބަރުންނަށް ނުކުރެވޭ. ރައްޔިތުންގެ މަޖިލީހުގެ މެމްބަރުންނާއި ސަރުކާރާއި ހިޔާލު ތަފަތުވުންތައް ހުރޭ. އެއީ އަބަދުވެސް ކަންތައްތައްވާގޮތް. އެއީ ރައްޔިތުންގެ މަޖިލީހުގެ މެމްބަރުންނަކީ ރައްޔިތުންގެ ހައޤުގައި ބަސް ބުނަންތިބޭ ބަޔަކަށްވާތީ. މިސާލަކަށް ސަރުކާރުން ހިޔާލު ފާޅުކުރުމުގެ މިނިވަންކަން ހަނިކުރާއިރު، އެކަން ރައްޔިތުންނަށް މަގުފަހިކޮށްދޭން ތިބޭ ބަޔަކީވެސް ރައްޔިތުންގެ މަޖިލީހުގެ މެމްބަރުން. ނަމަވެސް އެ ހުރިހާ ކަމަށް ހުރަސްއަޅާ ބޭފުޅަކަށް މި ހުންނަނީ ރައްޔިތުންގެ މަޖިލީހުގެ ރައީސް. އެ ސަބަބަށްޓަކައިވެސް މަސީހު އެބަ އެއްފަރާތްކުރަންޖެހޭ.

މި ސަރުކާރުގެ ވައްކަންތަކާއި، ހިޔާނަތުގެ މައްސަލަ އާއި އެފަދަ ގިނަ ކަންތައްތައް އިންތިހައަށް އިތުރުކޮށް އޮތީ. އެ ކަންތައްތަކުގައި ސަރުކާރު ޖަވާބުދާކުރުވަންތިބި ބަޔަކީ ރައްޔިތުންގެ މަޖިލީހުގެ މެމްބަރުން. ނަމަވެސް އެކަން ކުރުމަށް ފުރުސަތު ނެތްކަމަށް މި ފާހަގަކުރެވެނީ. ވަޒީރުންނާއި ސުވާލުކުރުމަށް އިންތިހާއަށް އުދަނގޫތައް އެބަ ކުރިމަތިވޭ. އަޅުގަނޑުމެން ވަޒީރުންނާއި ސުވާލުކުރުމަށް ފޮނުވުމުން އެ ސުވާލުތައް ކުރުމުގެ ބަދަލުގައި ހުރިހާ އެއްޗެއް ޑަސްބިނަށްލަނީ.

މަސީހުގެ މައްސަލައަކީ، މަސީހުގެ މާބޮޑު ބާރެއް ނެތުން. މަސީހުއަށް އަމިއްލައަށް ކަންކަން ނިންމާތަނެއް ނުފެނޭ. މަސީހުގެ މައްޗަށް އިތުރު މީހަކު ކޮންޓްރޯލް ކުރާކަން ހާމަވޭ. އެހެންކަމުން މަސީހުއަށް މަސީހުގެ ޒިންމާ އެންމެ ފުރިހަމަ ގޮތުގައި އަދާކުރެވޭކަމަކަށް ނުފެނޭ. މި ވޯޓަކީ މާ އުދަނގޫ ވޯޓެއް ނޫން.

މިރޭގެ ފަލަސުރުހީ ޕްރޮގްރާމްގެ މެހުމާނަކީ، މެދު ހެންވޭރު ދާއިރާގެ މެމްބަރު އަލީ އާޒިމް އެވެ. މިރޭގެ ޕްރޮގްރާމްގެ މައުޟޫއަކީ، ފ. އަތޮޅު ވިއްކާލުމެވެ.