ފަލަސުރުހީ

ރައްޔިތުންގެ މަޖިލީހުގެ މެމްބަރުންގެ އަތް މަތީގައި މި އޮތީ ރައްޔިތުންގެ މުސްތަޤުބަލު. އެހެންކަމުން އަޅުގަނޑު އުއްމީދުކުރަނީ ރައްޔިތުންގެ މުސްތަޤުބަލަށް ރައްޔިތުންގެ މަޖިލީހުގެ މެމްބަރުން ނޫނެކޭ ނުބުނާނެ ކަމަށް. މިއީ ވަރަށް މުހިންމު ވޯޓެއް. މި ވޯޓުގައި މަޖިލީހުގެ މެމްބަރުންގެ ބައިވެރިވުން ވަރަށް ބޭނުން. އެ އެއްބާރުލުން ލިބޭނެކަމަށް އަޅުގަނޑުމެން އުއްމީދުކުރަނީ

މިކަން ކާމިޔބުވެއްޖެ ނަމަ ސަރުކާރުގެ ވައުދުތަކާއި ގުޅިގެން މިނިސްޓަރުންތައް ހާޒިރުކޮށް ސުވާލު ކުރެވޭނެ. ރައްޔިތުންގެ ހައްގުތައް ހޯދޭނެ. ރައްޔިތުންގެ ހިތުގެ އުފެދޭ ސުވާލެއް ކޮށްލުމުގެ ފުރުޞަތު ހުޅުވިގެންދާނެ. މިވޯޓް ލިބިއްޖެ ނަމަ ދާއިރާގެ ކޮންމެ ރައްޔިތަކަށްވެސް ވަޒީރުންނާއި ސުވާލުކުރެވޭނެ.

މި ސަރުކާރުގެ ކަންކަން ހުރި ގޮތުގެ ސަބަބުން ހުރިހާ ދާއިރާއެއްގައިވެސް މަސައްކަތްކުރާ ފަރާތްތަކަށް އަސަރުކުރޭ އެބަ. އެހެން އެގޮތަށްވާއިރު، ކަންކަން ރަނގަޅުކުރުމަށް އޮތް ރައްޔިތުންގެ މަޖިލީހުން އެ މަސައްކަތެއް ކުރާ މަންޒަރެއް އަޅުގަނޑުމެންނަކަށް ނުފެނޭ. އެހެންކަމުން ރައްޔިތުންގެ މަޖިލީހުގެ ރައީސް ބަދަލުކޮށްފަ އިސްލާހުކުރަންޖެހޭ ކަންތައްތައް ވަރަށް ބައިވަރު. އެކަންތައްތައް އަޅުގަނޑުމެން ކުރާނަން. އެކަންތައްތައްކޮށް ހުރިހާ ކަމެއް އިސްލާހުކުރުމަށް އަޅުގަނޑުމެން މި ނިކުތީ.

ޖަލްސާ އެޖެންޑާ ކުރާނެ ކަމަށް އުއްމީދު ކުރައްވަން. މިފަހަރު އޮތް އެންމެ ބޮޑު ޔަޤީން ކަމަކީ ޕީޕީއެމްއަށް ނިސްބަތްވާ މެމްބަރުން މަޖިލިސް ރައީސްގެ އިތުބާރު ނެތް ކަމުގެ ވޯޓް ފުރިހަމަ އަޤްލަބިއްޔަތުން ވަކި ކުރެވޭނެ ކަމަށާއި. ރައްޔިތުން ބޭނުން ނުވާ ގޮތަށް މިސަރުކާރުން ކުރަމުން އެބަދޭ. ކޮންމެ ފަސް އަހަރަކުން ލަމުން އަންނަ ވޯޓް ލިބޭނެ ކަމުގެ ޔަޤީން ކަމެއްވެސް ނެތް މަޖިލީހުގެ މަސައްކަތް މިހާރު އޮތް ގޮތަށް ކަންތައް ވަމުންދާ ނަމަ. ކޮންމެ ރައްޔިތަކުވެސް އެ ރައްޔިތެއްގެ މެމްބަރަކަށް މެސެޖް ކުރައްވާ، ވިދާޅުވާންވީ ރައްޔިތުން ބޭނުންވާ ގޮތަކީ ކޮބައިކަން.

ޖަލަށްލިކަމުގައިވިނަމަވެސް މި މަސައްކަތުގައި އަޅުގަނޑު ހުންނާން. ރައީސް މައުމޫނުވެސް ލައްކަ ދުވަހު ޖަލުގައި އޮންނެވި. އަޅުގަނޑު ޖަލަށްދާންޖެހުނު ނަމަވެސް މަސައްކަތް ދޫކޮށްލާކަށްނޫން މި ހުރީ. ޖަލަށްދާންޖެހޭނަމަ އެކަމަށްވެސް ތައްޔާރު. ނަމަވެސް ސަރުކާރު ޖަވާބުދާރިކުރުވާނަން.

ރައީސް މައުމޫނުގެ ތާއީދު މި މަސައްކަތަށް ލިބޭ. ރައީސް މައުމޫނުވެސް ހުންނެވީ މި މަސައްކަތުގައި. ތި ދެއްނެވީ އަޅުގަނޑު މި މަސައްކަތުގައި އިސްކޮށް އުޅޭ ސަބަބު. އަޅުގަނޑުމެން ގެނައި  ސަރުކާރެއް މިއީ. އަޅުގަނޑު ނުދަންނަ އެތަށް ބަޔެއް ކައިރީގައިވެސް ރައީސް ޔާމީނަށް ވޯޓު ދިނުމަށް އެދުނިން. ގިނަ މަސައްކަތްތަކެއް ކުރިން. ނަމަވެސް ކަންތައްތައް ގޯސަވެގެން މިދޔައީ. އެހެންކަމުން ސަރުކާރު ޒިންމާދާރުކުރުމަކީ އަޅުގަނޑުގެ ޒިންމާއެއް ކަމަށް ގަބޫލުކޮށްގެން މި މަސައްކަތްކުރަނީ.

މަޖިލީހުގެ ކޮންމެ މެމްބަރުވެސް ވިސްނަވާނެ ކުރިއަށް ކަންކަން ކޮށްދޭނެ ކަންތައްތަކަކީ ކޮބައިތޯ؟ ޒިންމާދާރު ކަންމަތީ ކަންކަން ކުރަން. މިއަދު އިންސާފްވެރިކަމާއި އެކީ ނުހިނގާ. ސަރުކާރާއި އެހެނިހެން މުއައްސަސާތަކުން އެތަރަހައިގެ ތެރޭގައި ކަންކަން ނުހިނގާ. ގިނަ ބިލްތައް އެއްވެސް ވަގުތެއް ނުދީ އެބަ ކޮމިޓީންވެސް ފާސްކުރޭ. ބިލްތައް އަވަސް ކުރުމަށް މަޖިލީހުގެ ރައީސް ވިދާޅުވާ ކަމަށް މެމްބަރުން އެބަ ވިދާޅުވޭ. މަޖިލީހުގެ މެޖޯރި އޮތުމުން ނާޖާއިޒު ފާއިދާ ނަގަމުން މިދަނީ. ޤާނޫނީ ތަރަހައިގެ ތެރޭގައި ކަންކަން ނިންމުމުގެ ޖާގަ އެބަ އޮތް.

އަޅުގަނޑުމެން މިދެނީ އިންޒާރެއް ނޫން. އަޅުގަނޑުމެން މި މަސައްކަތްކުރަނީ ސަރުކަރު ޤާނޫނީ އިމުގެ ތެރެއަށް ވެއްދުމަށް. މިހާރު ސަރުކާރު ހިނގަމުންދަނީ ޤާނޫނީ އިމުގެ ތެރެއިންކަމަށް ގަބޫލެއް ނުކުރަން.

މި ވޯޓާއެކުގައި މެމްބަރުންނަށް ބިރުދެއްކުން އަންނާނެ. ނަމަވެސް ހިތްވަރާއެކުގައި ތިއްބަވަންވީ. މިހާރުވެސް އަޅުގަނޑުމެންނާއެކު ތިއްބެވި ގިނަ މެމްބަރުންތަކެއްގެ ކިބައިން ހިތްވަރު ލިބިގެން ތިބެންވީ. ހުސެއިން އަރީފާއި، މުސްތަފާއާއި، ވައްޑެ ކުރާ މަސައްކަތުން ހިތްވަރު ހޯދަންވީ. ބިޔަފަރިވެރިންވެސް އަޅުގަނޑުމެންނަށް އެއްބާރުލުންދީ، ޓިމް ބޮޑުކުރަންވީ. ހުރިހާ ފަރާތްތަކުގެ އެއްބާރުލުން ވަރަށް މުހިންމު.

އަޅުގަނޑުމެންނަށް ކުރެވޭނީ މަސައްކަތް. ކާމިޔާބު ދެއްވާނީ އެހެން ފަރާތެއް. އަޅުގަނޑުމެން މިކަން ކާމިޔާބުކުރުމަށް މަސައްކަތް ކުރާނަން. ރައްޔިތުންގެ މަޖިލީހުގެ މެމްބަރުން މި ވޯޓާއިމެދު ވިސްނާލަންޖެހޭ. މި ވޯޓު ކާމިޔާބުވެއްޖެނަމަ ރައްޔިތުންގެ މަޖިލީހަކީ ރައްޔިތުން ތަމްސީލްކުރާ ތަނަކަށް ބަދަލުވެގެންދާނެ. ރައްޔިތުންގެ މަޖިލީހުގެ މެމްބަރުން އެދޭކަންތައްތައް ކޮށްދިނުމަށް ސަރުކާރަށްވެސް މަޖުބޫރުވާނެ. އެހެންކަމުން މި ވޯޓު ކާމިޔާބުވެއްޖެނަމަ ރައްޔިތުންނަށް ހިދުމަތްކޮށްދިނުމަށް ރައްޔިތުންގެ މަޖިލީހުގެ މެމްބަރުންނަށް ވަރަށް ބޮޑު ފަސޭހައެއް ލިބިގެންދާނެ. މި ވޯޓަށް ޕީޕީއެމްގެ ތެރެއިން ގިނަ މެމްބަރުން ވޯޓުދޭނެކަމަށް އަޅުގަނޑު ގަބޫލުކުރަން. އަޅުގަނޑުމެންނަށް 42 ވޯޓު ބޭނުންވަނީ. އަޅުގަނޑުމެންނަށް މިހަރު ކަށަވަރުވެފައިވަނީ 42 ވޯޓަށްވުރެ ގިނަ ވޯޓު ލިބޭނެ ކަމަށް.

އަޅުގަނޑުމެންނަށް ފެނިގެން ހިނގައްޖެ ރައްޔިތުންގެ މަޖިލީހުގެ އަޤުލަބިއްޔަތު ނެތި ސަރުކާރެއް ހިންގި މަންޒަރުވެސް. އެ ސަރުކާރު ހިންގީ ދަތިތަކައެކު. ނަމަވެސް ޑިމޮކްރަސީގެ އުސޫލުތައް ހިފެއްޓުނު. އަޅުގަނޑުމެން އިރާދަކުރެއްވިއްޏާ މި ވޯޓު ކާމިޔާބުކުރާނަން. އަޅުގަނޑުމެން ރައްޔިތުންގެ މަޖިލީހުގެ ރައީސްގެ މަޤާމަށް ގާބިލް ބޭފުޅަކު އިންތިހާބު ކުރާނަން. އެއަށްފަހު ހުރިހާ ކަމެއްވެސް ރަނގަޅު ކުރާނަން. އޭރުން މިނިވަން އިންސާފުވެރި އިންތިހާބުތައްވެސް ލިބޭނެ. އިންސާފު ޤާއިމްކޮށް، ޖުޑީޝަރީވެސް ރަނގަޅުކުރެވޭނެ ކަމަށް ގަބޫލުކުރަން. ޖުޑީޝަރީގައި ހުރި މައްސަލަތައް ހައްލުކުރެވޭނެކަމަށްވެސް ގަބޫލުކުރަން.

ރައްޔިތުންގެ މަޖިލީހުގެ މެމްބަރުންގެ އެންމެ މުހިއްމު ޒިންމާއަކީ މިނިވަން މުއައްސަސާތަށް ޒިންމާދާރު ކުރުވުން. ރައީސުލްޖުމްހޫރިއްޔާއާއި ޖުޑީޝިއަލް ސަރވިސް ޒިންމާދާރު ކުރުވުން. މެމްބަރުން ކަންކަން ނިންމަނީ މަޖުބޫރުވެގެން. ގިނަ މެމްބަރުން އެބަ ވިދާޅުވޭ ބިލްތަކަށް ވޯޓް ދެނީ ސަރުކާރުން ބޭނުންވާ ގޮތަށް ވޯޓް ލުމުން ކަމަށް އެދާއިރާއަކަށް ތަރައްޤީ އަންނަނީ.

މަޖިލީސް މެމްބަރުން ޒިންމާ އަދާނުކުރާކަމަށް ނުދަންނަވާނަން. އަޅުގަނޑުމެންނަށް ޑިމޮކްރަސީގައި ފެނިގެން ނުވާނެ މަންޒަރެއް މި ފެނިގެންދަނީ. މެމްބަރުންނަށް އެކިގޮތްގޮތުން ފިއްތުންތައް ކުރިމަތިވޭ. މިސާލަކަށް މެމްބަރުންނަށް އެބައާދޭ މެސެޖެއް ސަރުކާރަށް ތާއީދުނުކުރާނަމަ ދާއިރާގެ ތަރައްޤީގެ މަސައްކަތްތައް ކުރިއަށް ނުގެންދާނެކަމަށް. މަޖިލީހުގެ ބޭރުން މަންޒަރު ބަލާނަމް ފެންނާނީ ތަފާތު މަންޒަރެއް. އަޅުގަނޑަށް އެ މެމްބަރުންގެ ހާލު ފެނި ހަމްދަރުދީވޭ. ކޮންމެ ވޯޓަކައި ދިމާކޮށް ދާއިރާގެ ތަރައްޤީގެ މައްސަލަތައް ފެންމަތިކޮށްލާ. އަޅުގަނޑުމެން މި ހިސާބަށް މިއައީ ކާމިޔާބުވާނެކަމުގެ އުއްމީދު އޮތީމަ. އެކަން އެގޮތަށް ގަބޫލުކޮށްގެން މި މައްސަލަވެއްދީ. ގިނަ މެމްބަރުންވެސް މަޖިލީހުގެ ތެރޭގައި ކަންކަން ހިނގާގޮތައިމެދު ހިތްހަމައެއްނުޖެހޭ.  

ފެނިގެންދިޔަ ޤާނޫނު އަސާސީއާއި ޚިލާފަށް ވަކި މުއްދަތެއް ނެތް ގޮތެއްގައި ކަންކަން ނިންމަމުންދާ މަންޒަރު. ރައްޔިތުންގެ މަޖިލީހުގެ ރައީސްގެ ބޭނުންވާ ކަންތައްތައް ބޭނުންވާ ގޮތަށް މިދަނި ކުރަމުން. އަމިއްލަ މެމްބަރަކަށްވެސް ބިލެއްވެސް އިސްލާހެއްވެސް ހުށައެއް ނޭޅޭ. މަޖިލިސް މެމްބަރުންނަށް މަސައްކަތް ނުކުރެވޭ ވަރަށް ކަންތައް މި އޮތީ ގޮސްފައި.
 

ފަލަސުރުހީ ޕްރޮގްރާމްގެ މިރޭގެ މެހުމާނުންނަކީ، މެމްބަރު އަހުމަދު ފާރިޝް މައުމޫނާއި، މެމްބަރު އަލީ ހުސެއިން އެވެ. މިރޭގެ ޕްރޮގްރާމްގެ މައުޟޫއަކީ، ރައްޔިތުންގެ މަޖިލީހުގެ ރައީސް އަބްދުﷲ މަސީހުގެ އިތުބަރު ނެތްކަމުގެ މައްސަލައެވެ.