އެމްޑީޕީ ހަރުގެއަށް ފުލުހުން ވަނުން

އެމްޑީޕީ ހަރުގެ ބަލާ ފާސްކޮށް، ގިނަ އަދަދެއްގެ ބެނާތަކާއި، އިތުރު ތަކެއްޗާއެކު ފުލުހުން ސަރަހައްދު ދޫކޮށް ހިނގައްޖެ އެވެ. ގެންދިޔަ އެއްޗެހީގެ ތަފްސީލްތައް ނުލިބުނު ނަމަވެސް، ބައެއް ބެނާތައް ގެންދިޔަ މަންޒަރު ނޫސްވެރިންނަށް ފެނިފައިވެ އެވެ.

އެމްޑީޕީ ހަރުގެ ތެރޭގައި ހުރި އެއްވެސް ބެނާއެއްގައި ފ. އަތޮޅު ވާހަކައެއް ނުވާނެ އެވެ. އަދި އެއްވެސް އެއްޗެއް ނުލިޔެ ހުރި ފޮތިތައްވެސް ވަނީ ފުލުހުންގެ ވެހިކަލަށް އަރުވާފަ. އެކަން އެގޮތަށް ނުކުރެވޭނެކަމަށް އަޅުގަނޑުމެން ބުނިން

ފުލުހުން އެމްޑީޕީ ހަރުގެ ބަލާ ފާސްކުރަމުންދާއިރު، ގިނަ އަދަދެއްގެ ފޮތިތަކެއް ވަނީ ފުލުހުންގެ ވެހިކަލަށް އަރުވާފަ އެވެ. އޭގެތެރޭގައި ކެމްޕޭން ހަރަކާތްތަކަށް ބޭނުންކުރާ ބެނާތައްވެސް ހިމެނެ އެވެ.

ފުލުހުން ކޯޓު އަމުރަކާއެކު، އެމްޑީޕީ ހަރުގެ ބަލާ ފާސްކުރަމުންގެންދާއިރު، އެ ސަރަހައްދަށް ގިނަ އަދަދެއްގެ އާންމު ވަނީ އެއްވެފަ އެވެ. އޭގެ ތެރޭގައި އެމްޑީޕީގެ ގިނަ އަދަދެއްގެ މެމްބަރުންވެސް ހިމެނެ އެވެ.

ފުލުހުން އެމްޑީޕީ ހަރުގެ ސަރަހައްދު ބަލާ ފާސްކުރަމުންގެންދާއިރު، ފުލުހުން ވަނީ ބޮޑުތަކުރުފާނު މަގު، ބީއެމްއެލްއާއި ހިސާބުން ބަންދުކޮށްފަ އެވެ. އަދި ބޮޑުތަކުރުފާނު މަގު، މަޖީދީމަގު ޖަންގުޝަންވި ހިސާބުންވެސް ވަނީ ބަންދުކޮށްފަ އެވެ.

ބަލާ ފާސްކުރުމަށް ފުލުހުން ހަރަކާތްތެރިވާއިރު، ބަލާ ފާސްކުރުމަށްފަހު ފުލުހުން ވަނީ ކަޅު ކޮތަޅުތަކެއް ފުލުހުންގެ ވެހިކަލަށް އަރުވާފަ އެވެ. ނަމަވެސް ކޮތަޅުގައިވަނީ ކޯޗެއްކަމެއް ސާފެއް ނުވެ އެވެ.

ބޭރުގެ އެކި ޤައުމުތަކުގެ ވެރިންނާއި، އިއްޒަތްތެރިން ދިވެހިރާއްޖެއަށް ވަޑައިގަންނަވަން ހަމަޖެހިފައިވާތީ، ޝަރަފާއި ގަދަރާއި އިއްޒަތަށް އުނިކަން ލިބޭގޮތަށް އަމަލުތަކެއް ހިންގުމަށް ރާވާ ހަދާކަމަށް ތުހުމަތުކުރެވޭ މައްސަލާގައި އެމްޑީޕީ ހަރުގެ ހިމެނޭ ގެ ބަލާ ފާސްކުރުމަށް އަމުރުދޭކަމަށް.

ފުލުހުން ވަނީ އެމްޑީޕީ ހަރުގެ ހިމެނޭ ސަރަހައްދު އެއްކޮށް ބަންދުކޮށްފަ އެވެ. އެ ސަރަހައްދުގެ ބޮޑު ބައެއް ބަންދުކޮށް، އެސްއޯ ފުލުހުންވެސް އަންނަނީ އެމްޑީޕީ ހަރުގޭގައި ހަރަކާތްތެރިވަމުންނެވެ.

ކޯޓު އަމުރަކާއެކު، ބަލަ ފާސްކުރުމަށް ފުލުހުން އެމްޑީޕީ ހަރުގެއަށް ވަދެއްޖެ އެވެ.