ރިޔާސީ ރޭސް 2023

ރިޔާސީ އިންތިޚާބުގެ ދެވަނަ ބުރުގައި ވޯޓުލުމުގެ ޙައްގު ލިބިގެންވާ މީހުންގެ ތެރެއިން 86 އިންސައްތައަށްވުރެ ގިނަ މީހުން ވޯޓު ލާފައިވާ ކަމަށް އިލެކްޝަންސް ކޮމިޝަނުން ބުނެފިއެވެ.

ހޮނިހިރު ދުވަހު ބޭއްވި ރިޔާސީ އިންތިޚާބުގެ ދެވަނަ ބުރު، މާލެ ސިޓީގެ މޭޔަރު އަދި ޕީއެންސީގެ ކެންޑިޑޭޓް ޑރ. މުޙައްމަދު މުއިއްޒު ކާމިޔާބު ކުރައްވައިފިއެވެ.

ވޯޓް ކަރުދާސް ދެއްކުމާއި ފޮޓޯ ނެގުމާ ގުޅިގެން މިއަދު މިހާތަނަށް 14 މީހަކު ވަނީ ފުލުހުންގެ ބެލުމުގެ ދަށަށް ގެނެސްފައިވާ ކަމަށް އެ އިދާރާއިން ބުނެފި

އޮޕަރޭޝަން ބްލޫ ވޭވް އަޕްޑޭޓް: ގދ. ވާދޫ ގައި ވޯޓުލާން ދިޔަ މީހަކު ވޯޓް ފޮށި ފަޅާލާފައިވާ މައްސަލަ ރިޕޯޓްކުރުމާ ގުޅިގެން ފުލުހުންދަނީ ހަރަކާތްތެރިވަމުން. މިމައްސަލައާ ގުޅިގެން އެމީހާވަނީ ހައްޔަރުކޮށްފައި

އެންމެހާ ރައްޔިތުންވެސް ޑިމޮކްރެސީގެ ރީތި އުސޫލުތަކަށް ތަބާވެ ސުލްހަމަސަލަސްކަން ނެގެހެއްޓުމަށް އިސްކަންދެއްވާ

ގދ.ވާދޫ ގައި ބަހައްޓާފައިވާ ވޯޓު ފޮށްޓެއް ފަޅާލައިފި. މި ފޮށި ފަޅާލައިފިވަނީ ވޯޓު ފޮށި ބަންދުކޮށްފައިވަނިކޮށް. ވޯޓު ފޮށި ބަންދުކޮށްފައިވަނީ 17:00 ގައި.

ވޯޓުލާ ކިޔޫތައް ބަންދުކޮށްފި

މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 16:00އާ ހަމައަށް ވޯޓުލާފައިވާ ނިސްބަތް

ރައްޔިތުންގެ މަޖިލީހުގެ އައްޑޫ މަރަދޫ ދާއިރާގެ މެންބަރު އިބްރާހީމް ޝަރީފާއި، ފޭދޫ ދާއިރާގެ މެންބަރު މުހައްމަދު ނިހާދަށް ބަޔަކު ހަމަލާދީ އަދިި މި ދެ ހާދިސާ ހިނގި ތަނުގައި ތިބި އާންމު ރައްޔިތުންނަށްވެސް އެކިވަރުގެ ހަމަލާ ދީފައިވާ މައްސަލަ ހިއުމަންރައިޓްސް ކޮމިޝަނުން ހަރުކަށި އިބާރާތުން ކުށްވެރިކޮށްފި.

އެ ކޮމިޝަނުން ބުނީ ސިޔާސީ ދެބަސްވުންތަކުގައްޔާއި ފިކުރު ތަފާތުވާ ހާލަތްތަކުގައިވެސްް އެކަކު އަނެކަކަށް ޖިސްމާނީ އަނިޔާ ދިނުމާއި، އަބުރަށް އަރައިގަތުމާއި، ނަފްރަތުގެ އަމަލުތައް އިސްކުރުމަކީ ކޮމިޝަނުން ކަންބޮޑުވާކަމެއް. މި އަމަލުތަކަކީ ގާނޫނީ ގޮތުންވެސް ޖިނާއީ ކުށްތަކެއްކަން ހަނދުމަކޮށްދެން. މިފަދަ މައްސަލަތައް ކަމާގުޅުންހުރި އިދާރާތަކުން ވީހާވެސް އަވަހަށް ތަހުގީގުކޮށް ފިޔަވަޅު އެޅުމަށް ގޮވާލަން.

ސްޓެލްކޯއިން ހިޔާ ޓަވަރުތަކުން ކަރަންޓުގެ ޚިދުމަތް މެދުކަނޑާލަން އުޅޭ ކަމަށްބުނެ ރިޔާސީ އިންތިޚާބުގެ ފުރަތަމަބުރުގައި ފެތުރިފަދަ ބުހުތާނު ދޮގު ވާހަކަތައް ސިޔާސީ ވަކި މަގުސަދެއް ހާސިލް ކުރުމަށް އިންތިޚާބުގެ ދެވަނަ ބުރާއި ގުޅުވައިގެންވެސް ގެންދަނީ ފަތުރަމުން. މި ދެންނެވި ވާހަކަތަކަކީ، އެއްވެސް ކަހަލަ އަސާސެއްގެ މައްޗަށް ބިނާކޮށް ފަތުރަމުންދާ ވާހަކަތަކެއް ނޫން ކަމުގެ ޔަގީންކަން އެންމެހާ ރައްޔިތުންނަށް އަރުވަން.

ރިޔާސީ އިންތިހާބުގެ ދެވަނަ ބުރުގެ ވޯޓުލުން ބަންދުވާން 1 ގަޑި އިރަށްވެއްޖެއެވެ.

2023 ވަނަ އަހަރުގެ ރިޔާސީ އިންތިޚާބުގެ ދެވަނަ ބުރުގައި ވޯޓުލުމަށް ކިޔޫ ބަންދުކުރުމުގެ ސުންގަޑިއަކީ މިއަދު ހަވީރު 5:00ށް. މި ފުރުސަތުގެ ބޭނުން ހިފައި، ވޯޓުލުމުގެ ފަރުދީ ޒިންމާ ހުރިހާ ފަރާތްތަކުންވެސް އަދާކުރައްވާ.

މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 15:00އާ ހަމައަށް ވޯޓުލާފައިވާ ނިސްބަތް

ޖިނާއީ ކުށްތަކަށް އަރައިގަންނަ ގުރޫޕްތަކުގެ ހަރަކާތްތައް މާލެތެރޭގައި އިތުރުވަމުންދާކަމަށް ފާހަގަ ކުރެވުމާ ގުޅިގެން ސަލާމަތީ ފިޔަވަޅުތައް ވަރުގަދަކުރަންފަށައިފިއެވެ.

ލ. ފޮނަދޫ 3 ނަންބަރު ވޯޓުފޮށީގައި ދިމާވި ވޯޓުކަރުދާހުގައި މާކެއް ހުރި މައްސަލަ ކޮމިޝަނުގެ ސަމާލު ކަމަށް އައުމުން، އެކަމުގައި އަމަލުކުރަންވީގޮތުގެ އިރުޝާދު ވޯޓުލާ މަރުކަޒުގެ ވެރިޔާ އަށް ދިނުމަށްފަހު، މިހާރު ވަނީ އެފޮށީގެ ވޯޓުލުން ފެށިފައި.

ވޯޓު ކަރުދާސް ދޫކުރާ އޮފިޝަލް އަތުގައި ގަލަމެއް ނޯންނާނެ. އަދި ވޯޓުކަރުދާސް ދޫކުރާ މޭޒުން ވޯޓުކަރުދާހާއި ކުރެހުމުގެ ފުރުސަތެއްވެސް ނޯންނާނެ. ވޯޓުލުމުގެ އެންމެހައި ކަންތައްތައް ހިނގަމުންދާނީ އޮބްޒާވަރުންނާއި މޮނިޓަރުންނާއި ކެންޑިޑޭޓުންގެ މަންދޫބުންގެ ކުރިމަތީގައި.

މިހާތަނަށް އެއްލައްކަ ސާޅީސް އެއް ހާސް މީހުން ވޯޓުދިނުމުގެ ޙައްޤު އަދާކުަރައްވައިފި. އެއީ ވޯޓުދިނުމުގެ ޙައްޤު ލިބިފައިވާ މީހުންގެ %50 އިންސައްތަ. ވޯޓުލުން ހިނގަމުންދަނީ އަމާންކަމާއި އޮމާންކަމާއެކު.

ދެވަނަ ބުރުގައި 14:00އާ ހަމައަށް ވޯޓުލާފައިވަނީ 171،954 މީހުންނެވެ.

ދެވަނަ ބުރުގައި 13:00އާ ހަމައަށް ވޯޓުލާފައިވާ ނިސްބަތް

ވޯޓު ކަރުދާހުގައި ކުރެހި ކަމަށް ބުނެ ލ. ފޮނަދޫ ފޮއްޓެއްގެ ވޯޓުލުން މެދުކަނޑާލާފައިވާއިރު މިހާރު އެ ފޮށީގެ ވޯޓްލުން ފެށިފައިވާ ކަމަށް އިލެކްޝަންސް ކޮމިޝަންގެ ނައިބުރައީސް އިސްމާއިލް ހަބީބް ވިދާޅުވެއްޖެ. ފޮނަދޫގައި ވޯޓްލުން މެދުކަނޑާލީ ވޯޓު ކަރުދާހުގައި ކުރެހި މައްސަލައެއްގައި.

12:00 ޖެހުމާ ހަމައަށް ވޯޓުލާފައިވާ ނިސްބަތް

ވޯޓު ކަރުދާސް ދެއްކުމާއި ވޯޓު ކަރުދާސް ފޮޓޯ ނެގުމާ ގުޅިގެން މިހާތަނަށް 10 މީހަކު ފުލުހުންގެ ބެލުމުގެ ދަށަށް ގެނެސްފައިވޭ. އެމީހުންގެ ތެރެއިން 7 މީހަކު ވަނީ ދޫކޮށްލާފައި.

އޮޕަރޭޝަން ބްލޫ ވޭވް އަޕްޑޭޓް:

ވޯޓު ކަރުދާސް ދެއްކުމާއި ވޯޓު ކަރުދާސް ފޮޓޯ ނެގުމާ ގުޅިގެން މިހާތަނަށް 10 މީހަކު ފުލުހުންގެ ބެލުމުގެ ދަށަށް ގެނެސްފައިވޭ. އެމީހުންގެ ތެރެއިން 7 މީހަކު ވަނީ ދޫކޮށްލާފައި.

ވޯޓު ކަރުދާހުގައި ކުރެހިކަމަށް ބުނެ ފޮނަދޫ ފޮއްޓެއްގެ ވޯޓުލުން މެދުކަނޑާލައިފި. އިލެކްޝަންސް ކޮމިޝަންގެ ނައިބުރައީސް އިސްމާއިލް ހަބީބް ވިދާޅުވީ ފޮނަދޫގައި ވޯޓު ކަރުދާހުގައި ކުރެހި މައްސަލައެއްގައި ވަގުތީގޮތުން ވޯޓުލުން ހުއްޓާލާފައިވާ ކަމަށް. އެ ރަށުގެ ވެރިޔާ އަށް އިރުޝާދު ދީފައި އޮތީ އައު ފޮއްޓެއްގައި ވޯޓްލުން ދެން ފެށުމަށް.

ފޮރިން މިނިސްޓަރ އަބްދުﷲ ޝާހިދު ވޯޓުލައްވައިފި

އެމްޑީޕީގެ ރިޔާސީ ކެންޑިޑޭޓްގެ ރަނިންމޭޓް މުހައްމަދު އަސްލަމް ވޯޓުލައްވައިފި

ނައިބު ރައީސް ފައިސަލް ނަސީމް ވޯޓުލައްވައިފި

މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 11:00އާ ހަމައަށް ވޯޓުލާފައިވާ ނިސްބަތް

އޮޕަރޭޝަން ބްލޫ ވޭވް އަޕްޑޭޓް:

ލ. ފޮނަދޫގައި ވޯޓުލާ މަރުކަޒުގެ އޮފިޝަލަކު ވޯޓު ކަރުދާހުގައި ކުރަހާފައި ދޭކަމުގެ ޝަކުވާ ފުލުހުންނަށް ހުށަހަޅާފައިވޭ. މިކަމާ ގުޅިގެން ބަލަންޖެހޭ ކަންކަން ފުލުހުން ދަނީ ބަލަމުން.

ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހް ވޯޓުލައްވައިފި

އިންތިޚާބާ ގުޅުންހުރި ކަންކަމާ ގުޅިގެން މިހާތަނަށް 4 މީހަކު ފުލުހުންގެ ބެލުމުގެ ދަށަށް ގެނެސްފައިވޭ. އޭގެ ތެރެއިން އެކަކު މިހާރު ވަނީ ދޫކޮށްލާފައި

މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 10:00އާ ހަމައަށް ވޯޓުލާފައިވާ ނިސްބަތް

ކުރީގެ ރައީސް އަބްދުﷲ ޔާމީން ވޯޓުލައްވައިފި

ފުވައްމުލަކުގައި ވޯޓު ކަރުދާސް ފޮޓޯ ނެގިކަމަށް ތުހުމަތުކުރެވޭ މީހަކު ފުލުހުންގެ ބެލުމުގެ ދަށަށް ގެނެސް، މައުލޫމާތު ސާފުކުރުމަށްފަހު މިހާރުވަނީ ދޫކޮށްލާފައި

ކުރީގެ ނައިބު ރައީސް އަހުމަދު އަދީބު ވޯޓުލައްވައިފި

ފަސްޓްލޭޑީ ފަޒްނާ އަހުމަދު ވޯޓުލައްވައިިފި

ޔޫތް މިނިސްޓަރ އަހުމަދު މަހްލޫފް ވޯޓުލައްވައިިފި

މިހާރު ކުރިއަށްދާ ރިޔާސީ އިންތިޚާބު 2023ގެ ދެވަނަ ބުރުގައި 09:00އާ ހަމައަށް ވޯޓުލާފައިވާ ނިސްބަތް