ލަންކާގެ އައު ރައީސަކު އައްޔަން ކުރުން

ރަނިލް ވިކްރަމަސިންގހަގެ ސިޔާސަތުގައި ލަންކާގެ ބޮޑުވަޒީރުކަމުގެ މަގާމަށް އައްޔަނުކުރައްވާނީ ދިނެޝް ގުނަވަރްދަނާ ކަމަށް އެގައުމުގެ މީޑިއާތަކުން ރިޕޯޓުކޮށްފި

ޑެއިލީ މިރޯ ލަންކާއިން ވަނީ ގައުމުގެ ރައީސްކަމުގެ މަގާމާ ވިކްރަމަސިންގހަ ހަވާލުވެވަޑައިގަތުމުން ބޮޑުވަޒީރުކަމުގެ މަގާމަށް އައްޔަންކުރައްވާނީ މަޖިލިސް މެމްބަރު ދިނެޝް ގުނަވަރްދަނާކަމަށް މައުލޫމާތު ލިބިފައިވާކަމަށް ރިޕޯޓުކޮށްފަ

ލަންކާގެ ރައީސްކަމުގެ މަގާމަށް ރަނިލް ވިކްރަމަސިންގހަ ހޮވިވަޑައިގަންނަވައިފިއެވެ.

ވިކްރަމަސިންގހަ ލަންކާގެ ރައީސް ކަމަށް ހޮވިވަޑައިގަންނަވާފައިވަނީ ބުދަ ދުވަހުގެ ހެނދުނު އެގައުމުގެ ގާނޫނު ހަދާ މަޖިލީހުގައި ކުރިއަށް ގެންދިޔަ ވޯޓަށް ފަހުއެވެ. އެވޯޓުލުމުގައި ވިކްރަމަސިންގހައަށް ވަނީ 134 މެމްބަރުންގެ ވޯޓު ލިބިވަޑައިގެންފައެވެ.

ދެވަނައަށް އެންމެ ގިނަ ވޯޓު ލިބިވަޑައިގެންފައިވަނީ ދުލަސް އަލަހައްޕެރުމާއަށެވެ. އެއީ 82 މެމްބަރުންގެ ވޯޓެވެ.

އަނޫރާ ކުމާރާ ޑިސަނަޔަކައަށް ލިބިވަޑައިގެންފައިވަނީ 03 ވޯޓެވެ.

ލަންކާގެ އައު ރައީސް ހޮވުމަށް ނަގާ ވޯޓު ނިމި ގުނަން ފަށައިފި

ބޮޑުވަޒީރު ރަނިލްގެ ފަރާތްޕުޅުން ވޯޓު ގުނުމުގެ ކަންކަން ބަލަހައްޓަވަނީ ހަރިން ފަރނާންޑޯ

ދުލާސްގެ ފަރާތްޕުޅުން ވޯޓު ގުނުމުގެ ކަންކަން ބަލަހައްޓަވަނީ ދިލަން ޕެރޭރާ

އަނޫރާގެ ފަރާތްޕުޅުން ވޯޓުގެ ކަންކަން ބަލަހައްޓަނީ ވިޖިތަ ހެރަތް

ލަންކާގެ ރައީސް ހޮވުމަށް ގާނޫނު ހަދާ މަޖިލީހުގައި ނަގާ ވޯޓު ނިމުމަކަށް އަތުވެއްޖެ.

ފަހު ވޯޓު ދެއްވީ މެންބަރު ސާރަތު ފޮންސެކާ

ބުދަ ދުވަހުގެ ހެނދުނު ލަންކާގެ މަޖިލީހުން މިކަމުގެ މަސައްކަތް ފަށާފައިވާއިރު، އެގައުމުގެ އައު ރައީސް ކަމުގެ މަގާމަށް ކުރިމަތިލައްވާފައިވަނީ ތިން ބޭފުޅުން.

އެއީ ބޮޑުވަޒީރު އަދި މިހާރުގެ ވަގުތީ ރައީސްކަމުގައި މަޤާމުގައި ހުންނެވި ރަނިލް ވިކްރަމަސިންގހަ އާއި ދުލަސް އަލަހައްޕެރޫމާ އަދި އަނޫރާ ކުމާރާ ޑިސަނަޔަކަ.

ރިޕޯޓުތައް ބުނާގޮތުން މިވަގުތު މަޖިލީހުގެ އެންމެ ބޮޑު ތާއީދެއް އޮތީވެސް ވަގުތީ ރައީސް ކަމުގައި ހުންނެވި ރަނިލް ވިކްރަމަސިންގހައަށް.

ތަމަޅައިގެން އެންމެ ދުވަސްވީ ސިޔާސީ ޕާޓީ އަހިލަ އިލަންކައި ޓަމިލް ކޮންގްރެސް އިން ވެސް ރައީސް ހޮވުމަށް ނަގާ ވޯޓުގައި ބައިވެރި ނުވިއެވެ.

ލަންކާގެ ކުރީގެ ރައީސް އަދި ދާދި ފަހުން ބޮޑުވަޒީރުކަމުން އިސްތިއުފާދެއްވި މަހިންދަ ރާޖަޕަކްސަ ވޯޓު ދެއްވައިފި.

މިހާރު އޮތް ސަރުކާރުގެ ބޮޑުވަޒީރުކަން އަދާކުރެއްވުމަށްފަހު ލަންކާގެ ހަމަނުޖެހުންތަކާއި ގުޅިގެން މަހިންދަ ވަނި އިސްތިއުފާ ދެއްވާފައި.

ލަންކާގެ ރައީސް ހޮވުމަށް އެގައުމުގެ ގާނޫނު ހަދާ މަޖިލީހުގައި ނަގަމުންދާ ވޯޓުގައި، ޓަމިލް ނެޝަނަލް ޕީޕަލްސް ފްރަންޓުގެ މެންބަރު ސެލްވަރަސަ ގަޖެންދްރަން ވޯޓު ނުދެއްވާ އެއްފަރާތްވެވަޑައިގެންފި

ތަމަޅައިންނަކީ ލަންކާގައި މިހާރު އޮތް ސަރުކާރާ ދެކޮޅު ބައެއް.

އަނޫރާ ކުމާރާ ޑިސަނަޔަކަގެ ނަން ހުށަހަޅުއްވާފައި ވަނީ ވިޖިތާ ހެރަތު.

ލަންކާގެ ވަގުތީ ރައީސް ރަނިލް ވިކްރަމްސިންގހަ ވޯޓު ދެއްވައިފި. އެމަނިކުފާނަކީ ލަންކާގެ ބޮޑުވަޒީރުކަންވެސް އަދާކުރައްވަމުން ގެންދަވާ ބޭފުޅާ.

ރައީސްކަމަށް ދުލާސްގެ ނަން ހުށަހަޅުއްވާފައިވަނީ އިދިކޮޅު ސިޔާސީ ލީޑަރު ސަޖިތް ޕްރެމަދަސާ.

ގާނޫނު ހަދާ މަޖިލީހުގައި މެންބަރުން ވޯޓު ކަރުދާހުގައި ފާހަގަ ޖެއްސެވުމަށްފަހު ކަރުދާސްކޮޅު ދައްކަވަމުން ގެންދަވާތީ އެކަން ނުކުރެއްވުމަށް މަޖިލީހުގެ ރައީސް ޔާޕާ ވަނީ މެންބަފުންގެ ކިބައިން އެދިވަޑައިގަންނަވާފައެވެ.

ލަންކާގެ އައު ރައީސަކު އައްޔަން ކުރުމަށް މަޖިލީހުގެ މެންބަރުން ވޯޓުލާން ފަށައިފި.

ރައީސަކު ހޮވުމަށް ބާއްވާ ޖަލްސާ 11:30 އާއި ހަމައަށް ކުރިއަށްދާނެކަމަށް ބެލެވޭ.

ލަންކާގެ ގާނޫނު އަސާސީ ބުނާގޮތުން، ވެރިކަމުގައި ހުންނަވާ ރައީސަކު މަގާމުން އިސްތިއުފާ ދެއްވައިނަމަ، ގާނޫނު ހަދާ މަޖިލީހުގެ މެންބަރަކު 30 ދުވަހުގެ ތެރޭގައި ރައީސަކަމަށް އައްޔަން ކުރަންޖެހެއެވެ.

ލަންކާގެ ރައީސްކަމަށް 3 ނަމެއް ވަނީ ހުށަހަޅާފައެވެ.

މީޑިއާ ރިޕޯޓުތައް ބުނާގޮތުން ލަންކާގެ ރައީސްކަމުގެ މަގާމަށް ކުރިމަތިލައްވާފައިވާ ބޭފުޅުންނަކީ މިހާރުގެ ބޮޑުވަޒީރު ރަނިލް ވިކްރަމަސިންގހަ އާއި އަނޫރާ ކުމާރާ ޑިސަނަޔަކަ އަދި ދުލަސް އަލަހައްޕެރުމާއެވެ. މި ތިން ބޭފުޅުން މިމަގާމަށް ކުރިމަތިލައްވާފައިވާކަން ލަންކާގެ ގާނޫނު ހަދާ މަޖިލީހުގައި ވަނީ އިއުލާނުކޮށްފައެވެ.

އަލަހައްޕެރުމާގެ ނަން ހުށަހަޅުއްވާފައި ވަނީ އިދިކޮޅު ސިޔާސީ ލީޑަރު ސަޖިތު ޕްރެމަދަސާއެވެ. ރަނިލް ވިކްރަމަސިންގހަގެ ނަން ހުށަހަޅުއްވާފައި ވަނީ ދިނެޝް ގުނަވަރްދެނާއެވެ. އަދި، އަނޫރާ ކުމާރާ ޑިސަނަޔަކަގެ ނަން ހުށަހަޅުއްވާފައި ވަނީ ވިޖިތާ ހެރަތުއެވެ.