އެމްއެންޑީއެފުން ބުނީ ރޯވި އަލިފާންގަނޑު ކޮންޓްރޯލް ކުރެވިއްޖެ ކަމަށާއި ހަދިސާގައި އެއްވެސް މީހަކަށް އަނިޔާ ނުވާ ކަމަށެވެ. ފަޔަރ ޓީމުން ދަނީ އަދިވެސް ހަރަކާތްތެރިވަމުން.
28 އޯގަސްޓް 2020 | ހުކުރު 23:19
އަލިފާނުގެ ހާދިސާ ހިގައިގެން އުޅޭ ސަރަހައްދުގައި ދިރިއުޅޭ#ކޮވިޑް19ޕޮޒިޓިވް ފަރާތްތަކާއި ކޮންޓެކްޓްސް 1676 އަށް ގުޅުމަށް ހެލްތް މިނިސްޓްރީން ވަނީ އިލްތިމާސްކޮށްފައި
28 އޯގަސްޓް 2020 | ހުކުރު 23:15
އަލިފާނުގެ ހާދިސާ ހިނގައިދިޔަ ސަރަހައްދަށް ނުދިއުމަށް ހެލްތް މިނިސްޓްރީން އިލްތިމާސްކޮށްފި
ކ. މާލެ
އަލިފާނުގެ ހާދިސާ ހިނގާ ސަރަޙައްދަށް އާއްމުފަރާތްތަކުން ނުދިއުމަށް އިލްތިމާސް ކުރަން މިވަގުތު ބޮޑުތަކުރުފާނު މަގު އެސް ބީ އައި ސަރަހައްދުގައި ހިނގަމުންދާ އަލިފާނުގެ ހާދިސާގައި، ދުމުން ރައްކާތެރިވުމަށް ދުމުގެ އަސަރު ކުރާ ހިސާބަށް އާއްމު ފަރާތްތަކުން ނުދިޔުމަށް އިލްތިމާސްކުރަން.
28 އޯގަސްޓް 2020 | ހުކުރު 23:14
އާޓީފިޝަލް ބީޗު ކައިރީގައި ހުރި މި އިމާރާތުގައި ރޯވި އަލިފާންގަނޑު ކޮންމެވެސް ވަަރަކަށް ކޮންޓްރޯލްވެއްޖެ. އެމްއެންޑީއެފުން އަލިފާން ނިއްވަން ކުރަމުންދާ މަސައްކަތުގައި އެއަރޕޯޓް ފަޔަރުން ދަނީ އެހީތެރިވަމުން.
28 އޯގަސްޓް 2020 | ހުކުރު 23:06
އަލިފާން ރޯވެފައިވާ ސަރަހައްދަށް ނުދިއުމަށް މޯލްޑިވްސް ނޭޝަނަލް ޑިފެންސް ފޯރސް، (އެމްއެންޑީއެފް) އިން އާއްމުންނަށް އިލްތިމާސްކޮށްފިއެވެ. އަދި އެ ސަރަހައްދުގައި އެއްވެފައި ތިބި މީހުން ދުރަށް ދިއުމަށް ވެސް ވަނީ އިލްތިމާސްކޮށްފައެވެ.
އެމްއެންޑީއެފުން ބުނީ ގިނަ އަދަދެއްގެ ފަޔަރ ވެހިކަލްތައް ހަރަކާތްތެރިވަމުން އަންނަ ކަމަށެވެ.
28 އޯގަސްޓް 2020 | ހުކުރު 22:52
އަލިފާންގަނޑު ކޮންޓްރޯލް ކުރުމަށް ފަޔަރ އެންޑް ރެސްކިއު އިން ދަނީ ހަރަކާތްތެރިވަމުންނެވެ.
މަންޒަރު ދުށް މީހުން ބުނާ ގޮތުން މި ސަރަހައްދުގައި އެންމެ ފުރަތަމަ އަލިފާން ރޯވީ 'ކެފޭ ޓިއޯލޯ' ގައެވެ. އަދި ސްޓޭޓް ބޭންކް އޮފް އިންޑިއާ ހުންނަ އިމާރާތަށް އަލިފާންގަނޑު ފެތުރުނު ކަމަށެވެ. އެ އިމާރާތުގެ ޓެރަހުގައި ވަރަށް ބޮޑަށް ވަނީ ރޯވެފައެވެ.
28 އޯގަސްޓް 2020 | ހުކުރު 22:44
މިވަގުތު ބޮޑުތަކުރުފާނު މަގު އެސް ބީ އައި ސަރަހައްދުގައި ހިނގަމުންދާ އަލިފާނުގެ ހާދިސާގައި، ދުމުން ރައްކާތެރިވުމަށް ދުމުގެ އަސަރު ކުރާ ހިސާބަށް އާއްމު ފަރާތްތަކުން ނުދިޔުމަށް ހެލްތު ޕްރޮޓެކްޝަން އޭޖެންސީ އިން އިލްތިމާސްކޮށްފިއެވެ.
އެގޮތުން، ދުމުގެ އަސަރު ކުރާ ހިސާބުތަކުގައި ގޭގެތެރެއަށް ދުން ނުވަންނަހެން ދޮރާއި ކުޑަދޮރުތައް ރަނގަޅަށް ލެއްޕުން މުހިއްމު ކަމަށާއި ހާއްސަކޮށް އުމުރުން ދުވަސްވީ ފަރާތްތަކާއި ކުޑަކުދިންނާއި ނޭވާލާ ނިޒާމުގެ ބަލިތައް ހުންނަ ފަރާތްތަކާއި ހިތުގެ ބަލިތައް ހުންނަ ފަރާތްތަކަށް ދުމުގެ އަސަރު ކުރުމުން ނުރައްކާވެދާނެ ކަމަށް ވެސް ވަނީ ބުނެފައެވެ.
28 އޯގަސްޓް 2020 | ހުކުރު 22:38
އަލިފާން ރޯވި ސަރަހައްދުގައި އުޅެމުންދާ ކޮވިޑް ޖެހިފައިވާ މީހުންނާއި ކޮންޓެކްޓުން އެޗްޕީއޭއަށް ރިޕޯޓު ކުރުމަށް އެދެފި
ކ. މާލެ
އަލިފާން ރޯވި ސަރަހައްދުގައި އުޅެމުންދާ ކޮވިޑް-19 ޖެހިފައިވާ މީހުންނާއި ކޮންޓެކްޓުން ހެލްތު ޕްރޮޓެކްޝަން އޭޖެންސީ (އެޗްޕީއޭއަށް) ރިޕޯޓު ކުރުމަށް އެދެފިއެވެ.
28 އޯގަސްޓް 2020 | ހުކުރު 22:31
އެމްއެންޑީއެފް އިން މައުލޫމާތުދޭ ގޮތުގައި އަލިފާން ރޯވެފައި ވަނީ ސްޓޭޓް ބޭންކް އޮފް އިންޑިއާ ހުންނަ އިމާރާތުގައެވެ.
އާޓީފިޝަލް ބީޗު ކައިރީގައި ހުރި މި އިމާރާތުގައި ރޯވި އަލިފާންގަނޑު ކޮންޓްރޯލް ކުރުމަށް އެމްއެންޑީއެފްގެ ފަޔަރ ޓީމުން މިހާރު ދަނީ ހަރަކާތްތެރިވަމުންދާ ކަމަށާއި ކައިރީގައި ހުރި އިމާރާތުން މީހުން ހުސްކުރުމުގެ މަސައްކަތް ކުރަމުން ދާކަމަށް އެމްއެންޑީއެފް އިން ބުނެއެވެ.
28 އޯގަސްޓް 2020 | ހުކުރު 22:24