ބޮޑުފިނޮޅު ހަމަނުޖެހުން

ބޮޑުފިނޮޅުގައި ހިންހި ހަމަނުޖެހުމާއި ގުޅިގެން އެރަށަށްދިޔަ މީޑިއާ ޓީމް ކުޑަވަގުތުކޮޅެއްގެ ތެރޭގައި މާލެ އައުމަށް ހަމަޖެހިފައިވާ ކަމަށް ރާއްޖެ ޓީވީއަށް ވަނީ މައުލޫމާތު ލިބިފައެވެ.

ބޮޑުފިނޮޅުގައި ހިންގި ހަމަނުޖެހުމާއި ގުޅިގެން ފުލުހުން ހިންގި އޮޕަރޭޝަންގައި 90 ވަރަކަށް ބިދޭސީން ފުލުހުންގެ ބެލުމުގެ ދަށަށް ގެންދިއުމަށް ނިންމާފައިވާ ކަަމަށް ރާއްޖެ ޓީވީއަށް ވަނީ މައުލޫމާތު ލިބިފައެވެ.

އެފަރާތްތަކަކީ ހިއުމަންޓްރެފިކިން، ވިކްޓިމް އަދި ހަމަނުޖެހުން ހިންގި މީހުން ކަމަށް ވަނީ މައުލޫމާތު ލިބިފައެވެ.

ބޮޑުފިނޮޅުގައި އެއްވެސް މީހަކު އެއްވެސް ހަމަނުޖެހުމެއް ހިންގާފައި ނުވާ ކަމަށާއި މީހުން ތިބި ތަންތަނާއި ރަށުގެ ތަންތަން ބަލައި ފާސްކުރުމަށް ފުލުހުން ދަނީ ހަރަކާތްތެރިވަމުން ކަމަށް ފުލުހުން މައުލޫމާތު ދެއެވެ.

ބޮޑުފިނޮޅުގައި ހިނގައިގެންއުޅޭ ހަމަނުޖެހުން ކަވަރު ކުރުމަށް އެރަށަށް ދިޔަ ރާއްޖެޓީވީގެ ޓީމަށް ރަށަށް އެރުމަށް ފުލުހުން ހުއްދަ ދީފައިނުވާ ކަމަށް ހަމަނުޖެހުން ކަވަރުކުރަމުންދާ ރާއްޖެޓީވީގެ ރިޕޯޓަރު ބުނެފިއެވެ.

ބޮޑުފިނޮޅުގައި ތިބީ 12 ދިވެހިން ކަމަށާއި އެމީހުން ސަލާމަތްކޮށްފި ކަމަށް ފުލުހުން ބުނެފިއެވެ. އަދި ހުރިހާ ދިވެހިންގެ ހާލުވެސް ރަނގަޅު ކަމަށް ފުލުހުން މައުލޫމާތު ދެއެވެ.

ބޮޑުފިނޮޅުގައި ހިނގަމުންދާ ހަމަނުޖެހުމާއި ގުޅިގެން ހޮނިހިރު ދުވަހުގެ ރޭ މާލެއިން ފުރައިގެން ބޮޑުފިނޮޅަށް ދަތުރުކުރި އެސްއޯ ފުލުހުންގެ ޓީމަށް ހޮނިހިރު ދުވަހުގެ ހެނދުނު ބޮޑުފިނޮޅަށް ދެވިއްޖެ އެވެ.

މާލެއިން އެސްއޯ ފުލުހުންގެ ޓީމުތައް ބ ތުޅާދޫއަށް ގޮސްފައިވާއިރު، ތުޅާދޫ ބަނދަރުގައި އެސްއޯ ފުލުހުން މިވަގުތު ދަނީ ހަރަކާތްތެރިވަމުން، އަދި ބޮޑުފިނޮޅަށް ފުރުމުގެ ތައްޔާރީތައް މިހާރު ފަށާފައިވާއިރު، އޮޕަރޭޝަންގެ ބައެއް ފުލުހުން ދާދި ދެންމެ ވަނީ ތުޅާދޫއިން ފުރާފައި.

އޭގެ އިތުރުން، ތުޅާދޫ ބަނދަރުގައިވެސް ބައެއް ފުލުހުން ދަނީ ހަރަކާތްތެރިވަމުން

ކޮންޓްރެކްޓް އުސޫލުން 2018 ވަނަ އަހަރުން ފެށިގެން މި މަސައްކަތް ކުރަމުންދާ ރިޒް ޕްރައިވެޓް ލިމިޓެޑްގެ ޤާނޫނީ ޓީމުން ނެރިފައިވާ ބަޔާނެއްގައި ބުނީ، ރިސޯޓުގެ މަސައްކަތުގައި ރިޒް ޕްރައިވެޓް ލިމިޓެޑްގެ 200 އެއްހާ ސްޓާފުން އުޅޭއިރު، ރިސޯޓުގެ މަސައްކަތުގެ ބޮޑުބައި ނިމިފައިވާ ކަމަށް

އެހެން ނަމަވެސް، މަސައްކަތުގެ އުޖޫރަ ނުދޭތީ ފާއިތުވި ދުވަސްތަކުގައި މުވައްޒަފުން ހިތްހަމަނުޖެހުން ފާޅު ކޮށްފައިވާއިރު، މިހިނގާ މެއި މަހުގެ 16 ވަނަ ދުވަހު ހިމެން އިހުތިޖާޖެެއްވެސް ވަނީ ކޮށްފަ. އެގޮތުން މި އިހުތިޖާޖުގައި މުވައްޒަފުންގެ ފަރާތުން އެދިފައިވަނީ މުވައްޒަފުންގެ މުސާރަ ދިނުމާއި، މުވައްޒަފުން އަނބުރާ ފޮނުވާލުމުގެ މަސައްކަތް ކުރިއަށް ގެންދިއުމަށް ކަމަށްވާއިރު، މި ޚަރަދުތައް ދޭނެކަމަށް ޑިވޮލޮޕަރ (ސީލް މޯލްޑިވްސް) އިން އެއްބަސްވެފައިވާކަން ބަޔާނުގައި ފާހަގަ ކޮށްފައިވޭ

އެއާއެކު، މިފަދަ ހަމަނުޖެހުމެއް ހިނގާފާނެކަމަށް ބަލައި، 28 މެއި 2020 ގައި ފުލުހުންގެ ސަމާލުކަމަށް އެކަން ގެނެސްފައިވާނެ ކަމަށާއި، އެއަށްފަހު 27 ޖޫން 2020 ގައިވެސް އެ މައްސަލަ ފުލުހުންގެ ސަމާލުކަމަށް ގެނެސްފައިވާނެކަން ބަޔާނުގައި ފާހަގަ ކޮށްފައިވެއެވެ.

ބޮޑުފިނޮޅުގައި ހިނގަމުންދާ ހަމަނުޖެހުމަށް އަވަސް ޙައްލެއް ހޯދުމާ ގުޅޭގޮތުން މި މަސައްކަތުގެ ކޮންޓްރެކްޓަރ ރިޒް ޕްރައިވެޓް ލިމިޓެޑުން ފުލުހުންގެ އިދާރާއަށް ގޮސް މަޝްވަރާ ކޮށްފައިވާ ކަމަށް ކުންފުނީގެ ޤާނޫނީ ޓީމުން ބުނެފި. މި މަސައްކަތުގައި ރިޒް ޕްރައިވެޓް ލިމިޓެޑްގެ 200 އެއްހާ ސްޓާފުން އުޅޭއިރު، ރިސޯޓުގެ މަސައްކަތުގެ ބޮޑުބައި ނިމިފައިވާ ކަމަށް ކޮންޓްރެކްޓަރ މައުލޫމާތުދޭ، އޭގެ އިތުރުން، މުވައްޒަފުންގެ މުސާރައިގެ ގޮތުގައި ދޭން ޖެހޭ 7000 ރުފިޔާއާއި، ކެއުމުގެ ޚަރަދުގެ ގޮތުގައި ދުވާލަކަށް ދޭންޖެހޭ 40 ރުފިޔާ ދެއްކުމަށް މަސައްކަތް ޙަވާލުކުރި ސީލް މޯލްޑިވްސްއިން އެއްބަސްވެފައިވާ ކަމަށް ޤާނޫނީ ޓީމުން ބުނެފައިވޭ

ބޮޑުފިނޮޅުގައި ހިނގަމުންދާ ހަމަނުޖެހުން ކޮންޓްރޯލް ކުރުމަށް އެސްއޯ ފުލުހުންވެސް ވަނީ އެރަށަށް ފުރާފައި، 2 އުޅަނދެއްގައި އެސްއޯ ފުލުހުން އެރަށަށް ފުރާފައިވާއިރު، ބައެއް މީޑިއާތައްވެސް ގެންގޮސްފައިވޭ، މައުލޫމާތު ލިބޭ ގޮތުގައި ހަމަނުޖެހުން ކޮންޓްރޯލް ކުރުމަށް މީގެ ކުރިންވެސް ފުލުހުންގެ ޓީމެއް އެރަށަށް ދިޔަ، އެހެން ނަމަވެސް، ބިދޭސީންތައް ވަނީ ހަމަނުޖެހުން އުފައްދައި، ފުލުހުން ރަށަށް އެރިޔަ ނުދީ ހިފަހައްޓާފައި، އެކަމުގެ ސަބަބުން އިތުރު ފުލުހުންގެ ޓީމުތައް މިހާރު ވަނީ ގޮސްފައި،