ކޮވިޑް-19: އެންމެ ފަހުގެ

ޗައިނާއާއި، އިރުމަތީ އޭޝިއާގެ ބައެއް ޤައުމުތަކުގައި ހަލުވިކަމާއެކު، ނޮވެލް ކޮރޯނާަވައިރަސް ފެތުރެމުންދާތީ އޭޝިޔާ ބައްރުގެ ޤައުމުތަކުން ތެލަށް އޮންނަ ޑިމާންޑު ކުޑަވަމުންދާ ކަމަށާއި، މީގެ އަސަރު ދުނިޔޭގެ ތެލުގެ ބާޒާރަށް ކުރާނެކަމުގެ ބިރު އެބައޮތްކަމަށް އިންސްޓިޓިއުޓް އޮފް އިންޓަރނޭޝަނަލް ފައިނޭންސް އިން ބުނެފިއެވެ.

ދުނިޔޭގެ މާލީ ޙާލަތު ވަޒަންކުރަމުންދާ އައިއައިއެފްގެ ޗީފް އިކޮނޮސްމިސްޓް، ގަރބިސް އިރޭޑިއެން ވިދާޅުވީ، ކޮރޯނާވައިރަސްގެ ކުރިން އެ އިދާރާއިން އަންދާޒާ ކުރީ މިއަހަރުގެ ތެރޭގައި ދުނިޔޭގެ ބާޒާރުގައި ތެޔޮ ފީފާއެއްގެ އަގު އެންމެ ދަށްވެގެން 60 އެމެރިކާ ޑޮލަރުގައި ހިފެހެއްޓޭނެ ކަމަށެވެ. ކޮރޯނާވައިރަސް ފެތުރެންފެށިއިރު، ދުނިޔޭގެ ބާޒާރުގައި ތެޔޮ ފީފާއެއްގެ އަގު ހުރީ 64 ޑޮލަރަށެވެ. ނަމަވެސް ބަލިމަޑުކަން ފެތުރެން ފެށުމާއެކު، 60 ޑޮަލަރަށް އަގު ތިރިވެފައިވާކަމަށެވެ. މިހާރު އަގު ތިރިވަމުންދާ ޓްރެންޑަށް ބަލާނަމަ، ތެޔޮ ފީފާއެއްގެ އަގު 57 ޑޮަލަރަށް ތިރިވެދާނެކަމުގެ ބިރު އެބައޮތް ކަމަށް އައިއައިއެފްގެ ޗީފް އިކޮނޮސްމިސްޓް، ގަރބިސް އިރޭޑިއެން އަންދާޒާ ކުރެއެވެ.

ސްވިޒަރލޭންޑުގެ ޖެނީވާގައި ބޭއްވި ނޫސްވެރިންގެ ބައްދަލުވުމެއްގައި، ދުނިޔޭގެ ޞިއްހަތު ޖަމްޢިއްޔާގެ ޑިރެކްޓަރ ޖެނެރަލް، ޓެޑްރޯސް އެދެނޯމް ގެބްރިޔޭސަސް ވިދާޅުވީ، ފާއިތުވެދިޔަ ދެ ދުވަހު އިރާނުގައި 18 މީހަކު ނޮވެލް ކޮރޯނާވައިރަސްއަށް ޕޮޒިޓިވްވެ، 4 މީހަކު މަރުވެފައިވާތީ، އެކަމާއި ކަންބޮޑުވާކަމަށެވެ. އިރާނުގައި މި ވައިރަސްގެ ބަލިމަޑުކަން ފެތުރިދާނެ މިންވަރު އަންދާޒާކޮށްލަން ދަތިކަމަށް ވިދާޅުވެ، ގެބްރިއޭސަސް ވަނީ، މިކަމުގައި އިރާނު ސަރުކާރަށް ވަރަށް ގާތުން ޑަބްލިއުއެޗްއޯއިން އެހީތެރިކަން ފޯރުކޮށްދޭނެކަމަށް ވަޢުދުވެވަޑައިގެންފައެވެ.

ގެބްރިއޭސަސް ވިދާޅުވީ ވައިރަސް ހުއްޓުވުމުގެ ޖާގަ އަދިވެސް އެބައޮތް ކަމަށާއި، މިކަމުގައި ވަރަށް ހިކުމަތްތެރިކަމާއެކު އިރާނުގެ ކަމާއި ބެހޭ މަސްއޫލުވެރިން މަސައްކަތްކުރަން ޖެހޭ ކަމަށެވެ.

އިރާނާއި މެދު ޑަބްލިއުއެޗްއޯއިން އެހާ ކަންބޮޑުވަނީ އިރާނަކީ ޞިއްޙީ ފަރުވާގެ ނިޒާމު ދެރަވަރު ނުވަތަ ބަލިކަށި ޤައުމަކަށްވާތީ، ބަލިމަޑުކަން އިންތިހާއަށް ދަރަޖައަށް ފެތުުރުމުގެ ފުރުޞަތު ބޮޑުކަމުންނެވެ.

ޗައިނާއިން ބޭރުން މިހާތަނަށް ދުނިޔޭގެ 26 ޤައުމަކުން 1،152 މީހުން ވަނީ ނޮވެލް ކޮރޯނާވައިރަސްއަށް ޕޮޒިޓިވްވެފައެވެ. ދުނިޔޭގެ ޞިއްޙަތު ޖަމްޢިއްޔާއިން ދަނީ ޞިއްޙީ ފަރުވާގެ ނިޒާމު ދެރަވަރު ޤައުމުތަކައް އަހައްމިއްޔަތުކަން ދީގެން އެކި ގޮތްގޮތުން އެހީތެރިކަން ފޯރުކޮށްދެމުންނެވެ.

ދެކުނު ކޮރެއާގެ "ކޮރެއާ ސްންޓަރސް ފޮރ ޑިޒީސް ކޮންޓްރޯލް އެންޑް ޕްރިވެންޝަން" އިން މިއަދު ހެދުނު ޢާންމު ކުރި ނޫސްބަޔާނެއްގައި ބުނެފައިވަނީ، އިއްޔެ ހެދުނު ނުވަޔަކުން މިއަދު ހެދުނު ނުވަޔަކަށް، ނޮވެލް ކޮރޯނާވައިރަސްއަށް ޓެސްޓް ކުރި މީހުންގެ ތެރެއިން 142 މީހުން އެ ވައިރަސްއަށް ޕޮޒިޓިވްވެފައިވާކަމަށެވެ. މިއާއެކު އެޤައުމުގައި ވައިރަސް ޖެހުނު މީހުން އަދަދު ވަނީ 346 އަށް އަރާފައެވެ.

"ކޮރެއާ ސްންޓަރސް ފޮރ ޑިޒީސް ކޮންޓްރޯލް އެންޑް ޕްރިވެންޝަން" ބަޔާނުގައިވާ ގޮތުން ފާއިތުވެދިޔަ 24 ގަޑިއިރު، ނޮވެލް ކޮރޯނާވައިރަސްގައި އެކަކުވަނީ މަރުވެފައެވެ. މިއާއެކު މި ވައިރަސްގައި މަރުވި މީހުންގެ އަދަދަކީ 2 އެވެ.

ދެކުނު ކޮރެއާގައި ހަލުވިކަމާއެކު، ނޮވެލް ކޮރޯނާވައިރަސް ގެތުރެމުންދާތީ، ޢާންމު ރައްޔިތުންނަށް ލުއި ފަސޭހަގޮތެއްގައި ފަރުވާގެ ކަންކަން އިންތިޒާމުކޮށްދިނުމުގެ ގޮތުން އެޤައުމުގެ ސަރުކާރުން ވަނީ "ޚާއްޞަ ފަރުވާދޭ ޞަރަޙައްދު" ތަކެއް ކަނޑައަޅާ، އެ ޞަރަހައްދުތަކުން ޓެސްޓުކުރުމާއި، ކުއްލި ފަރުވާދިނުމާއި އަދި އެކަހެރިކޮށްގެން ފަރުވާދެވޭނެ އިންތިޒާމު ހަމަޖައްސައި، އެކަން ޢާންމުކޮށް އިޢުލާންކޮށްފައެވެ.

ނޮވެލް ކޮރޯނާވައިރަސްއާއި ބެހޭ އެންމެ ފަހުގެ މަޢޫލޫމާތު ޙިއްސާ ކުރުމަށް މިއަދު ހެދުނު ޗައިނާގެ ނެޝަނަލް ހެލްތު ކޮމިޝަނުން ބޭއްވި ޕްރެސް ކޮންފަރެންސްގައި އެކޮމިޝަނުގެ މިނިސްޓަރު މާ ޒައޮވެއި ވިދާޅުވީ، އިއްޔެ އެކަނިވެސް ޗައިނާއިން 109 މީހުން ކޮރޯނާވައިރަސްގައި މަރުވެފައިވާކަމަށާއި، މިއާއެކު ކޮރޯނާވައިރަސްގައި މަރުވި މީހުންގެ ޢަދަދު މިހާރު 2،345ށް އަރާފައިވާކަމަށެވެ.

އިއްޔެ އަލަށް 379 މީހުން ވައިރަސް އަށް ޕޮޒިޓިވްވެފައިވާއިރު، މިހާރު ޗައިނާގައި ވައިރަސްޖެހިފައި ތިބި މީހުންގެ ޖުމުލަ ޢަދަދަކީ 76،288 ކަމަށްވެސް މިނިސްޓަރު ވިދާޅުވެފައިވެއެވެ.

ސްވިޒަރލޭންޑުގެ ޖެނީވާގައި ބޭއްވި ނޫސްވެރިންގެ ބައްދަލުވުމެއްގައި، ދުނިޔޭގެ ޞިއްހަތު ޖަމްޢިއްޔާގެ ޑިރެކްޓަރ ޖެނެރަލް، ޓެޑްރޯސް އެދެނޯމް ގެބްރިޔޭސަސް ވިދާޅުވީ، އެފްރިކާ ބައްރުގެ އިތުރު ޤައުމުތަކައް ނޮވެލް ކޮރޮނާވައިރަސް ފެތުރުމުގެ ފުރުޞަތު އެބަައޮތް ކަމަށާއި، ޤައުމުތަކުގެ ޞިއްޙީ މަސްއޫލުވެރިން މިކަމަށް ސަމާލުވެ، ރައްކާތެރިކަމުގެ އަވަސް ފިޔަވަޅު އަޅަންޖެހިފައިވާކަމަށެވެ. އަދި މިކަމަށް ބޮޑަށް ސަމާލުވާންވީ ޞިއްޙީ ނިޒާމު ދެރަވަރު ޤައުމުތަކުން ކަމަށް އޭނާ ވިދާޅުވިއެވެ.

އެފްރިކާ ބައްރުގެ ގިނަ ޤައުމުތަކަކީ މިހާރުވެސް ބައެއް ބަލިމަޑުކަން ތަހައްމަލުކުރަމުންދާ، އަދި ހަނގުރާމައިގެ ސަބަބުން ދަތި އުނދަގޫ ދުވަސްތަކެއް ގުނަމުންދާ، ފަޤީރު އާބާދީ ބޮޑު އަދި ހައިހޫނުކަމުގެ ޙާލަތު ދަށް ޤައުމުތަކެކެވެ. އެހެންކަމުން މިޤައުމުތަކައް ކޮރޯނާވައިރަސް އަތުވެއްޖެނަމަ، އިތުރު ތަކުލީފުތަކެއް އެޤައުމުތަކުގެ ރައްޔިތުން އުފުލަން ޖެހިދާނެތީއާއި، ސަރުކާރުތަކައް ބޮޑު ގޮންޖެހުމަކަށްވެދާނެތީ ދުނިޔޭގެ ޞިއްޙަތު ޖަމްޢިއްޔާއިން ވަނީ ދުރާލާ ސަލާމަތާއި ރައްކާތެރިކަމުގެ ފިޔަވަޅު އެޅުމަށް ގޮވާލާފައެވެ. އެ ޖަމްޢިއްޔާގެ ވިސްނުން ހުރީ ޞިއްހީ ނިޒާމު ވަރުދެރަ ޤައުމުތަކައް ބޮޑަށް އެހީތެރިކަން ފޯރުކޮށްދިނުމަށެވެ.

އެފްރިކާ ބައްރުގެ ޤައުމަކުން މިހާތަނަށް ކޮރޯނާވައިރަސް ފެނިފައިވަނީ މިޞްރުން އެކަންޏެވެ.

އިރާޤުގެ ޓްރާންސްޕޯޓް މިނިސްޓްރީން މިއަދު ހެދުނު ޢާންމުކުރި ބަޔާނެއްގައި ބުނެފައިވަނީ، އިރާނުގައި ކޮރޯނާވައިރަސް ފެތުރެމުންދާތީ، ރައްކާތެރިކަމެއްގެ ފިޔަވަޅެއްގެ ގޮތުން މިވަގުތައް، ދެޤައުމުގެ ދެމެދުގައި ވައިގެ ދަތުރުފަތުރުކުރުން ހުއްޓާލާކަމަށެވެ. ދަތުރުފަތުރުގެ އިންޒާރެއް ނެރެން ޖެހުނީ، އެޤައުމުގެ ހެލްތު މިނިސްޓްރީން މިހާރު ޢާންމުކޮށްފައިވާ ޕްރޮޓޮކޯލްއަށް ރިޢާޔަތްކޮށް، ޤައުމުގެ ރައްޔިތުންގެ ސަލާމަތާއި ރައްކާތެރިކަމަށް ކަމުގައި ކަމަށް އެ ޓްރާންސްޕޯޓް މިނިސްޓްރީގެ ބަޔާނުގައި ވެއެވެ. ދަތުުރުތައް ހުއްޓާލުމުގެ އިތުރުން، އިރާޤުންވަނީ އިރާނު ރައްޔިތުންނަށް އޮން-އެރައިވަލް ވިސާ ދިނުންވެސް މިއަދުން ފެށިގެން ހުއްޓާލާފައެވެ.

އިރާޤުގެ ދާޚިލީ ވުޒާރާއިންވެސް ވަނީ އިރާޤު ރައްޔިތުން މިދަނޑިވަޅުގައި އިރާނަށް ދަތުރުނުކުރުމަށް އިލްތިމާސްކޮށްފައެވެ. މިފަދައިން އިރުޝާދު ދީފައިވަނީ އިރާނުން ނޮވެލް ކޮރޯނާވައިރަސް ފެނުނު ޤޫމް ސިޓިއަކީ އިރާޤު ރައްޔިތުންގެ މެދުގައި ވަރަށް މަޤުބޫލު މަންޒިލަކަށްވާތީއެވެ. އަދި މި ދަނޑިވަޅުގައި އެ ސިޓީއަށް ދަތުރުކޮށްފިނަމަ އިރާޤު ރައްޔިތުން ކޮރޯނާވައިރަސްއަށް ހުށަހެޅިދާނެކަމުގެ ބިރު އޮތުމުންނެވެ.

އިރާޤުން މިހާރުދަނީ އިރާނުގައި ތިބި އެޤައުމުގެ ރައްޔިތުން ތިބި ތަންތަން ދެނެގަނެ، އެމީހުން އަނބުރާ ގެނައުމަށް މަސައްކަތްކުރަމުންނެވެ. އަދި އިރާނާއި އިންވެގެންވާ ޞަރަޙައްދުތަކުގެ އެއްގަމު ބޯޑަރުތައް ބަންދުކޮށް، ޗެކްޕޮއިންޓްތަކުގައި ނޮވެލް ކޮރޯނާވައިރަސްއަށް ސްކްރީން ކުރެވޭނެ އިންތިޒާމު މިހާރުވަނީ ހަމަޖައްސާފައެވެ.

އިރާޤުން އަދި އެއްވެސް މީހަކު ކޮރޯނާވައިރަސްއަށް ޕޮޒިޓިންވެފައެއް ނުވެއެވެ.

ޗައިނާގެ ހުބެއި ޕްރޮވިންސްގެ ޖަލުތަކުގައި ތިބި ބައެއް ޤައިދީން ނޮވެލް ކޮރޯނާވައިރަސްއަށް ޕޮޒިޓިވްވެފައިވާ ކަމުގެ ޚަބަރު ފެތުރެންފަށައިފިއެވެ.

މިކަމާއި ގުޅިގެން، ޗައިނާ ސަރުކާރުން އެއްޗެއް ބުނެފައި ނުވިނަމަވެސް، ކަމާއި ގުޅުން ހުރި ބައެއް ފަރާތްތަކާއި ޙަވާލާދީ ބައިނަލްއަޤުވާމީ މިޑިއާތަކުން ދަނީ ޚަބަރުތައް ފަތުރަމުންނެވެ. ޗައިނާ ސަރުކާރުން މިކަމާއި ގުޅޭ އިތުރު ތަފުޞީލު ހާމަކޮށްފައި ނުވާތީ، ޤައިދީންގެ ތެރެއިން ވައިރަސްއަށް ޕޮޒިޓިވްވީ ކިހާ ޢަދަދެއްގެ މީހުންނެއް ކަމެއް އަދި ކަށަވަރެއް ނުވެއެވެ.

ޖަޕާނުގެ ޔޮކޮހާމާ ސިޓީގައި ބަނދަރުކޮށްފައި އޮތް އެޤައުމުގެ ކްރޫސްލައިނަރ ޑައިމަންޑް ޕްރިންސެސްގައި ތިބި ހުރިހައި ފަސިންޖަރުން އެއިން ބާލާފައިވާކަމަށް ޖަޕާނުގެ ހެލްތު މިނިސްޓަރު ކަޓުސުނޮބޫ ކަޓޯ ވިދާޅުވެއްޖެއެވެ.

އޭނާ ވިދާޅުވީ، ބުދަ ދުވަހު ކަރަންޓީންގެ މުއްދަތު އުވާލުމާއެކު، އޭގައި ތިބި ހުރިހައި ފަސިންޖަރުން އެއިން ބޭލުމުގެ މަސައްކަތް ފެށިކަމަށާއި، މިހާރު އޭގައި ތިބި ހުރިހައި އެންމެން ބާލާ، ކްރޫސްލައިނަރގައި އަޅާންޖެހޭ ޞިއްޙީ ފިޔަވަޅުތައް ކަމާއި ބެހޭ ފަރާތްތަކުން ތަންފީޒުކުރަމުންދާކަމަށެވެ. އަދި ކްރޫސްލައިނަރ އަށް އިތުރު ދަތުރެއް ފަށަން ހުއްދަދޭނީ، ވަކި މިންގަނޑުތަކަކައް ބެލުމަށްފަހުގައި ކަމަށް މިނިސްޓަރު ވަނީ ވިދާޅުވެފައެވެ.

ކްރޫސްލައިނަރގައި ތިބި ފަސިންޖަރުންނާއި، ފަޅުވެރިން ކޮރޯނާވައިރަސްއަށް ޕޮޒިޓިވްވެގެން މިމަހުގެ ފަސް ވަނަ ދުވަހު ކަރަންޓީން އިޢުލާންކުރުމަށް ފަހު ކަރަންޓީން އުވާލީ މިދިޔަ ބުދަ ދުވަހުއެވެ.

ކަރަންޓީން އުވާލުމާއި ހަމަޔަށް އޭގައި ތިބި 634 މީހުން ވައިރަސްއަށް ޕޮޒިޓިވްވިއެވެ. މިމީހުންނަށް ޖަޕާނު ސަރުކާރުގެ ބެލުމުގެ ދަށުން ފަރުވާ ދީފައިވާއިރު، ދެމީހަކު ވަނީ މަރުވެފައެވެ. ދުނިޔޭގެ ގިނަ ޤައުމުތަކަކައް ނޞްބަތްވާ ފަސިންޖަރުން އޭގައި ތިބި އިރު، އެމީހުން އަމިއްލަ ޤައުމަށް އަނބުރާ ގެންދިއުމަށް ޖަޕާނު ސަރުކާރުން ވަނީ އެޤައުމުގެ ސަރުކާރުތަކާއި ގުޅިގެން ބުރަ މަސައްކަތްތަކެއް ކޮށްފައެވެ. އެޤައުމުތަކުން ވަނީ ޖަޕާނު ސަރުކާރުގެ ދީލަތި އެހީއަށް ތަޢުރީފުކޮށް، ޝުކުރު އަދާކޮށްފައެވެ.

ޗައިނާގެ ނެޝަނަލް ހެލްތު ކޮމިޝަނުން ބުނީ، ނޮވެލް ކޮރޯނާވައިރަސް ހިފެހެއްޓުމެއް ނެތި ފެތުރެމުންދާތީ ހުބެއި ޕްރޮވިންސްގެ ބައެއް ޞަރަޙައްދުތަކުގައި ހަނގުރާމަމަތީ ފިޔަވަޅުތައް ތަންފީޒުކުރަން މަޖުބުރުވީކަމަށެވެ.

ހަނގުރާމައިގެ ތެރޭގައި، އަސްކަރިއްޔާއިން ޢާންމުގޮތެއްގައި އިޢުލާންކުރާ ބައެއް ޙާލަތުތައް މިހާރު ހުބެއި ޕްރޮވިންސްގެ ބައެއް ޞަރަޙައްދުތަކުގައި ވަނީ ތަންފީޒުކުރަން ފަށާފައެވެ. އޭގެ ދަށުން އެއްގޮތަކައް ވެސް ގެއިން ނުނިކުތުމާއި، އަސްކަރީން ގެތަކައް ގޮސް، ވައިރަސްއަށް އިންފެކްޓްވެފައި ބަޔަކު ތިބިތޯ ބަލާ ފާސްކުރުމާއި، ޕެރަމެޑިކްސްގެ ޚިދުމަތް ގޭގައި ބައިތިއްބައިގެން ދިނުން ފަދަ ކަންކަން ހިމެނެއެވެ.

ހަނގުރާމަތީ ފިޔަވަޅުތައް ތަންފީޒު ކުރަމުންދާ ސިޓީތަކުގެ ތެރޭގައި އެންމެ ކުރިން ކޮރޯނާވައިރަސް ފެނުނު ވުހާން ސިޓީވެސް ހިމެނެއެވެ. ވުހާން ސިޓީގައި މަދަނީ ހުރިހައި ޚިދުމަތެއް ކަނޑާލާފައިވާއިރު، މާރޗުމަހުގެ 16 ވަނަ ދުވަހުގެ ކުރިން އެއްވެސް ޚިދުމަތެއް އަދި އެއްވެސް ކާރުޚާނާއެއްގެ އޮޕަރޭޝަނެއް ނުފެށުމަށް ޞަރަޙައްދީ ސަރުކާރުން ވަނީ ޢާއްމުކޮށް އަންގާ އިޢުލާންކޮށްފައެވެ.

އިރާނުގައި ނޮވެލް ކޮރޯނާވައިރަސް ފެތުރެމުންދާތީ، އެކަމުގެ ބިރުވެރިކަމުގައި އިރާޤާއި ކުވައިތުން ސަލާމަތީ ފިޔަވަޅުތައް އަޅައިފިއެވެ.

އީރާނުން ވައިރަސްއަށް ޕޮޒިޓިވްވީ މީހުން ނިޞްބަތްވާ ޤޫމް ސިޓީއަކީ، އިރާޤާއި ކުވައިތުގެ ރައްޔިތުންގެ މެދުގައި ވަރަށް މަޤުބޫލު ފަތުރުވެރިކަމުގެ މަންޒިލެކެވެ. އެހެންކަމުން އެސިޓީއަށް ދަތުރުކުރުން މެދުކަނޑާލުމަށް ދެޤައުމުންވެސް ވަނީ އިރުޝާދުދީފައެވެ.

ދެކުނުކޮރެއާގައި ހަލުވިކަމާއެކު ނޮވެލް ކޮރޯނާވައިރަސް ފެތުރެމުންދާތީ، ރައްކާތެރިކަމުގެ އަވަސް ފިޔަވަޅެއްގެ ގޮތުން "ޚާއްޞަ އެހީގެ ޞަރަޙައްދު" ގެ ގޮތުގައި ދެ ޞަރަޙައްދެއް ކަނޑައަޅައިފިއެވެ.

"ޚާއްޞަ އެހީގެ ޞަރަޙައްދު"ގެ ގޮތުގައި ކަނޑައަޅާފައިވަނީ ޑައެގޫ އާއި ޝިއޯންގޑޯ ސިޓީއެވެ. މި ޞަރަޙައްދުތަކަކީ ކޮރޯނާވައިރަސްއަށް ޚާއްޞަ ފަރުވާދިނުމަށް، އައިސޮލޭޝަން ފެސިލިޓީސް އާއި ޕެރަމެޑިކްސްގެ ޚިދުމަތް ޤާއިމުކުރެވިފައިވާ ޞަރަޙައްދުތަކެވެ. މި ޞަރަޙައްދުގައި ޕެރަމިލިޓަރީ ސިފައިންވެސް މިހާރު ރުކުރުވާލާފައިވާކަމަށް ރިޕޯޓުތައް ބުނެއެވެ.

ދެކުނު ކޮރެއާގައި މިއަދު އެކަނިވެސް 38 މީހުން ކޮރޯނާވައިރަސްއަށް ޕޮޒިޓިވްވެފައިވެއެވެ. މިއާއެކު، އެޤައުމުގައި ވައިރަސް ޖެހުނު މީހުންގެ ޖުމުލަ ޢަދަދަކީ 204 އެވެ.

ޗައިނާގެ ނެޝަނަލް ހެލްތު ކޮމިޝަނުން ޢާންމު ކުރި ބަޔާނެއްގައި ބުނެފައިވަނީ މިއަދުގެ ނިޔަލަށް75،567މީހުން ނޮވެލް ކޮރޯނާވައިރަސްއަށް ޕޮޒިޓިވްވެފައިވާކަމަށެވެ. އެ ކޮމިޝަނުން ބުނާގޮތުގައި ކޮރޯނާވައިރަސްގައި މަރުވި މީހުންގެ ޖުމުލަ އަދަދަކީ މިހާރު2244އެވެ.

ޗައިނާގެ އިތުރުން ދުނިޔޭގެ 26 ޤައުމަކުން މިހާރު ވަނީ 1،073 މީހުން މި ވައިރަސްއަށް ޕޮޒިޓިވްވެފައެވެ. އަދި 8 މީހުން ވަނީ މަރުވެފައެވެ.

ހަލުވިކަމާއެކު ޗައިނާގެ ހުބެއި ޕްރޮވިންސްގެ އެކި ޞަރަޙައްދުތަކުގައި، ނޮވެލް ކޮރޯނާވައިރަސް ފެތުރެމުންދާއިރު، ކާރުޚާނާތަކާއި، ކުންފުނިތަކުގެ މަސައްކަތް މާރޗުމަހުގެ ކުރިން ނުފެށުމަށް ހުބެއި ޕްރޮވިންޝިއަލް ސަރުކާރުން މަނާކޮށްފިއެވެ. ސަރުކަރުން ޢާންމު ކުރި ބަޔާނެގައި ބުނެފައިވަނީ، ކޮރޯނާވައިރަސް ކޮންމެވެސް ވަރަކަށް ހުއްޓިފައިވީނަމަވެސް، ކާރުޚަނާތަކާއި ކުންފުނިތަކުގެ އޮޕަރޭޝަން ފަށައިފިނަމަ، ގިނަ ބަޔަކު ކޮރޯނާވައިރަސްއަށް ހުށަހެޅިގެން ދާނެކަމަށެވެ. އެހެންކަމުން އަންނަ މާރޗުމަހުގެ 11 ގެ ކުރިން އެއްވެސް ކާރުޚާނާއެއް ކުންފުންޏެއް ގެ އޮޕަރޭޝަން ނުހިންގަން ޢާންމުކޮށް އަންގާ އިޢުލާންކުރާ ކަމަށެވެ.

މި އިޢުލާނުން ބޭހާއި، މެޑިކަލްސް އަދި ޕާމަސޫޓިކަލް ކުންފުނިތައް އިސްތިސްނާވެގެންވާކަމަށް ހުބެއި ޕްރޮވިންޝިއަލް ސަރުކާރުން ބުނެއެވެ.

ސްވިޒަރލޭންޑުގެ ޖެނީވާގައި ވާހަކަފުޅު ދައްކަވަމުން ދުނިޔޭގެ ޞިއްޙަތު ޖަމްޢިއްޔާ ޑަބްލިއުއެޗްއޯގެ ޑިރެކްޓަރ ޖެނެރަލް ޓެޑްރޯސް އެދެނޯމް ގެބްރޔޭސަސް ވިދާޅުވީ، ކޮރޯނާވައިރަސް މެނޭޖުކުރެވޭ ޙާލަތުގައި އޮތްވާ، އެކަމަށް އެކަށިގެންވާ ފިޔަވަޅު އަޅަން ބޭނުންވާކަމަށާއި، މިކަން ކުރެވެން އަންނަނީ ބައިނަލްއަޤުވާމީ ޤައުމުތަކުގެ މާލީ އެހީތެރިކަމާއިއެކުގައި ކަމަށެވެ.

އެ ޖަމްޢިއްޔާއިން ކޮރޯނާވައިރަސް ރެސްޕޮންސް ޕްލޭނަށް ބޭނުންވާ 675 މިލިއަން ޑޮލަރުގެ ބައިނަލްއަޤުވާމީ އެހީއަށް އެދިފައިވާއިރު، މެންބަރު ޤައުމުތަކުން އެހައި އީޖާބީ ގޮތެއްގައި އެހީތެރިކަން ފޯރުކޮށްދެމުން ނުދާކަން ގެބްރިޔޭސަސްވަނީ ފާހަގަކުރައްވާފައެވެ. ޤައުމުތަކުން އެހީތެރިކަން ފޯރުކޮށްދެމުންދާ މިންވަރު މަދުކަމާއި، އަދި ކޮރޯނާވައިރަސްއާއި މެދު އެހައި ސީރިއަސްކޮށް ނުދެކޭތީ އެކަމާއި ހައިރާންވެވަޑައިގަންނަވާ ކަމަށް ވިދާޅުވެ، ވަގުތު ފާއިތުވެ ނުދަނީސް މާލީ އެހީތެރިކަން ފޯރުކޮށްދިނުމަށް ބައިނަލްއަޤުވާމީ ޤައުމުތަކައް ގޮވާލާފައެވެ.

އޭނާ ވިދާޅުވީ ވައިރަސް ޗައިނާއިން ބޭރުވެ، އެހެން ޤައުމުތަކައް އޭގެ ބިރުވެރިކަން ވެރިވެދާނެކަމަށެވެ. ނޮވެލް ކޮރޯނާވައިރަސް އަކީ ނުރައްކާތެރި އަދި މަދަނީ ދުޝްމަނެއްގެ ގޮތުގައި ގެބްރިޔޭސަސްވަނީ ސިފަކުރައްވާފައެވެ.

ކޮރޯނާވައިރަސްގެ ސަބަބުން ޖަރުމަނާއި ސައުތު ކޮރެއާގެ އިޤްތިސާދަށް ވަނީ ލޮޅުން އަރާފައި، އެގޮތުން މި ދެ ޤައުމުގެ ބޮޑެތި ކުންފުނިތަކައި ވިޔަފާރި ތަކަކީ ޗައިނާއިން ސަޕްލައިކުރާ ތަކެތި ބޭނުންކޮށް އެއަށް ބަރޯސާވެފައިވާ ވިޔަފާރިތަކެއް،

އޭގެ އިތުރުން، ޖަރުމަނުގެ އެކްސްޕޯޓްވެސް ވަރަށް ބޮޑަށް ދަށަށް ގޮސްފައިވާކަމަށް ރިޕޯޓްތައް ބުނޭ، އޭގެ އިތުރުން، ޗައިނާއަކީ އެ ޤައުމުގެ މައިގަނޑު އެއް ޓްރޭޑް ޕާޓްނަރު.

ސައުތު ކޮރެއާގައިވެސް މިހިނގާ ފެބްރުއަރީ މަހުގައި އެކްސްޕޯޓް ވަނީ ވަރަށް ބޮޑަށް ދަށަށް ގޮސްފައި،

ޑައިމަންޑް ޕްރިންސަސް އިން އޮސްޓްރޭލިއާއަށް ގެންދިޔަ 2 މީހަކު ކޮރޯނާވައިރަސްއަށް ޕޮޒިޓިވްވެއްޖެއެވެ.

އޮސްޓްރޭލިއާގެ ސަރުކާރުން ހާމަކޮށްފައިވާ ގޮތުގައި ޑައިމަންޑްޕްރިންސަސް އިން ވަނީ 164 މީހަކު އަނބުރާ ގައުމަށް ގެންގޮސްފައެވެ. އަދި އެމީހުން މިވަގުތު ތިބީ ހޮވާޑްގެ ސްޕްރިންގްސް ކަރަންޓީން ފެސިލިޓީގައި 14 ދުވަހުގެ މުއްދަތަކަށް ކަރަންޓީން ކޮށްފައެވެ.

އަދި މީގެ ތެރެއިން 6 މީހެއްގެ ގައިން ޝައްކުކުރެވޭ ކަންތައްތަކެއް ފެނިގެން ޓެސްޓްކުރި އިރު 2 މީހަކު ބައްޔަށް ޕޮޒިޓިވްވެފައިވާ ކަމަށް އޮސްޓްރޭލިއާގެ ސަރުކާރުން ވަނީ ހާމަކޮށްފައެވެ.

ދުނިޔޭގެ އެކި ކަންކޮޅުތަކުގައި ކޮރޯނާ ވައިރަސް ޖެހިގެން މަރުވި މީހުންގެ އަދަދު 2244 އަށް އަރައިފިއެވެ.

ނޮވެލް ކޮރޯނާވައިރަސް ފެތުރިގެން އައި މަރުކަޒު ހުބޭ ޕްރޮވިންސްގެ ހެލްތް އޮތޯރިޓީން ހާމަކޮށްފައިވާ ގޮތުގައި ބުރާސްފަތި ދުވަހުގެ ނިޔަލަށް އެކަނިވެސް އެ ޕްރޮވިންސުން ވަނީ 115 މީހަކު މަރުވެފައެވެ. އަދި މިއާއެކު ޗައިނާއިން މަރުވި މީހުންގެ އަދަދު ވަނީ 2144 އަށް އަރާފައެވެ.

ހުބޭ ޕްރޮވިންސުން ވަނީ ބުރާސްފަތި ދުވަހުގެ ނިޔަލަށް އިތުރު 411 މީހަކު ކޮރޯނާ ވައިރަސްއަށް ޕޮޒިޓިވްވި ކަމަށް ބުނެފައެވެ. އަދި މިއާއެކު ހުބޭ ޕްރޮވިންސުން މި ބައްޔަށް ޕޮޒިޓިވްވި މީހުންގެ އަދަދު ވަނީ 62422 އަށް އަރާފައެވެ.

ޗައިނާއިން އެކަނި މަރުވި މީހުންގެ އަދަދު މިހާރު ވަނީ 2233 އަށް އަރާފައެވެ. އަދި އެހެނިހެން ގައުމުތަކުގައި މަރުވި މީހުންގެ އަދަދަކީ މިހާރު 11 އެވެ. މިއާއެކު ޖުމްލަ މަރުވި މީހުންގެ އަދަދު ވަނީ 2244 އަށް އަރާފައެވެ.

ޖަޕާނުން ވަނީ 3 މީހަކު މަރުވިކަމަށް ބުނެފައެވެ. އަދި ހޮންކޮންގ އަދި އިރާނުން ވަނި 2 މީހަކު މަރުވި ކަން ހާމަކޮށްފައެވެ. މީގެ އިތުރުން ތައިވާން، ފިލިޕިންސް، ސައުތުކޮރެއާ އަދި ފުރާންސް، މިއިން ކޮންމެ ގައުމަކުން ވަނީ އެކަކު މަރުވިކަމަށް އިއުލާންކޮށްފައެވެ.

ދުނިޔޭގެ އެކި ކަންކޮޅުތަކުގައި ކޮރޯނާވައިރަސް ޖެހުނު މީހުންގެ އަދަދު ވަނީ 76154 އަށް އަރާފައެވެ.

ކޮރޯނާވައިރަސްގެ ނުރައްކާ ދުނިޔޭގެ އިޤްތިޞާދަށް ކުރާނެ ކަމުގެ އިންޒާރު އިންޓަރނޭޝަނަލް މަނިޓަރީ ފަންޑް އައިއެމްއެފުން ދީފިއެވެ.

2020ވަނަ އަހަރުގެ ދުނިޔޭގެ އިޤްތިޞާދީ ތަޞައްވަރު ބަޔާންކޮށް އައިއެމްއެފުން ޢާންމު ކުރި ރިޕޯޓުގައި ބުނެފައިވަނީ، ނޮވެލް ކޮރޯނާވައިރަސްގެ ސަބަބުން ޗައިނާގެ އިޤްތިޞާދު އަނދަވަޅަކަށް ވެއްޓިފައިވާ ކަމަށެވެ. އަދި ދިގުރާސްތަކާއަށް ބަލާއިރު، ދުނިޔޭގެ އިޤުތިޞާދަށް މީގެ ނުރައްކާ ބޮޑުކަމަށް ރިޕޯޓުގައި ވެއެވެ.

އިންޑިއާގެ މިނިސްޓްރީ އޮފް އެކްސްޓަރނަލް އެފެއަރޒްގެ ތަރުޖަމާނު ރަވީޝް ކުމާރު ވިދާޅުވީ، ޖަޕާނުގެ ކްރޫސްލައިނަރ، ޑައިމަންޑް ޕްރިންސެސްގައި އިންޑިއާގެ 132 ފަޅުވެރިންނާއި 6 ފަސިންޖަރުން އެބަތިބި ކަމަށެވެ. މީގެތެރެއިން 8 މީހުން ނޮވެލް ކޮރޯނާވައިރަސްއަށް ޕޮޒިޓިވްވެފައިވާއިރު، އެމީހުން ކަރަންޓީންކޮށްގެން ޖަޕާނުގެ ސަރުޚާރުގެ ބެލުމުގެ ދަށުން ފަރުވާކުރަމުން އަންނަކަމަށެވެ. އަދި އެމީހުންނާއި ބެހޭ މަޢުލޫމާތު އިންޑިއާގެ ކަމާއި ބެހޭ ފަރާތްތަކާއި ޙިއްސާކުރަމުންދާކަމަށް ރަވީޝް ވިދާޅުވިއެވެ.

ޗައިނާއަށް ދަތުރުކުރުމުގެ އެއްވެސް ހުރަކެއް ނެތް ކަމަަށް އިންޑިއާ ސަރުކާރުން ބުނެފިއެވެ. މިކަން ހާމަކުރައްވާ ވެރިރަށް ނިއުދިއްލީގައި ވާހަަފުޅު ދައްކަވަމުން އިންޑިއާގެ މިނިސްޓްރީ އޮފް އެކްސްޓަރނަލް އެފެއަރޒްގެ ތަރުޖަމާނު ރަވީޝް ކުމާރު ވިދާޅުވީ އިންޑިއާއި ޗައިނާއާއި ދެމެދު ދަތުރުކުރުމުގެ ހުއްދަ މިހާރު ސަރުކާރުން ދީފައިވާކަމަށެވެ. އެގޮތުން، އިންޑިއާ ރައްޔިތުންނަށް ޗައިނާއަށް ދަތުރުކުރެވޭއިރު، ޗައިނާ ރައްޔިތުންނަށްވެސް މިހާރު އިންޑިއާއަށް ދަތުރުކުރެވޭނެކަމަށް އޭނާ ވިދާޅުވިއެވެ.

ޗައިނާއަށް ދަތުރުކުރުމުގެ އެއްވެސް ހުރަކެއް ނެތް ކަމަަށް އިންޑިއާ ސަރުކާރުން ބުނެފިއެވެ. މިކަން ހާމަކުރައްވާ ވެރިރަށް ނިއުދިއްލީގައި ވާހަަފުޅު ދައްކަވަމުން އިންޑިއާގެ މިނިސްޓްރީ އޮފް އެކްސްޓަރނަލް އެފެއަރޒްގެ ތަރުޖަމާނު ރަވީޝް ކުމާރު ވިދާޅުވީ އިންޑިއާއި ޗައިނާއާއި ދެމެދު ދަތުރުކުރުމުގެ ހުއްދަ މިހާރު ސަރުކާރުން ދީފައިވާކަމަށެވެ. އެގޮތުން، އިންޑިއާ ރައްޔިތުންނަށް ޗައިނާއަށް ދަތުރުކުރެވޭއިރު، ޗައިނާ ރައްޔިތުންނަށްވެސް މިހާރު އިންޑިއާއަށް ދަތުރުކުރެވޭނެކަމަށް އޭނާ ވިދާޅުވިއެވެ.

ޗައިނާގެ ވުހާން ސިޓިގައި ތާށިވެފައި ތިބި ޕާކިސްތާނުގެ ދަރިވަރުން 3 ދުވަހުގެ ތެރޭގައި ވުހާން ސިޓީން ބޭލުމަށް އެ ދަރިވަރުންގެ ބެލެނިވެރިން ސަރުކާރަށް އިންޒާރު ދީފިއެވެ.

ޕާކިސްތާނުގެ 1000 ދަރިވަރުން ވުހާން ސިޓިގައި ތިބި އިރު، ޕާކިސްތާނު ސަރުކާރުން ވަނި އެކުދިން އަނބުރާ ޤައުމަށް ނުގެންނަން ނިންމާފައެވެ. ދިމާވެދާނެ ނުރައްކަލަކައްޓަކައި ސަރުކާރުން މިގޮތައް ނިންމި ނަމަވެސް، އެކުދިންގެ ބެލެނިވެރިން ދަނީ މިކަމާއި ކަންބޮޑުވުން ފާޅުކޮށް، ނުރުހުމުގައި ސަރުކާރަށް ފާޑުކިޔާ ފިއްތުންތައް ކުރިމަތިކުރަމުންނެވެ. އެންމެފަހުން މިއަދު މިވަނީ ސަރުކާރަށް އިންޒާރުދީ، އެކުދިން ވުހާން ސިޓީން ބާލަން ސަރުކާރަށް މުހުލަތެއް ދީފައެވެ.

ޗައިނާއަށް ކުރަމުންދާ ތާވަލު ދަތުރުތަކުގެ ތަފުޞީލު ހާމަކޮށް އެއަރ އިންޑިއާއިން ޢާންމުކޮށްފައިވާ ނޫސްބަޔާނެއްގައި ވަނީ، ޗައިނާގެ އެތެރޭގައި މިހާރު ކަންކަން ވަމުންދާ ގޮތައް ބެލުމަށް ފަހު، ޖޫންމަހުގެ 30 އާއި ހަމަޔަށް ތާވަލު ދަތުރުތައް މެދުކަނޑާލަން ނިންމާފައިވާކަމަށެވެ. އިންޑިއާގެ ވެރިރަށް ނިއުދިއްލީން ޗައިނާގެ ޝަންހާއީއަށް ކުރަމުން އައި ދަތުރުތައް އެއަރ އިންޑިއާއިން ޖެނުއަރީ 31 ވަނަ ދުވަހު މެދުކަނޑާލީ، ޖެނުއަރީ 31 ފެބްރުއަރީ މަހުގެ 14 ވަނަ ދުވަހު އަލުން ފަށާނެކަމަށް ބުނެފައެވެ. އެހެންނަމަވެސް ދަތުރު އަލުން ނުފަށާ 5 ދުވަސްވެފައި އޮތުމަށް ފަހު މިއަދު އިޢުލާން ކުރީ ޖޫންމަހުގެ 30 ވަނަ ދުވަހާއި ހަމަޔަށް މެދުކަނޑާލި ވާހަކައެވެ.

އިންޑިއާގެ މިނިސްޓްރީ އޮފް އެކްސްޓަރނަލް އެފެއަރޒްގެ ތަރުޖަމާނު ރަވީޝް ކުމާރާއި ޙަވާލާދީ އިންޑިއާގެ ނޫސްތަކުން ޚަަބަރުފަތުރާގޮތުގައި، ޗައިނާގެ ވުހާން ސިޓިގައި ބާކީ ތިބި އިންޑިއާގެ 100 މީހުން އަނބުރާ ޤައުމަށް ގެނައުމުގެ މަޝްވަރާތައް ޗައިނާ ސަރުކާރާއެކު ދަނީ ކުރަމުންނެވެ. އަދި ޗައިނާ ސަރުކާރުން ހުއްދަދޭ އިރަށް އަސްކަރީ މަތިންދާ ބޯޓެއްގައި އެމީހުން ގެންނާނެކަމަށާއި، އެ ބޯޓުގައި ވުހާން ސިޓީއަށް ހަދިޔާ ކުރަން ޞިއްޙީ އާލާތްތައް ގެންދާނެކަމަށްވެސް ރަވީޝް ވިދާޅުވިއެވެ.

އިންޑިއާއިން މިހާރު ތިބީ ޗައިނާ ސަރުކާރުން ހުއްދަ ދޭނެ ވަގުތެއްގެ އިންތިޒާރުގައެވެ. މީގެކުރިން ދެފަހަރެއްގެ މަތިން އިންޑިއާގެ ދަރިވަރުން ވުހާން އިން ބޭރުކޮށް، ޗާޓަރު ފްލައިޓުތަކުގައި ވެރިރަށް ދިއްލީއަށް ގެނެސްފައިވެއެވެ. އަދި ކެރަލާ ސިޓީގެ މީހުން ބެންކޮކް މަގުން ކޮޗިންއަށް ގެނެސްފައިވެއެވެ.

ޗައިނާގައި ނޮވެލްކޮރޯނާ ވައިރަސް ހަލުވިކަމާއެކު ފެތުރެމުންދާތީ، އެޤައުމުގައި އިންވެގެން އޮންނަ ކަޒަޚްސްތާނުގައި ދިރިއުޅޭ ޗައިނާގެ މަސައްކަތްތެރިން ޑީޕޯޓް ކޮށްފާނެ ކަމުގެ އިޝާރާތެއް ކޮށްފިއެވެ. ކަޒަޚްސްތާނުގެ ޑާލާ ނިއުސްއަށް ދެއްވި ބަސްދީގަތުމެއްގައި އެޤައުމުގެ އިރުމަތީ ޒައިސާން ޞަރަޙައްދުގެ ގަވަރުނަރ ޑެނިއެކް އަޚްމެތޯފް ވިދާޅުވީ، ޒައިސާން ޞަރަޙައްދަކީ ޗައިނާއާއި އިންވެގެން އޮންނަ އަވަށަކަށްވެފައި، އެއަވަށުގައި ޗައިނާގެ ގިނަ ޢަދަދެއްގެ މަސައްކަތްތެރިން އެއަވަށުގައި ދިރިއުޅެމުންދާކަމަށެވެ. އެހެންކަމުން އެއަވަށުގެ މީހުން އެކަމާއި ކަންބޮޑުވެ، މޭޔަރަށް އެކަން ދެންނެވުމުން، ޗައިނާ މީހުން ބާލާނެކަމަށް އެމީހުންނަށް ވަޢުދުވެފައިވާކަމަށެވެ.

އެހެންނަމަވެސް ސަރުކާރުން އެފަދަ ނިންމުމެއް އަދި ނިންމާފައި ނުވާކަމަށް އޭނާ ވިދާޅުވިއެވެ.

ޗައިނާގައި ހަލުވިކަމާއެކު ނޮވެލް ކޮރޯނާވައިރަސް ފެތުރުމާއި ގުޅިގެން ކަޒަޚްސްތާނު ސަރުކާރުން ވަނީ ދެޤައުމުގެ ގުޅޭ ޞަރަޙައްދީ އިން ބަންދުކޮށް، ޗައިނާ މީހުން އެޤައުމަށް އެތެރެވުން ހުއްޓުވާފައެވެ. އެހެންނަމަވެސް ކަޒަޚްސްތާނުގައިކުރިން ވަދެ ތިބި މީހުން ބޭރުކުރުމަށް އެއްވެސް ނިންމުމެއް މިހާތަނަށް އައިއިރު ނިންމާފައެެއް ނުވެއެވެ.

ކަޒަޚްސްތާނު މީހަކު އަދި ކޮރޯނާވައިރަސްއަށް ޕޮޒިޓިވްވެފައެއް ނުވެއެވެ.