ކޮވިޑް-19: އެންމެ ފަހުގެ

ރާއްޖޭގެ ބޯޑަރުތައް ބަންދުކުރަން މިހާތަނަށް އެއްވެސް ނިންމުމެއް ނިންމާފައި ނެތް ކަމަށް ސަރުކާރުން ބުނެފިއެވެ.

ކޮވިޑް-19 ހުއްޓުވުމަށް އަޅާ ފިޔާވަޅެެއްގެ ގޮތުން އަންގާރަ ދުވަހުގެރޭ 12 އިންފެށިގެން 21 ދުވަހުގެ މުއްދަތަކަށް އިންޑިއާ ލޮކްޑައުންކުރަން އެ ގައުމުގެ ސަރުކާރުން ނިންމައިފިއެވެ.

ޖަރުމަނުގައި މިހާރު ފެތުރެމުން އަންނަ ކޮރޯނާވައިރަސް (ކޮވިޑް-19) ގެ ސަބަބުން ޖަރުމަނު ލީގުގެ މެޗުތައް އޭޕްރީލް މަހުގެ ނިޔަލަށް ފަސްކުރުމަށް ނިންމައިފިކަމަށް މީޑިއާ ރިޕޯޓުތައް ބުނެފިއެވެ.

ކޮވިޑް-19 އާ ގުޅިގެން ފެނަކައިގެ އެއްވެސް މުއައްޒަފެއްގެ މުސާރައަށް ބަދަލެއް ނުގެންނަ ކަމަށް އެކުންފުނިން ބުނެފި އެވެ.

އެޕްރީލް އަދި މެއި މަހުގެ ބިލުތައް ތައްޔާރުކުރާނީ ސަބްސިޑީ ހިމަނައިގެން ކަމުގެ ޔަގީންކަން ސްޓެލްކޯއިން ދީފިއެވެ.

ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 އާ ގުޅިގެން، ރާއްޖޭގެ އެއްވެސް ރަށަކުން ހާއްސަކޮށް، ގްރޭޓަރ މާލެ އޭރިއާއިން ކޮވިޑް-19 އަށް ޕޮޒިޓިވް ކޭސްއެއް ފެނިއްޖެނަމަ އަމަލުކުރާނެ ގޮތުގެ އެކްސަސައިޒެއް ބާއްވައިފި އެވެ.

ކޮވިޑް-19 އަށް ޗައިނާގައި ތައްޔާރު ކުރި ވެކްސިން ޓެސްޓް ކުރުމުގެ ގޮތުން އިންސާނުންނަށް ދޭން ފަށައިފިއެވެ.

ފުޑްކޯޓުތައް ބަންދުކޮށްފައި ހުންނަ މުއްދަތަށް ކުލި އެސްޓީއޯއިން މައާފުކޮށްދީފިއެވެ.

ރާއްޖޭގެ ބޯޑަރުތައް ބަންދުކުރުމަށް މިހާތަނަށް ނިންމާފައިނުވާކަމަށް މަބްރޫކް ވިދާޅުވި. މަބްރޫކް ވިދާޅުވީ ކޮންމެ ދުވަހަކުވެސް ރާއްޖެގެ ހާލަތު ބަލަމުން ދާ ކަމަށާއި އަދި އެހާލާތާއި ގުޅިގެން ފިޔަވަޅުތައް އަޅަމުންގެންދާ ކަމަށެވެ.

ރާއްޖެއަށް ހޯމަ ދުވަހު ދަތުރުކޮށްފައިވާ އަދަދުތައް

ދިވެހިން: 54

ޓުއަރިސްޓު: 133

އެހެނިހެން ވިސާތަކުގައި: 0

ޖުމްލަ: 187

ސައުދީ އަރަބިއްޔާގައި ކޮރޯނާވައިރަސް ޖެހިގެން މީހަކު މަރުވެއްޖެ ކަމަށް އެ ގައުމުގެ ސިއްހަތާ ބެހޭ ވުޒާރާގެ އޮފިޝަލުން ހާމަކޮށްފިއެވެ.

ކޮރޯނާވައިރަސް (ކޮވިޑް-19) ޖެހޭ މީހުންގެ އަދަދު ދުވަހެއް ދުވަހަކަށް ދަށަށް ދިއުމާއެކު ޗައިނާގެ ދިރިއުޅުން މަޑުމަޑުން އާއްމު ހާލަތަކަށް ބަދަލުވާން ފަށައިފިއެވެ.

މާހާ ސާފާރީން ކޮވިޑް-19 އަށް ޝައްކު ކުރެވޭ އަލާމާތްތަކެއް ހުރި މީހަކު ފެނިގެން އެ ބޯޓު މޮނީޓަރިންގެ ހާލަތަށް ގެނެވިފައިވާކަމަށް މަބްރޫކް ވިދާޅުވި. މިވަގުތު ބޯޓުގައި ތިބީ ތިން ބިދޭސީންނާއި ދެ ދިވެހިން

މާހާ ސާފާރީން ކޮވިޑް-19 އަށް ޝައްކު ކުރެވޭ އަލާމާތްތަކެއް ހުރި މީހަކު ފެނިގެން އެ ބޯޓު މޮނީޓަރިންގެ ހާލަތަށް ގެނެވިފައިވާކަމަށް މަބްރޫކް ވިދާޅުވި. މިވަގުތު ބޯޓުގައި ތިބީ ތިން ބިދޭސީންނާއި ދެ ދިވެހިން

ކޮވިޑް-19 އާއި ގުޅިގެން އައިސޮލޭޝަންގެ ގޮތުގައި ބޭނުންކުރަމުން އަންނަ ފަން އައިލެންޑްގައި ހުރި ދިވެއްސަކު ފަތާފައި ސިނގިރެޓެއް ގަންނަށް ދަނިކޮށް މޫދުގައި އޮއްވާ ހައްޔަރުކޮށްފިއެވެ.

ގޭގައި ތިބުމަށް އެޗްޕީއޭއިން އަންގާފައިވާތީ އެކަމަށް އެއްބާރުލުން ދިނުމުގެ ގޮތުން ސިމްޑީ ގްރޫޕުން ވިއްކާ ތަކެތި ޑެލިވަރީ ކުރުމުގެ ހިދުމަތް ދިނުމަށް ނިންމައިފިއެވެ.

ސްރީލަންކާ އަދި ނޯވޭގެ ފޮރިން މިނިސްޓަރުންނާއި ފޯނުން ގުޅުއްވައި، ކޮވިޑް-19 އާއި ދެކޮޅަށް ކުރެވޭ މަސައްކަތްތަކާއި ބެހޭ ގޮތުން މިނިސްޓަރ އޮފް ފޮރިން އެފެއަރޒް އަބްދުﷲ ޝާޙިދު މަޝްވަރާކުރައްވަފިއެވެ.

ކޮވިޑް-19 ގެ އަލާމާތްތަަކެއް ފެނިގެން ރީތީ ބީޗް ރިސޯޓުން ދިވެއްސަކާއި، ބިދޭސީއަކު ޓެސްޓު ކުރުމުގެ މަސައްކަތް ފަށައިފިއެވެ.

ކޮވިޑް-19 އާއި ގުޅިގެން އަތުވެދާނެ އެންމެ ގޯސް ހާލަތަކަށް ވެސް ތައްޔާރުވެފައިވާކަމަށާއި އެކަމާއި ގުޅޭ ޕްލޭންތައް އެކުލަވާލުމުގެ މަސައްކަތް ކުރަމުންދާކަމަށް ނެޝަނަލް ޑިޒާސްޓަރ މެނޭޖްމެންޓް އޮތޯރިޓީގެ ޑެޕިއުޓީ ސީއީއޯ އުމަރު މޫސާ ފިކުރީ ވިދާޅުވެއްޖެއެވެ.

މިއަހަރުގެ ހޫނު މޫސުމުގައި ޖަޕާނުގެ ވެރިރަށް ޓޯކިޔޯގައި ބޭއްވުމަށް ތާވަލުކޮށްފައި އޮތް އޮލިމްޕިކް ގޭމްސް، ކޮރޯނާވައިރަސް (ކޮވިޑް-19) ގެ ސަބަބުން ފަސްކޮށްފިއެވެ.

ދުނިޔޭގެ އެކި ކަންކޮޅުތަކުގައި މިހާރު ފެތުރެމުން އަންނަ ކޮވިޑް-19ގެ ސަބަބުން ގޭމްސް ފަސްކުރުމަށް ގިނަ ގައުމުތަކުން އައީ ގޮވާލަމުންނެވެ.

ޔޫރަޕުގައި މިހާރު ހަލުވިކަމާއިއެކު ފެތުރެމުން އަންނަ ކޮރޯނާވައިރަސް (ކޮވިޑް-19) އާއި ގުޅިގެން އިނގިރޭސިވިލާތުގެ ދިރިއުޅޭ އާންމު ރައްޔިތުން ގެއިން ބޭރަށް ނުދިޔުމަށް އިލްތިމާސްކޮށް ހަރުކަށި ފިޔަވަޅުތަކެއް އަޅައިފި އެވެ.

އިނގިރޭސިވިލާތުގެ ބޮޑުވަޒީރު ބޯރިސް ޖޯންސަން ހޯމަ ދުވަހުގެރޭ ދެއްވި ހިތާބުގައި ވިދާޅުވީ އިނގިރޭސިވިލާތުގައި ދިރިއުޅޭ އާންމުން ޒަރޫރީ ބޭނުންތަކަށް ފިޔަވާ ގެއިން ބޭރަށް ނުނިކުތުމަށް ވަނީ އިލްތިމާސް ކުރައްވާފައެވެ. އަދި އެގައުމުގައި ހުރި ފިހާރަތަކުގެ ތެރެއިން ކާބޯތަކެތި ވިއްކާ ފިހާރަތައް ފިޔަވާ ދެންހުރި ހުރިހާ ފިހާރައެއް ބަންދުކުރުމަށާއި އާންމު އެއްވާތަންތަނަށް ދެމީހުން އަށްވުރެ އިތުރަށް ދިއުން ވަނީ މަނާ ކޮށްފައެވެ.

އަދި އާންމުން މި ގަވައިދުތަކަށް ކަމޭ ނުހިތާނަމަ އާންމުންނާއި މެދު ފިޔަވަޅު އެޅުމަށް ފުލުހުންނަށް ވަނީ ބާރު ދީފައެވެ. އެގޮތުން އާންމުން އެއްވާނަމަ ޖޫރިމަނާ ކުރުމަށާއި އެއްވުންތައް ރޫޅައިލުމުގެ ބާރު ފުލުހުންނަށް ވަނީ ދީފައެވެ.

މީގެ އިތުރުން ލައިބްރަރީ ތަކާއި، ކުޅިވަރުކުޅޭ ތަންތަނާއި، އައުޓްޑޯ ޖިމްތައް އަދި އަޅުކަންކުރާ ތަންތަން ވަގުތުން ބަންދުކުރުމަށްވަނީ އަންގައިފައެވެ. ކަސްރަތުކުރުމަށް ޕާކުތައް ހުޅުވައިލާފައިވާކަމަށާއި، ނަމަވެސް އެއްވެ އުޅުންވަނީ މަނާ ކޮށްފައެވެ.

އިނގިރޭސިވިލާތުގެ ސަރުކާރުން ވަނީ އާންމު ހަރަކާތްތައް، ކައިވެނި ޕާޓީތައް އަދި އެހެނިހެން ހަފްލާތައް ހިމެނޭގޮތައް މަނާކޮށްފައެވެ. ނަމަވެސް ޖަނަޒާތައް ބޭއްވުމުގެ ހުއްދަވަނީ ދީފައެވެ.

ބޯރިސް ޖޯންސަން އިތުރަށް ވިދާޅުވީ އިނގިރޭސި ސަރުކާރުން ނިންމައިފައިވާ މި ނިންމުންތައް ކުރިޔަށް އޮތް ތިން ހަފްތާއަށް ދިގު ދެމިގެންދާނެ ކަމަށާއި، ތިން ހަފްތާ ބެލުމަށްފަހު ކުރިއެރުމެއް ފެނިއްޖެނަމަ މި ހާލަތު ބަދަލުކުރާނެ ކަމަށެވެ.

ތުރުކީގެ ގަލަތަސަރާއީގެ ކޯޗު ފާތިހު ތެރިމް އާއި ނައިބު ރައީސް އަބްދުލްރަހީމް އަލްބާރަކް ކޮރޯނާވައިރަސް (ކޮވިޑް-19) އަށް ޕޮޒިޓިވްވެއްޖެ އެވެ.

ހޯމަ ދުވަހުގެ ވަހުގުތެއްގައި ގަލަތަސަރާއީގެ ކޯޗު ފާތިހު ތެރިމް ވަނީ އޭނާ ކޮވިޑް-19 އަށް ޕޮޒިޓިވްވިކަން ޓުވިޓާ މެދުވެރިކޮށް ހާމަކޮށްފައެވެ. މީގެ ކުރިން ތުރުކީގެ ގައުމީ ޓީމަށްވެސް ކޯޗުކަން ކޮށްދިން އުމުރުން 66 އަހަރުގެ ފާތިހު ތެރިމް ބުނީ ކޮވިޑް-19 އަށް ޕޮޒިޓިވްވި ނަމަވެސް، އޭނާގެ ހާލު ރަނގަޅު ކަމަށެވެ.

ކޮވިޑް-19 އަށް ގަލަތަސަރާއީގެ ކޯޗު ޕޮޒިޓިވްވިއިރު، މީގެ ހަ ދުވަސް ކުރިން އެޓީމުގެނައިބު ރައީސް އަބްދުލްރަހީމް އަލްބާރަކްގެ ދެކަނބަލުން ވަނީ ޕޮޒިޓިވްވެފައެވެ.

ކޮރޯނާވައިރަސް (ކޮވިޑް-19) ގެ ސަބަބުން ތިން މުބާރާތެއްގެ ފައިނަލް މެޗުތައް މުއްދަތެއް ނެތް ގޮތަށް ފަސްކުރަން ޔުއެފާއިން ނިންމައިފި އެވެ.

ޔުއެފާއިން ފަސްކޮށްފައިވަނީ ޗެމްޕިއަންސް ލީގު، ޔޫރޮޕާ ލީގު އަދި އަންހެނުންގެ ޗެމްޕިއަންސް ލީގުގެ ފައިނަލް މެޗުތަކެވެ. އަދި މި ތިން މުބާރާތުގެ ފައިނަލް މެޗުތައް ކުޅޭނެ ތާރީޚެއް ފަހުން ކަނޑައަޅާނެ ކަމަށް ޔުއެފާ އިން ވަނީ ބުނެފައެވެ.

ކޮވިޑް-19 އާ ގުޅިގެން ދުބާއީ އެއަރޕޯޓްތައް ބަންދުކުރަން ނިންމައިފިއެވެ.

ކޮވިޑް-19 އިން ރައްކާތެރިވުމުގެ ގޮތުން އަޅާ ފިޔަވަޅެއްގެ ގޮތުން ދުބާއީގެ އެއަރޕޯޓުތައް ބަނދުކުރަން ނިންމާފައިވަނީ މިހިނގާ މަރޗް މަހުގެ 26 އިން ފެށިގެންނެވެ.

ހޯމަ ދުވަހު ދުބާއީ އެއަރޕޯޓުން ނެރެފައިވާ ބަޔާނެއްގައި ވަނީ ދުބާއީ އިންޓަނޭޝަނަލް އެއަރޕޯޓް އަދި ދުބާއީ ވޯލްޑް ސެންޓްރަލް އިން އާންމުންނަށް ދަތުރު ނުކުރެވޭ ގޮތަށް ނިންމާފައިވާ ކަމަށެވެ. އަދި އިތުރު އެންގުމެއް އަންގަންދެން މި ނިންމުން ދެމިގެންދާނެ ކަމަށް ބަޔާނުގައި ވެއެވެ.

ކޮވިޑް-19 އަށް ޝައްކު ކުރެވޭ އަލާމާތްތަކެއް ހުރެގެން ތިން ރިސޯޓަކުން ސާމްޕަލް ނެގި މީހުންގެ ޓެސްޓްތަޖުގެ ނަތީޖާ ނެގެޓިވް ކަމަށް އެޗްޕީއޭއިން ބުނެފިއެވެ.

ހޯމަ ދުވަހުގެ ރޭ އެޗްޕީއޭ އިން ކޮށްފައިވާ ޓްވީޓެއްގައި ވަނީ ކޮވިޑް-19 އަށް ޝައްކުކުރެވޭ އަލާމާތްތައް ހުރެގެން ސޭންޑީޒް ބަތަލާ، އަނަންތަރާ ދިގު އަދި ކްލަބް މެޑް ކަނިފޮނިޅުން ނެގި ސާމްޕަލްތަކުގެ ޓެސްޓުގެ

ނަތީޖާ ނެގެޓިވް ވެފައިވާ ކަމަށެވެ.

އަދި އެ ރަށްތައް މޮނިޓަރިންގގެ ހާލަތުން ނެގިފައިވާ ކަމަށް އެޗްޕިއޭއިން މައުލޫމާތު ދެއެވެ.