ކޮވިޑް-19: އެންމެ ފަހުގެ

ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 ގެ ބަލިމަޑުކަމާއި ގުޅިގެން ރާއްޖޭގެ އިޤްތިސާދަށާއި ވިޔަފާރިތަކަށް ކުރިމަތިވެފައިވާ ދަތިތަކުން އަރައިގަތުމަށްޓަކައި ސަރުކާރުން އިއުލާނުކޮށްފައިވާ އިކޮނޮމިކް ރިލީފް ޕެކޭޖްގެ ތެރެއިން ރިސޯޓަކަށް 7.71 މިލިއަން އަދި ވިޔަފާރިއަކަށް 1 މިލިއަން ދޭގޮތަށް ހަމަޖައްސައިފިއެވެ.

މަސައްކަތް ކުރުމުގައި ރައްކާތެރިކަމުގެ މިންގަނޑު ހިފެހެއްޓުން މުހިންމު ކަމަށާއި ފައިސާ އަތްލާއިރު އަންގި ލެއްވުން މުހިންމު ކަމަށް ޑރ. އިބްރާހީމް އަފްޒަލް ވިދާޅުވިއެވެ. މޫސުމީ ބަލިތައް މިހާރު އެބައުޅޭ ކަމަށާއި ޑެންގީ ފަދަ، މިދުވަސްކޮޅުގައި ގޭގައި ތިބޭއިރު ގެ ރަނގަޅަށް ސާފުކުރުން މުހިންމު ކަމަށް ވެސް ޑޮކްޓަރު ވިދާޅުވިއެވެ.

182 މީހަކު މިއަދު ކާފިއު ގަޑީގައި ހިފަހައްޓާފައިވޭ

152 ދިވެހިން

29 ބިދޭސީން ހިމެނޭ

އެއްވެސް މީހަކު ޖޫރިމަނާ ކުރިކަމެއް ޓާސްކް ފޯހުން ހާމައެއް ނުކުރޭ

857 މީހަކު ރަޖިސްޓަރީވެފައިވޭ

92 އަމިއްލަ މަސައްކަތް ކުރާ މީހެއް އޭގެ ތެރޭގައި ހިމެނޭ

857 މީހަކު ރަޖިސްޓަރީވެފައިވޭ

92 އަމިއްލަ މަސައްކަތް ކުރާ މީހެއް އޭގެ ތެރޭގައި ހިމެނޭ

ރިސޯޓުތަކުގައި ތިބޭ މުވައްޒަފުންނަށް ފޭބޭނެ ނިޒާމެއް ޤާއިމުކުރުމުގެ މަސައްކަތް ކުރަމުން މި ދަނީ. އެންމެ ފަހުން އެ ރިސޯޓުން ފުރާ ގެސްޓް މީހާ ފުރިތާ 14 ދުވަސް ފަހުން އެ މުވައްޒަފުންނަށް ރިސޯޓުން ފޭބޭނެ ކަމަށް ޓާސްކް ފޯހުގެ ތަރުޖަމާނު މަބްރޫކް އަޒީޒް ވިދާޅުވިއެވެ.

އެ މީހާ އަނބުރާ ޤައުމަށް ދިޔުމަށްފަހު ކޮވިޑް-19 އަށް ޕޮޒިޓިވްވެފައިވާކަން އެނގުނީ. މި މަހުގެ 6 ވަނަ ދުވަހު އޭނަ ޕޮޒިޓިވްވިކަން އެނގުނީ ޓެސްޓުތަކުން. އެމީހާ އަކީ ޖޯލި މޯލްޑިވްސް ރިސޯޓުގެ މީހެއް. ކުރެއްދޫ ރިސޯޓުގައި އޮރެންޖް ލެވަލްގައި އޮތީ އެ ރަށުން ފުރި މީހާގެ ކިބައިން އެހެން މީހުންނަށް ބަލި ޖެހުނީ، އެ ރިސޯޓު ވަނީ 28 ދުވަހުގެ މޮނީޓަރިންގ އަށް ލެވިފައި.

8076 މީހަކު ކަރަންޓީން ފެސިލިޓީގައި އެބަތިބި. މިހާތަނަށް 2010 ސާމްޕަލް ނެގިފައިވޭ. އޭގެ ތެރެއިން 1911 ސާމްޕަލެއް ނެގެޓިވްވެފައިވޭ. 80 ސާމްޕަލެއްގެ ނަތީޖާ ވަނީ ނުލިބި.

ކޮވިޑް-19އަށް މިހާރު ފަރުވާ ހޯއްދަވަމުން ގެންދަވާ އިނގިރޭސިވިލާތުގެ ބޮޑުވަޒީރު ބޮރިސް ޖޯންސަންއަށް އަވަސް ޝިފާއަކަށް އެދިވަޑައިގެން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙު މެސެޖެއް ފޮނުއްވައިފިއެވެ.

ކޮވިޑް-19 އިން ރައްކާތެރިވުމަށް އަޅާފިޔަވަޅެއްގެ ގޮތުގައި މާލެސިޓީ ލޮކްޑައުންކޮށްފިނަމަ، ގޭގެއަށް ތަކެތި ފޮނުވައިދޭނެ ފިހާރަތަކުގެ މަޢުލޫމާތު މާލޭ ސިޓީ ކައުންސިލުން އެއްކޮށްފި އެވެ.

ކޮވިޑް-19 އާއި ގުޅިގެން މާލޭގެ ޓެކްސީ ސެންޓަރ ތަކުގެ މަޢުލޫމާތު އެއްކުރުމުގެ މަސައްކަތް މާލޭ ސިޓީ ކައުންސިލުންކޮށްފިއެވެ.

ކޮވިޑް-19 އާއި ގުޅިގެން ކުރަންޖެހޭ މަސައްކަތްތައް ފަސޭހަކުރުމަށް މާލޭސިޓީގައި ދިރިއުޅޭ ބިދޭސީންގެ މަޢުލޫމާތު އެއްކުރުމުގެ މަސައްކަތް މާލޭސިޓީ ކައުންސިލުން ފަށައިފިއެވެ.

މިހާރު ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 އާ ގުޅިގެން ރައްޔިތުންނަށް ދިމާވާ ދަތިތަކުގައި، "ވީހާލެއްގައިވާން" ތައްޔާރަށް ހުންނެވި ކަމަށް ރައްޔިތުންގެ މަޖިލީހުގެ ރައީސް، ރައީސް މުޙައްމަދު ނަޝީދު ވިދާޅުވެއްޖެ އެވެ.

ރާއްޖެއަށް އައި ބިދޭސީ މީހަކު އަނބުރާ ޤައުމަށް ދިޔަ ފަހުން ކޮވިޑް-19 އަށް ޕޮޒިޓިވްވުމާއި ގުޅިގެން ރާއްޖޭގެ ދެ ރަށެއް މޮނިޓަރިންގެ ހާލަތަށް ގެނެސްފިއެވެ.

އައިސޮލޭޝަން ފެސިލިޓީގައި ތިބޭ މީހުންގެ ތެރެއިން މުޖުތަމަޢަށް ދޫކުރާ މީހުންނާ މެދު ތަފާތު ކުރުންތައް ނުގެންގުޅުމަށް އިލްތިމާސްކޮށްފިއެވެ.

ކޮވިޑް-19 ޖެހިގެން އެމެރިކާގައި މަރުވީ މީހުންގެ އަދަދު 10 ހާހަށްވުރެ މައްޗަށް އަރައިފިއެވެ.

އެންމެފަހުގެ ޑޭޓާތަކައް ބަލާލާއިރު، ފާއިތުވެދިޔަ 24 ގަޑިއިރުގެތެރޭގައި އެމެރިކާއިން 25,653 މީހަކު ވައިރަސްއަށް ޕޮޒިޓިވްވެ، ފަރުވާދެމުން ދަނިކޮށް 1,098 މީހުން ވަނީ މަރުވެފައެވެ.

ބޭރުގައި ތިބި ދިވެހިން ރާއްޖެ ގެނައުމުގައި މިހާރު ސަރުކާރުން ގެންގުޅެމުންދާ އުޞޫލުތައް އަދިވެސް ބަލާ އެކަން އެންމެ އިންސާފުވެރިކޮށް ކުރެވޭނީ ކިހިނެއްތޯ އަދިވެސް ބަލަންޖެހޭކަމަށް ކޮވިޑް-19 ގެ ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

މެލޭޝިޔާގައި ދިރިއުޅޭ ފަރާތްތަކައް "ކެއަރ ޕެކޭޖް" ފޮނުވުމުގެ އިންތިޒާމު ސަރުކާރުން ހަމަޖައްސައިފިއެވެ.

ކޮވިޑް-19 އަށް ޕޮޒިޓިވްވެގެން މިވަގުތު ހޮސްޕިޓަލްގައި އޮންނެވި އިނގިރޭސިވިލާތުގެ ބޮޑުވަޒީރު ބޮރިސް ޖޯންސަން ގެ ހާލުކޮޅު ގޯސްވުމުގެ ސަބަބުން އައިސީޔޫއަށް ބަދަލުކޮށްފި އެވެ.

ގައުމީ އެއަރލައިން މޯލްޑިވިއަންގެ އޮންލައިން ބުކިން ސިސްޓަމަށް އެޓޭކްތަކެއް ދެމުންދާ ކަމަށް މޯލްޑިވިއަނުން ބުނެފިއެވެ.

އިނގިރޭސިވިލާތުގެ ބޮޑުވަޒީރު ބޮރިސް ޖޯންސަން ކޮވިޑް-19 އަށް ތަހުލީލުކުރެއްވުމަށްޓަކައި، ހޮސްޕިޓަލުގައި އެޑްމިޓްކުރިނަމަވެސް، މަޤާމުގެ މަސްއޫލިއްޔަތު ދޫކޮށްނުލައްވާ ކަމަށް އެޤައުމުގެ ސަރުކާރުން ބުނެފިއެވެ.

ސިވިލް ސަރވިސް މުވައްޒަފުންނަށް މިހިނގާ އެޕްރީލް މަހުގެ މުސާރައާއެކު ފާއިތިވެދިޔަ މާރޗް މަހުގެ އޯވަރޓައިމް އެލަވެންސް(އިތުރުގަޑީގެ ފައިސާ) ލިބޭނެ ކަމަށް ފިނޭންސް މިނިސްޓްރީގެ މީޑިއާ އެގްޒެކްޓިވް މުޙައްމަދު ޝަނޫން ވިދާޅުވެއްޖެއެވެ.

ސަޕޯޓަރުންގެ ކިބައިން މާފަށް އެދުމަށްފަހު، ބައެއް މުވައްޒަފުން ނޯޕޭ ލީވްއަށް ފޮނުވާލުމަށް ނިންމި ނިންމުން ލިވަޕޫލުން ބަދަލުކޮށްފި އެވެ.

އިނގިރޭސި ޕްރިމިއާ ލީގުގެ އެއްވަނައިގައި އޮތް ލިވަޕޫލުން ހޮނިހިރު ދުވަހު ވަނީ ބައެއް މުވައްޒަފުން ނޯޕޭ ލީވްއަށް ފޮނުވާލުމަށް ނިންމާފައެވެ. އެކަމާ ގުޅިގެން ގިނަ ބަޔެއްގެ ފާޑުކިޔުން ލިވަޕޫލަށް އަމާޒުވިއެވެ.

މާލެ ހިމެނޭ ޞަރަޙައްދުގައި ހިންގަން ފަށާފައިވާ ކާފިއުގައި ހޯމަ ދުވަހު އެކަނި ވެސް 150 ދިވެހިން ފުލުހުން ހުއްޓުވި ކަމަށް ޓާސްކް ފޯހުގެ ތަރުޖަމާނު މަބްރޫކް އަޒީޒު ވިދާޅުވެއްޖެއެވެ.

އިންޑިއާ ޓްރެފިކް ފުލުހުން ކޮވިޑް-19 ތީމްގެ ހެލްމެޓާއި ޝީލްޑް ހިފައިގެން ޑިއުޓީއަށް ނިކުމެއްޖެއެވެ. ފުލުހުން ބުނެފައިވަނީ، މިގޮތައް ކަންތައް ކުރަމުންދަނީ މި ވައިރަސްގެ ނުރައްކާ އާންމުންނަށް އަންގައިދިނުމުގެ ބޭނުމުގައި ކަމަށެވެ. ފުލުހުން ދަނީ އުޅަނދުތައް ހުއްޓުވާ ނަޞޭހަތް ދެމުންނެވެ. އަދި ގޭގެއަށް ގޮސް ވެސް ނަސޭހަތް ދެމުންނެވެ. އަދި ކޮވިޑް-19 އަށް ހޭލުންތެރިކުރުމުގައު ފުލުހުންގެ ދައުރު ބޮޑުކަމަށް ބުނެ، އިންޑިއާ ފުލުހުންދަނީ ކޮވިޑްއާއި ގުޅޭ މަޢުލޫމާތުވެސް ފަތުރަމުންނެވެ.