ކޮވިޑް-19: އެންމެ ފަހުގެ

ސިނަމަން ހަކުރާ ހުރާއިން ފެނުނު މީހާގެ ނަތީޖާ ނެގެޓިވް. 2 ވަަނަ ސާމްޕަލްއެއް ނެގުމުގެ މަސައްކަތް ދަނީ ކުރަމުން.

ފުޓްބޯޅަ ކުޅުންތެރިޔާ ފެލައިނީ ރާއްޖެ އައީ ދުބާއީ މަގުން. އަދި އެނބުރި ގޮސްފައިވަނީ ވެސް ދުބާއީއަށް. މި ކޭސްއާއި ގުޅިގެން 20 ފަރާތެއް ޑައިރެކްޓް ކޮންޓެކްޓް އައިޑެންޓިފައިވޭ.

މީގެ ތެރެއިން 5 މީހަކު އައިސޮލޭޝަންގައި ތިބީ ރީތިރަށް ރިސޯޓުގައި (ރިސޯޓް ސްޓާފުން)

އެމްއޭސީއެލްގެ 15 ސްޓާފެއް.

2 މީހަކު ވަނީ ވެލިދޫއަށް ގެންގޮސްފައި - ޓެސްޓް ނަތީޖާ ނެގެޓިވް

ޔޫއެންޑަބްލިއުޓީއޯއިން ވަނީ ކޮވިޑް-19 އާއި ގުޅިގެން ދުނިޔޭގެ ފަތުރުވެރިކަމަށް އަރާފައިވާ ލޮޅުން ދިރާސާކޮށް އެކަމަށް ގެނެވޭނެ ހައްލުތައް ހޯދުމަށްޓަކައި ގްލޯބަލް ޓުއަރިޒަމް ކްރައިސިސް ކޮމިޓީއެއް ހަދާފައި. މި ކޮމިޓީގައި ސައުތު އޭޝިއާގެ ފަރާތުން ތަމްސީލު ކުރުމަށްޓަކައި ކަނޑައެޅިފައިވަނީ (ސައުތު އޭޝިއާ ރީޖަންގެ ޗެއާ) އަކަށް ޓުއަރިޒަމް މިނިސްޓަރު އަލީ ވަހީދު.

ފިލިޕީންސްގެ ވައިގެ ބަނދަރު ބަންދުކޮށްފައި ނުވޭ. ނަމަވެސް ދިވެހި ދަރިވަރުންނަށް ފުލައިޓުން ޖާގަ ނުލިބުމުގެ މައްސަލަތައް ދިމާވޭ.

ފޮރިން މިނިސްޓްރީން ވަނީ ޕާކިސްތާނުގައި ތިބި 11 ދަރިވަރުންނާއި ގުޅާ އަދި އިތުރު ކުދިންނާއި ގުޅާ ރަޖިސްޓްރީ ކޮށްފައި. ޖުމްލަ 13 ކުއްޖަކާއި މިނިސްޓްރީން ވަނީ ގުޅިފައި. އަދި އެ ކުދިންނަށް ރާއްޖެ އާދެވޭނެ ޓްރެވަލް ރޫޓްތައް ހޯދުމުގެ މަސައްކަތް މިނިސްޓްރީން ކުރަމުން އެބަދޭ.

ސެނަހިޔާ ފުލޫ ކްލިނިކް - 176

ޓްރެވަލް ކްލިނިކް -18

ބިދޭސީންގެ ކްލިނިކް - 16

ވިލިމާލެ ކްލިނިކް - 5

މިވަގުތު މާލޭގެ މަގުމައްޗަށް ނުކުމެ އުޅުމާއި ބޭރުގައި އުޅުން ރައްކާތެރިއެއް ނޫން: ޑރ މުރާދު

ދިވެހިން 91

ފަތުރުވެރިން 231

އެކި ވިސާތަކުގައި 4

ރަނގަޅުވި މީހުންގެ ތެރޭގައި ހިމެނެނީ އިޓަލީގެ 3 މީހެއް، ސައުތު އެފްރިކާގެ މީހެއް އަދި ތުރުކީވިލާތުގެ މީހެއް.

13 ދަރިވަރަކާއި ވަނީ ވާހަކަ ދެކިވިފައި. ގެނެވޭނެ ގޮތެއް ގެނައުމުގެ މަސައްކަތް ދަނީ ކުރަމުން.

20 ނަތީޖާ ނުލިބޭ

13 ޕޮޒިޓިވް ( އަދަދަކަށް ބަދަލެއް ނާދޭ)

569 ސާމްޕަލް ނެގެޓިވް

އެޗްޕީއޭއިން ބުނީ، ވައިރަސްއަށް ޝައްކުކުރެވޭ އަލާމާތްތައް ހުރެގެން ސިނަމަން ހަކުރާ ހުރާ، ސޭންޑީޒް ބަތަލާ، އަނަންތަރާ ދިގު އަދި ކޮލަބް މެޑް ކަނިފިނޮޅުން ނެގި ސާމްޕަލްތަކުގެ ޓެސްޓުގެ ނަތީޖާ ނެގެޓިވް ވެފައިވާތީ އެ ރަށްތަކުގެ މޮނިޓަރިންގ އުވާލެވިފައިވާކަމަށް

ސްރީލަންކާއަށް ދަތުރުކުރާ އަދި ސްރީލަންކާގައި ދިރިއުޅޭ ދިވެހިން ސަމާލުވުމަށް އަނެއްކާވެސް އަންގައިފިއެވެ.

ފޮރިން މިނިސްޓްރީން ބުނީ ކޯވިޑް-19 ހަލުވިކަމާއެކު ފެތުރެމުން އަންނާތީ، ސްރީލަންކާ ސަރުކާރުން އަޅަމުންގެންދާ ފިޔަވަޅުތައް އިތުރަށް ހަރުދަނާކުރުމުގެ ގޮތުން، ވަކި ގޮތެއް އަންގަންދެން އެޤައުމުގެ ވައިގެ ބަނދަރުގެ އެރައިވަލް ޓަރމިނަލް ބަންދުކޮށް، ޓްރާންސިޓް ކުރުން މަނާކޮށްފައިވާ ކަމަށެވެ. އެހެން ނަމަވެސް، އެޤައުމުގެ ވައިގެ ބަނދަރުގެ ޑިޕާޗަރ ޓަރމިނަލް ހުޅުވާފައިވާކަން އަންގަފައިވާ ކަމަށެވެ.

އެހެންކަމުން މި ދުވަސްތަކުގައި ސްރީލަންކާއަށް ދަތުރުކުރަން ގަސްދުކުރާ ދިވެހިން މިކަމަށް ސަމާލުވުމަށް އެދިފައިވެއެވެ. އަދި މި ފިޔަވަޅުތަކަށް ބަދަލުއައުން އެކަށީގެންވުމާއެކު، ދަތުރުކުރުމުގެ ކުރިން މައުލޫމާތު ސާފުކުރުމަށްވެސް އެދިފައިވެއެވެ.

ކޮވިޑް-19 ގެ ރާއްޖޭގެ ޙާލަތާއި ގުޅޭގޮތުން މިނިސްޓަރ އޮފް ހެލްތު އަބްދުﷲަ އަމީން، ދުނިޔޭގެ ޞިއްޙަތު ޖަމްޢިއްޔާއިން ރާއްޖެއަށް ކަނޑައަޅުއްވާފައި ހުންނަވާ މަންދޫބު އަރްވިންދް މާތުރާއި ބައްދަލުކުރައްވައިފިއެވެ.

ކޮރޯނާވައިރަސް (ކޮވިޑް-19) ގެ ސަބަބުން މެދުކަނޑައިލާފައިވާ ސްޕެނިޝް ލީގުގެ މެޗުތައް އަލުން ފެށުން މުއްދަތެއް ނެތް ގޮތަށް ފަސްކޮށްފި އެވެ.

ކުރިން ރޭވިފައި އޮތް ގޮތުން ނަމަ ސްޕެނިޝް ލީގު ފަށަން ނިންމާފައި އޮތީ އޭޕްރީލް 23 ވަނަ ދުވަހު އެވެ.

އެކަމަކު ހޯމަ ދުވަހު ވަނީ ލީގުގެ މެޗުތައް އަލުން ފެށުން މުއްދަތެއް ނެތް ގޮތަށް ފަސްކޮށްފައެވެ.

ކޮރޯނާވައިރަސް (ކޮވިޑް-19) އަށް އޮލިމްޕިކް ގޭމްސްގެ ފެތުމުގެ ބައިން ރަން މެޑަލް ހޯދާފައިވާ ވެން ޑަ ބާގް ޕޮޒިޓިވްވެއްޖެ އެވެ.

މި ވައިރަހަށް ޕޮޒިޓިވްވިކަން ވެން ޑަ ބާގް ވަނީ ޓްވިޓާ މެދުވެރިކޮށް ހާމަކޮށްފައެވެ. ސައުތު އެފްރިކާއަށް އަށް އުފަން ބުނީ މި ވައިރަހާ ހަނގުރާމަކުރާތާ މިހާރު 14 ދުވަސްވެފައިވާ ކަމަށާއި، މިއީ މިހާތަނަށް އޭނާ ތަހައްމަލުކުރަން ޖެހުނު އެންމެ އުދަނގޫ އެއް ބަލި ކަމަށެވެ.

ކޮވިޑް-19އިން ރައްކާތެރިވުމަށް ގިނަ ފިޔަވަޅުތަކެއް އަޅަމުންދާއިރު، މިވައިރަސްގެ އަލާމާތެއްގެ އަސަރެއް ފެންނަނަމަ އެކަން ސިއްރުނުކޮށް ކަމާބެހޭ ފަރާތްތަކާ ހިއްސާކުރުމަށް އިލްތިމާސްކޮށްފިއެވެ.

ކޮވިޑް-19 އާ ގުޅިގެން ދިވެހި ސަރުކާރުން ޗައިނާ ސަރުކާރުގެ ކިބައިން އެދިފައިވާ އެހީ ފޮނުވުމަށް ތައްޔާރުވެފައިވާކަމަށާއި، އެހީ ފޮނުވާނެ މަގެއް ހޯދުމަށް މަސައްކަތްކުރަމުންދާކަމަށް ޗައިނާއިން ރާއްޖެއަށް ކަނޑައަޅާފައި ހުންނަވާ ސަފީރު ޖަންގް ލިޖޮންގް ވިދާޅުވެއްޖެއެވެ.

ކޮރޯނާވައިރަސް (ކޮވިޑް-19) އާ ގުޅިގެން ބޮޑީބިލްޑިންގ އެސޯސިއޭޝަން އޮފް މޯލްޑިވްސްއިން ބައެއް ހަރަކާތްތައް ފަސްކޮށްފި އެވެ.

ބޮޑީބިލްޑިންގ އެސޯސިއޭޝަނުން ނެރުނު ބަޔާނެއްގައި ބުނެފައިވަނީ ކޮވިޑް-19ގެ ސަބަބުން އޭޕްރީލް މަހުގެ ތިންވަނަ ދުވަހު ބޭއްވުމަށް ހަމަޖެހިފައިއޮތް ގައުމީ ބޮޑީބިލްޑިގ ޓީމު އެކުލަވާލުމަށް ހަމަޖެހިފައިވާ ސިލެކްޝަން، މުއްދަތެއް ނެތް ގޮތަށް ފަސްކޮށްފައިވާ ކަމަށްވެސް ވަނީ ބުނެފައެވެ.

ކޮވިޑް-19 އާ ގުޅިގެން ބޭރަށް ނިކުތުން މަދުކުރުމަށް ކަމާބެހޭ ފަރާތްތަކުން އިލްތިމާސް ކުރަމުންދާއިރު އެންޒީގެ ފިހާރަތަކުން ކަސްޓަަމަރުންގެ އޯޑަރުތައް ގޭގެއަށް ޑެލިވަރީކޮށްދޭން ނިންމައިފި އެވެ.

"އިސްކުރުފެން" ގެ ނަމުގައި އެމްޑަބްލިއުއެސްސީން ޑިޖިޓަލް ސްޓިކަރ ޕެކެއް ތަޢާރަފުކޮށްފިއެވެ. މިއީ ކޮވިޑް-19 ފެތުރެމުންދާތީ އެކަމުން ރައްކާތެރުވުމަށް އެޅިދާނެ ފިޔަވަޅެއްގެ ގޮތުން ފެން ރައްކާތެރިކުރުމާއި އަތްދޮވުމަށް ޢާންމުން ހޭލުންތެރި ކުރުވުމުގެ މަޤްޞަދުގައި އެކުންފުނިން ތަޢާރަފުކުރި ސްޓިކަރ ޕެކެކެވެ. މިއީ ކުންފުނިން ތަޢާރަފުކުރި ފުރަތަމަ ޑިޖިޓަލް ސްޓިކަރ ޕެެކެވެ.

ކޮވިޑް-19 އާއި ގުޅިގެން، ސްރީލަންކާ ސަރުކާރުން އަޅަމުންގެންދާ ފިޔަވަޅުތައް އިތުރަށް ހަރުދަނާކުރުމުގެ ގޮތުން، ވަކި ގޮތެއް އަންގަންދެން އެޤައުމުގެ ވައިގެ ބަނދަރުގެ އެރައިވަލް ޓަރމިނަލް ބަންދުކޮށް، ޓްރާންސިޓް ކުރުންވެސް ވަނީ މަނާކޮށްފައެވެ. އެހެން ނަމަވެސް، އެޤައުމުގެ ވައިގެ ބަނދަރުގެ ޑިޕާޗަރ ޓަރމިނަލް ހުޅުވާފައިވާކަން ވަނީ އަންގަވާފައެވެ.

މިފިޔަވަޅުތަކާއި ގުޅިގެން، މި ދުވަސްތަކުގައި ސްރީލަންކާއަށް ދަތުރުކުރަން ގަސްދުކުރާ ދިވެހިން މިކަމަށް ސަމާލުވުމަށް ފޮރިން މިނިސްޓްރީން ވަނީ އެދިފައެވެ. އަދި މި ފިޔަވަޅުތަކަށް ބަދަލުއައުން އެކަށީގެންވުމާއެކު، ދަތުރުކުރުމުގެ ކުރިން މައުލޫމާތު ސާފުކުރުމަށްވެސް މިނިސްޓްރީން ވަނީ އިލްތިމާސްކޮށްފައެވެ.

ކޮވިޑް-19 އަކީ އެ ވައިރަސްއިން ދިފާއުވުމަށް ޚާއްޞަ ވެކްސިންއެއް މިހާތަނަށް އީޖާދުކުރެވިފައި ނުވާ، އަދި ވަކި ފަރުވާއެއް އެއަށް ހޯދިފައިވާ ވައިރަސްއެއް ނޫނެވެ. އެހެންކަމުން، މިދަނޑިވަޅުގައި ޞިއްޙީ ޚިދުމަތްތެރިންނާއި ޑޮކްޓަރުން ދަނީ މި ބަލިން ދިފާޢުވުމަށް ވަކި ވަކި ފަރުދުންނަށް އަމިއްލައަށް ކުރެވިދާނެ ކަންކަން ފާހަގަކޮށް އެކަމަށް އިރިޝާދުދެއްވަމުންނެވެ. ރާއްޖޭގައިވެސް ހެލްތު މިނިސްޓްރީއާއި، ހެލްތު ޕްރޮޓެކްޝަން އޭޖެންސީން ދަނީ އާންމުން ރައްކާތެރިވުމަށް އެޅިދާނެ ފިޔަވަޅުތައް ދެނެގަނެ، އެކަމަށް އިލްތިމާސްކުރަމުންނެވެ.