ކޮވިޑް-19 އިން ރައްކާތެރިވުމަށް އަޅާ ފިޔަވަޅެއްގެ ގޮތުން އައްޑޫ ސިޓީގެ ފިހާރަތަކާއި ކެފޭތައް އިރުއޮއްސި 6 ޖަހާއިރު ބަންދު ކުރުމަށް އައްޑޫ ސިޓީ ކައުންސިލް އިދާރާއިން އަންގައިފިއެވެ.
26 މާރޗް 2020 | ބުރާސްފަތި 10:15
އެމެރިކާއިން 60,000 އަށްވުރެ ގިނަ މީހުންނަށް ކޮވިޑް-19 ޖެހިފައިވާ ކަމަށް ރިޕޯޓުތަކުން ބުނެފިއެެވެ. އަދި 827 މީހުން މަރުވެފައިވާ ކަމަށެވެ.
މިހާތަނަށް ހަމައެކަނި އެމެރިކާއިން 60,000 އަށްވުރެ ގިނަ މީހުންނަށް ކޮވިޑް-19 ޖެހިފައިވާއިރު، މުޅި ދުނިޔެއިން ފަސްލައްކައާ ގާތްކުރާ އަދަދަށް މިވައިރަސްއަށް މީހުން ޕޮޒިޓިވްވެފައިވެއެވެ.
26 މާރޗް 2020 | ބުރާސްފަތި 01:54
ސިނަމަން ހަކުރާ ހުރާ މޯލްޑިވްސް ރިސޯޓުގެ ބިދޭސީއެއްގެ ގައިން ކޮވިޑް-19ގެ އަލާމަތްތައް ފެނިގެން އެރިސޯޓު މޮނިޓަރިންގެ ހާލަތަށް ގެނެސްފިއެވެ.
އެޗްޕީއޭއިން ބުނީ ރައްކާތެރިކަމުގެ ގޮތުން ޢަމަލު ކުރަމުންދާ އުޞޫލުގެ ދަށުން ކޮވިޑް-19 އަށް ޝައްކުކުރެވޭ އަލާމާތްތައް ހުރެގެން ސިނަމަން ހަކުރާ ހުރާ މޯލްޑިވްސް ރިސޯޓުން ބިދޭސީއެއްގެ ސާމްޕަލް ނަގާ ޓެސްޓްކުރުމުގެ މަސައްކަތް ކުރިޔަށްގެންދާ ކަމަށެވެ.
އެޗްޕީއޭއިން ބުނީ އެމީހާ މިހާރު ވަނީ ރިސޯޓުގައި އެކަހެރި ކުރެވިފައިވާ ކަމަށެވެ. އަދި ޓެސްޓްގެ ނަތީޖާ ލިބެންދެން އެރިސޯޓުގައި ވަނީ މޮނިޓަރިންގްއަށް ލެވިފައިވާ ކަމަށް އެޗްޕީއޭއިން ބުނެއެވެ.
ކޮވިޑް-19އިން ރައްކާތެރިވުމުގެ ގޮތުން ރާއްޖެއިން ގިނަ ފިޔަވަޅުތައް އަޅަމުންދާއިރު، ޝައްކުވާ އަލާމާތެއް ފެންނަ ނަމަ ވަގުތުން ފިޔަވަޅުއަޅާނެއެވެ. އެގޮތުން މިހާތަނަށް ގިނަ ބަޔަކު މިވައިރަސްއަށް ޓެސްޓްކޮށްފައިވެއެވެ.
26 މާރޗް 2020 | ބުރާސްފަތި 01:45
ރިޒޯޓު މުވައްޒަފުންނަށް ރަށަށް ދެވޭނީ އެރިޒޯޓެއްގެ އެންމެ ފަހު ފަތުރުވެރިޔާ ފުރާތާ 14 ދުވަސްފަހުން: އެޗްޕީއޭ
ކ. މާލެ
ރިޒޯޓުތަކުގައި މަސައްކަތް ކުރަމުން ގެންދާ މުވައްޒަފުން އެހެން ރަށަކަށް ދެވެނީ އެރިޒޯޓަށް ޒިޔާރަތްކޮށްފައިވާ ފަތުރުވެރިންގެ ތެރެއިން އެންމެ ފަހު ފަތުރުވެރިޔާ އެރިޒޯޓުން ފުރާ ތާރީޚުން ފެށިގެން 14 ދުވަސްފަހުން ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
26 މާރޗް 2020 | ބުރާސްފަތި 01:44
ކޮވިޑް-19 އަށް ރާއްޖެއިން ޕޮޒިޓިވް ވި މީހުންގެ ތެރެއިން 8 މީހަކު ރަނގަޅުވެއްޖެ
ކ. މާލެ
ރާއްޖެއިން ކޮވިޑް-19ގެ 13 ކޭސްއެއް މިހާތަނަށް ފެނިފައިވާއިރު ރައީސް ވިދާޅުވީ އޭގެ ތެރެއިން 8 މީހަކު ބަލިން ފަސޭހަވެފައިވާކަމަށެވެ. އަދި މިވަގުތު ފަރުވާދެމުން ގެންދާ ފަސް މީހުން މީހުން ވެސް ރަނގަޅުވަމުން އަންނަ ކަމަށް ރައީސް ވިދާޅުވިއެވެ.
25 މާރޗް 2020 | ބުދަ 22:30
10 މަސް ދުވަހަށް ވާވަރަށް ހަނޑޫ، ހަކުރު ގެނައުމުގެ މަސައްކަތް އެސްޓީއޯއިން ދަނީ ކުރަމުން: ރައީސް
ކ. މާލެ
ދިހަ މަސް ދުވަހަށް ވާވަރަށް ހަނޑޫ، ހަކުރު ގެނައުމުގެ މަސައްކަތް އެސްޓީއޯއިން ކުރަމުން އަންނަ ކަމަށް ރައިސުލްޖުމްހޫރިއްޔާ އިބްރާހިމް މުހައްމަދު ސާލިހު ވިދާޅުވެއްޖެއެވެ.
25 މާރޗް 2020 | ބުދަ 22:25
ކޮވިޑް-19: އިންޑިއާގެ ކެބިނެޓް ބައްދަލުވުންވެސް މިއަދު ބޭއްވީ "އިޖްތިމާޢީ ގައިދުރުކަން" ތަންފީޒު ކުރެވޭފަދަ ގޮތަކައް
ކ. މާލެ
އިންޑިއާގެ ބޮޑުވަޒީރު ނަރެންދްރަ މޯދީ ރިޔާސަތު ބެލެހެއްޓެވި އެޤައުމުގެ ވަޒީރުންގެ ބައްދަލުވުންވެސް މިއަދު ކުރިޔަށް ގެންދެވީ، "އިޖްތިމާޢީ ގައިދުރުކަން" ތަންފީޒު ކުރެވޭފަދަ ގޮތަކަށެވެ. ވަޒީރުންގެ އިށީދެވަޑައިގެން ތިއްބެވީ 3 ފޫޓް ދުރުގައި ކަމަށް އިންޑިއާގެ މީޑިއާތަކުން ރިޕޯޓުކުރެއެވެ.
25 މާރޗް 2020 | ބުދަ 22:20
އިންޑިއާ ސަރުކާރުން ބުނެފައިވަނީ އެޤައުމުގެ ލޮކްޑައުންކޮށްފައި އޮތުމުން ދަތިތަކެއް ދިމާވިނަމަވެސް، ރާއްޖެއަށް ބޭނުންވާ ކާޑުގެ ބާވަތްތައް ފޮނުވާނެކަމަށެވެ. އެގޮތުން 20 ދުވަހަށް ވާމިންވަރަށް މިހާރުވެސް ހަނޑުލާއި ހަކުރު ބަރުކޮށްފައިވާ ކަމަށާއި، ދާދި އަވަހަށް ރާއްޖެއަށް އެތަކެތި ފޯރާނެކަމަށެވެ. އަދި 1500 މެޓްރިކް ޓަނުގެ ހަނޑުލާއި 500 މެޓްރިކް ޓަނުގެ ހަކުރު މިހާރު ޓުޓިކޮރިން ބަނދަރުގައި ބަރުކުރަމުންދާކަމަށެވެ.
25 މާރޗް 2020 | ބުދަ 22:11
ކޮވިޑް-19: ނޭޕާލްގައި ތިބި ދިވެހި ދަރިވަރުން ގެނައުމަށް ނޭޕާލް ސަރުކާރުން އެހީތެރިވެދޭތީ މިނިސްޓަރ ޝާހިދު ޝިކުރު ދަންނަވައިިފި
ކ. މާލެ
ނޭޕާލުގައި ތިބި ދިވެހި ދަރިވަރުން ރާއްޖެ ގެނައުމަށް ނޭޕާލްގެ އެހީއަށް އެދުމުން، އެކަމަށް ނޭޕާލް ސަރުކާރުން އިޖާބަދީފައިވާތީ ފޮރިން މިނިސްޓަރ ޝާހިދު ނޭޕާލްގެ ފޮރިން މިނިސްޓަރަށް ފޯނުން ގުޅުއްވާ މަރުޙަބާ ވިދާޅުވެއްޖެއެވެ.
25 މާރޗް 2020 | ބުދަ 22:11
އައިއެމްއެފުން ލޯން ނަގާކަށް އަދި ގަސްތުނުކުރައްވާކަމަށް ރައީސް ވިދާޅުވި އެވެ. އައިއެމްއެފުން ލޯނު ނަގައިފިނަމަ ސިވިލް ސަރވެންޓުންގެ އަދަދު މަދުކޮށް މުސާރަ މަދުކުރަން ޖެހޭކަމަށާއި އެގޮތަށް އެކަން ކުރަން އަދި ނުވިސްނަވާކަމަށް ރައީސް ވިދާޅުވި އެވެ.
25 މާރޗް 2020 | ބުދަ 18:12
ޖަލުގައި ތިއްބެވި ފަރާތްތަކަށް މައާފުދިނުން އޮންނަނީ ޤާނޫނީގެ ތެރެއިން ވަކި އުސޫލެއް ހަމަޖެހިފައި: ރައީސް
ކ. މާލެ
ޖަލުގައި ތިއްބެވި ފަރާތްތަކަށް މައާފުދިނުން އޮންނަނީ ޤާނޫނީގެ ތެރެއިން ވަކި އުސޫލެއް ހަމަޖެހިފައި ކަމަށާއި ވަކި މީހަކަށް ވަކި ގޮތެއް ހެދުމުގެ ވިސްނުމެއް ނެތްކަމަށް ރައީސް ވިދާޅުވި އެވެ. ޕީއެންސީގެ ނައިބު ރައީސް އަބްދުއްރަހީމް ބަރާބަރަށް ގުޅައިގެން ވާހަކަ ދައްކަވާކަމަށް ރައީސް ވިދާޅުވި އެވެ. މިދިޔަ ދެ ދުވަހު އަބްދުއްރަހީމް ގުޅުއްވިކަމަށާއި ނަމަވެސް ފޯނު ނުނެންގެވޭ ކަމަށް ރައީސް ވިދާޅުވި އެވެ.
25 މާރޗް 2020 | ބުދަ 18:11
މާލެއަށް ޚާއްސަ ސަމާލުކަމެއް ދެނީ އެހެން ރަށްރަށް އިހުމާލުކުރާކަށް ނޫން: ރައީސް
ކ. މާލެ
މާލެއަށް ޚާއްސަ ސަމާލުކަމެއް ދެނީ އެހެން ރަށްރަށް އިހުމާލުކުރާކަށް ނޫންކަމަށް ރައީސް ވިދާޅުވި އެވެ. އެއީ މާލެއަކީ ތޮއްޖެހިފައިވާ ތަނަކަށްވާތީ ކޮންޓްރޯލް ކުރަން އުނދަގޫވާނެތީކަމަށް ރައީސް ވިދާޅުވި އެވެ. ރަށްރަށުގެ ހާލަތުވެސް އަންނަނީ ބަލަމުންކަމަށް ރައީސް ވިދާޅުވިއެވެ. އެއްވެސް ރަށަކަށް އިހުމާލުނުވާކަމަށް ރައީސް ވިދާޅުވި އެވެ.
25 މާރޗް 2020 | ބުދަ 18:08