އީސީން ސިޔާސީ ޕާޓީތަކުގެ މަސައްކަތް ގާތުން ބައްލަވާ ކަމަށާއި އީސީން އިންތިހާބުތަކަށްޓަކައި ކޮށްދެއްވާ މަސައްކަތްތަކަށް ޝުކުރު އަދާ ކުރައްވާ ކަމަށް ވިދާޅުވި. އޭގެ އިތުރުން ޤާނޫނާ ޤަވާއިދާ އެއްގޮތަށް ކެމްޕެއިން ހަރަކާތްތައް ކުރިއަށްގެންދިއުމަށް ވެސް ނަޝީދު ގޮވާލެއްވި. 

ރޭވިގެން ހިންގޭ ސިޔާސީ ހަރަކާތްތައް ފެނުމުން އުފާވާ ކަމަށާއި، އާންމު ފަރުދުންގެ ފަރުދީ ޒިންމާ އަދާކޮށްފިނަމަ އެއްވެސް އިންތިހާބެއްގައި މަކަރު ނުހެދޭނެ ކަމަށް ވިދާޅުވި. އޭގެ އިތުރުން އެމްޑީޕީ ސެކެޓްރިއޭޓް މެދުވެރިކޮށް ވޯޓުލާން ރަޖިސްޓްރީވެފައި ތިބި މީހުންނަށް ހޭލުންތެރިކަމުގެ ކަންކަން ކުރިއަށްގެންދާތީ އުފާވާ ކަމަށް ވެސް ހަބީބު ވިދާޅުވި. 

މަޖިލިސް އިންތިހާބުގައި އެމްޑީޕީން ވާދަކުރާ 86 ދާއިރާގެ ކެނޑިޑޭޓުންގެ ފޯމު އިލެކްޝަންސް ކޮމިޝަނަށް ހުށައަޅައިފިއެވެ. 

 ފޯމްތައް ހުށަހެޅުމަށް ކެނޑިޑޭޓުން މިހާރު ތިއްބެވީ ބާޖަމަލުއްދީން ހޯލްގައެވެ. ކެންޑިޑޭޓުންގެ ފޯމްތަކާއި ހަވާލުވެވަޑައިގަންނަވާނީ އިލެކްޝަން ކޮމިޝަންގެ ނައިބް ރައީސް އަމްޖަދު މުސްތަފާއެވެ.

ކޮންމެ ކެނޑިޑޭޓެއްވެސް ތިބީ އެ ކެނޑިޑޭޓެއްގެ ދާއިރާގެ ރައްޔިތުންނާއެކު އެ ކެނޑިޑޭޓެއްގެ ނަން ޖަހާފައިވާ ބެނާރއެއް ހިފައިގެން

އެމްޑީޕީ ކެނޑިޑޭޓުންގެ ފޯމް ހުށައެޅުމުގެ ހިނގާލުން ފެށިއްޖެއެވެ. މި ހުރިހާ ބޭފުޅުންގެ ފޯމް ހުށައެޅުން އޮންނާނީ ބާޖަމަލުއްދީން ހޯލްގައެވެ. ކެންޑިޑޭޓުންގެ ފޯމްތަކާއި ހަވާލުވާނީ އިލެކްޝަން ކޮމިޝަންގެ ނައިބް ރައީސް އަމްޖަދު މުސްތަފާއެވެ.

" ރައްޔިތުން ބޭނުންވާ އެންމެހާ ކަންކަން ކޮށްދޭނެ މަޖިލީހަކަށް މަޖިލިސް 19 ހެދުމަކީ އެމްޑީޕީގެ އަމާޒު "

އެމްޑީޕީގެ ލީޑަރޝިޕްގެ އިސް ބޭފުޅުން ވަނީ ސަފަށް ގުޅިވަޑައިގެންފަ. އެގޮތުން މައްޗަން ގޯޅި މެދު ދާއިރާއަށް ކުރިމަތިލައްވާ ކުރީގެ ރައީސް މުހައްމަދު ނަޝީދުވެސް ވަނީ ސަފަށް ގުޅިވަޑައިގެންފަ 

މި ހިނގާލުމުގެ އެންމެ ކުރީ ސަފުގައި ޕާޓީގެ ލީޑާޝިޕްގެ ބޭފުޅުން ތިއްބަވާއިރު އޭގެ ފަހަތުގައި ތިއްބަވާނީ މިހާރު ރައްޔިތުންގެ މަޖިލީހުގައި އެމްޑީޕީ ތަމްސީލްކުރައްވާ މެމްބަރުންނެވެ. އެއަށްފަހު ހުރިހާ ދާއިރާއެއްގެ ކެންޑިޑޭޓުން ތިބެނޭ ކަމަށް އެމްޑީޕީން މައުލޫމަތުދެއެވެ. 

މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)ގެ ކެންޑިޑޭޓުންގެ ފޯމްތައް އިލެކްޝަން ކޮމިޝަނަށް ހުށަހެޅުން މިއަދު ހެނދުނު އޮންނާނެ ކަމަށް އެޕާޓީން ވަނީ ބުނެފައެވެ.