ފަލަ ސުރުޚީ:ފުލުހުން ތަބާވާން ޖެހޭނީ ޤާނޫން ތަކަށް
މިރޭގެ މެހެމާނަކީ މައްޗަންގޯޅި އުތުރު ދާއިރާގެ މެންބަރު މާރިޔާ އަހުމަދު ދީދީ
މާރިއާ އަހުމަދު ދީދީ
ދެން ކަމެއް ރަނގަޅުކުރަންޏާ ދެން އެންމެން ތިބެގެން ވާހަކަ ދައްކައިގެން ވާނީ
މާރިޔާ: މިހާރު ވަރަށް ގިނަ ކަންކަން ގޯސްކޮށް ހިނގައިފި. 75000 މީހުން ތަމްސީލް ކުރާ ދާއިރާތައް އެބަހުރި މަޖިލީހުގައި ތަމްސީލް ނުކުރެވި. ދެފަނޑިޔާރުން އެތިބީ ޣައިރު ޤާނޫނީ ހައްޔަރެއްގައި. ފުލުހުންނަށް ރައީސް ކުރައްވަނީ ޣައިރު ޤާނޫނީ އަމުރު. މަޖިލީހަކުން ނެތް ބަޔަކު ޖަވާބުދާރީ ކުރެވޭކަށް. ދެން ކަމެއް ރަނގަޅުކުރަންޏާ ދެން އެންމެން ތިބެގެން ވާހަކަ ދައްކައިގެން ވާނީ
ސުޕްރީމް ކޯޓުގެ ދެފަނޑިޔާރުން މިވަގުތު ހައްޔަރުކޮށްފައި ބައިތިއްބާ ބައިތިއްބުމުގެ ޒިންމާ ޕީޖީވެސް ނަގަން ޖެހޭނެ
މާރިޔާ: ސުޕްރީމް ކޯޓުގެ ދެފަނޑިޔާރުން މިވަގުތު ހައްޔަރުކޮށްފައި ބައިތިއްބާ ބައިތިއްބުމުގެ ޒިންމާ ޕީޖީވެސް ނަގަން ޖެހޭނެ. ދަށުކޯޓަކުން އެބޭފުޅުންގެ ބަންދުގެ މުއްދަތެއް ނުޖެހޭނެ. ފުލުހުން އެފަނޑިޔާރުން ހައްޔަރު ކުރީވެސް ޤާނޫން އަސާސީއާ ޚިލާފަށް. އެބޭފުޅުން ހައަޔރެއް ނުކުރެވޭނެ އެގޮތަކަށް. އެއާ ޚިލާފަށް ސިފައިން ޖެހޭނީ އެމީހުން ބަލަހައްޓަން
ޣައިރު ޤާނޫނީ އަމުރަކަށް ތަބާވާކަށް ނުޖެހޭނެ
މާރިޔާ: ޣައިރު ޤާނޫނީ އަމުރެއް ފުލުހުންގެ މައްޗަކަށް ނުވެސް ކުރެވޭނެ. އަމުރެއް ކުރިއަސް ކިޔަމަންވެގެންވެސް ނުވާނެ. މަޖިލީހުގެ މެންބަރުންވެސް ފުލުހުން އުކާލަނީ. އެއީ ކުރެވޭނެ ކަމެއް ނޫން
ޤާނޫނުގައި އޮންނަ ގޮތާ ޚިލާފަށް އިންޑިިވިޖުއަލް ފުލުހަކުވެސް އަމަލް ކޮށްފިނަމަ އެމީހަކާމެދު ޤާނޫން އަރާ ހަމަ ކުރާނެ.
މާރިޔާ: ޤާނޫނުގައި އޮންނަ ގޮތާ ޚިލާފަށް އިންޑިިވިޖުއަލް ފުލުހަކުވެސް އަމަލް ކޮށްފިނަމަ އެމީހަކާމެދު ޤާނޫން އަރާ ހަމަ ކުރާނެ. ޖަލުގައިތިބި އެސްއޯ ފުލުހުންގެ ބޯ ބާލައިގެން އެހެން މީހުންނަށް ބާރު ދައްކަން އުޅުމަކީ އަދި ކުރެވޭނެ ކަމެއް ނޫން.
ރިމާންޑް ޖަލުގައި ހުންނަ މީހަކީ އަދި ކުށެއް ސާބިތު ނުވާހާ ހިނދަކު ކުށްވެރިންނެއް ނޫން.
މާރިޔާ: ރިމާންޑް ޖަލުގައި ތިއްބަސް ކުށެއް ސާބިތު ނުވަންޏާ ކުށްވެރިންނާމެދު ކަންކުރާ ގޮތަކަށް ޢަމަލެއް ނުކުރެވޭނެ. ޖަލުގައިތިބި އެސްއޯ ފުލުހުންގެ ބޮލެއް ކޮށައެއް ނުލެވޭނެ. ރިމާންޑް ޖަލުގައި ހުންނަ މީހަކީ އަދި ކުށެއް ސާބިތު ނުވާހާ ހިނދަކު ކުށްވެރިންނެއް ނޫން.
ރުމާލު 2 ގައި ދައްކަން ޖެހޭ ވާހަކަ ފުލުހުންގެ ޔުނީފޯމް އަޅައިގެން ހުންނަ މީހަކު ދެއްކީމާ ރަނގަޅެއް ނޫން
މާރިޔާ: ބޮޑެތި ކުށްތައް ކުރާ މީހުން ނުހުއްޓުވޭއިރު ސިޔާސީ މީހުންގެ ވާހަކަ އެބަދެއްކޭ ފުލުހުންނަށް. ރުމާލު 2 ގައި ދައްކަން ޖެހޭ ވާހަކަ ފުލުހުންގެ ޔުނީފޯމް އަޅައިގެން ހުންނަ މީހަކު ދެއްކީމާ ރަނގަޅެއް ނޫން
ފުލުހުންނާ މެދު ރައްޔިތުން އިތުބާރު ނުކުރަނީ ފުލުހުންގެ ކަންކަން ހުންނަ ގޮތުން
މާރިޔާ: ފުލުހުންނާ މެދު ރައްޔިތުން އިތުބާރު ނުކުރަނީ ފުލުހުންގެ ކަންކަން ހުންނަ ގޮތުން. މިސާލަކަށް ރިލްވާން ގެއްލުމާ ޑރ އަފްރާޝީމްގެ މަރާ ޔާމިން ރަޝީދުގެ މަރާ ގުޅޭގޮތުން ކަންކަން ވެފައި ހުރި ގޮތުން ބަލައެއް ނުގަނެވޭ.
ހުކުމް ތަންފީޒް ކުރުމުގައި ގޮތް ނިންމާނީ ބަންޑާރަނައިބު ވިދާޅުވާ ގޮތަކަށޭ ނުބުނެވޭނެ
މާރިޔާ: ހުކުމް ތަންފީޒް ކުރުމުގައި ގޮތް ނިންމާނީ ބަންޑާރަނައިބު ވިދާޅުވާ ގޮތަކަށޭ ނުބުނެވޭނެ. ބަންޑާރަ ނައިބަކީވެސް އެއް ޚަސްމު. ޑިފެންސް މިނިސްޓަރާ ބަންޑާރަނައިބު އިންނަވާފައި އެކުރެއްވި ކަންކަން ސިފަވަނީ ރައްޔިތުންގެ މޫނުމަތީގައި ތަފާލެއް ޖެހިހެން
ރައީސް ބޭނުންވީމާ ވަކި ހުކުމެއް ތަންފީޒް ނުކޮށެއް ނުހުރެވޭނެ
މާރިޔާ: ރައީސް ބޭނުންވާހާ ގޮތަކަށް ކުރިން ހުކުމް ލިބެމުން އެއީ. އެކަމަކު މުޅި ދުނިޔެ މަރުހަބާކީ އަމުރެއް ތަންފީޒް ނުކުރަން ރައީސުލް ޖުމްހޫރިއްޔާއަކށް ބަހަނާއެއް ނުދެއްކޭނެ. ފުލުހުންގެ ސްޕޯކްސްޕާސަން އަކަށް އަރާ ކުއްޖާވެސް ރުމާލު ދޭއްގެ ސްޕީޗެއް ދޭ ގޮތަކަށް ވާހަކަ ދެއްކީމަ ލަދުވެސް ގަނޭ
ޤާނޫން އަސާސީގެ އެއްވެސް ތާކު ނެތް ފުލުހުން ރައީސުލް ޖުމްހޫރިއްޔާއަށް ޖަވާބުދާރީވާން ޖެހޭނެ ކަމަކަށް
މާރިޔާ: ޤާނޫން އަސާސީގެ އެއްވެސް ތާކު ނެތް ފުލުހުން ރައީސުލް ޖުމްހޫރިއްޔާއަށް ޖަވާބުދާރީވާން ޖެހޭނެ ކަމަކަށް. ޤާނޫނާ ޚިލާފަ ްކަމެއް ނުޖެހޭނެ ކުރާކަށް ރައީސުލް ޖުމްހޫރިއްޔާ އެންގިއަސް. ފުލުހުންނަކަށް ނުދެވޭނެ އަމުރެއް ސައްޙަތޯ ބަލާކަށް ކޯޓަކަށްވެސް
ފުލުހުންނަކަށްވެސް ޤާނޫން އަސާސީގެ ބޭރުން ކަމެއް ނުކުރެވޭނެ
މާރިޔާ: ފުލުހުންނަށްވެސް ބާރު ލިބިދެނީ ޤާނޫން އަސާސީއާއި އެހެނިހެން ޤާނޫން ތަކާއި ޤަވާއިދު ތަކާއި ޝަރުއީ އަމުރުތަކުގެ ތަރަހައިގެ ތެރެއިން. ކޮންމެ ފުލުހަކަށްވެސް ކަމެއް ކުރެވޭނީ ލިބިދޭ ޤާނޫނީ އިޚްތިޔާރުގެ ތެރެއިން
ފުލުުހުންނަކަށް ނުނިންމޭނެ އަމުރެއް ސައްހަތޯ ބަލާކަށް
މާރިއާ:ފުލުހުންނަކަށްވެސް ރައީސުލް ޖުމްހޫރިއްޔާއަކަށް އަދި ޢާއްމު މީހަކަސް އަމުރެއް ސައްހަތޯ ބަލަން ޖެހޭނީ ކޯޓުން. ފުލުުހުންނަކަށް ނުނިންމޭނެ ސައްހަތޯ ބަލާކަށް. ފުލުހުންނަށް ދައުވާވެސް ނުކުރެވޭނެ. ޕީޖީ ދައުވާވެސް ކުރަނީ. އިސްތިއުނާފްވެސް ކުރެވޭނީ ޕީޖީ. އެއީ ސަރުކާރާވެސް ބެހޭ ކަމެއް ނޫން.