ފަލަސުރުހީ: ސިޔާސީ ޕާޓީތަކާއެކު އިލެކްޝަންސް ކޮމިޝަނުން ކުރިއަށްގެންދިއުމަށް ބޭނުންވި މަޝްވަރާތައް

ޖަލުތަކުގައި އެތަށް ބަޔަކަށް އަންނަނީ އަނިޔާތައް ދެމުން. އެތަށް ބަޔަކު ޖަލަށްލާފައިވާއިރު، އެ މީހުންނަށް ލިބެންޖެހޭ ބޭސްފަރުވާއެއް ނުލިބޭ. ޝެއިހު އިމްރާނަށް ލިބެންޖެހޭ ބޭސްފަރުވަވެސް އެންމެ އެކަށީގެންވާގޮތަކަށް ނުލިބޭ. ސިޔާސީ އެންމެން ހައްޔަރުކޮށް، އަނިޔާދެމުންގެންދަނީ ރައީސް ޔާމީނާއި ހިޔާލު ތަފާތުވުމުން.

މި ސަރުކާރުން ތަރައްޤީގެ ނަމުގައި ކުރިއަށްގެންދަ ޕްރޮޖެކްޓުތަކުންނާއި، އަދި އެކަންކަން ކުރުމަށް ނަގާ ބޮޑެތި ލޯނުތަކުގެ ސަބަބުން ދަރިންގެ ދަރީންގެ ބޮލުގައި ބޮޑެތި ދަރަނިތައް އެޅިގެންދާނެ. ތަރައްޤީގެ ޕްރޮޖެކްޓުތައް ހިންގަން ވާނީ ހުރިހާ ރައްޔިތުންގެ ޝާމިލްވުމާއެކުގައި.

މި ސަރުކާރުން ސިޔާސީ ގޮތުން ދައްކާނެ އެއްވެސް ވާހަކައެއް އޮތްތަނެއް ނުފެނޭ. ކޮންމެ ބަހަކާއި އެކުގައި ވިދާޅުވަނީ ރައީސް ނަޝީދު ރައީސް ނަޝީދު. ނަމަވެސް ރައީސް ނަޝީދުގެ ވެރިކަން ބަދަލުވިތާ އެތަށް އަހަރުތަކެއްވެއްޖެ. ނަމަވެސް އެ ބޭފުޅުންނަށް ރައީސް ނަޝީދު ނުންއެއްޗެއް ވިދާޅުވާކަން ނޭނގޭ.

ފަތުވާ ކޮމެޓީއަކީ މިނިވަންކަމާއެކު ދީނީ ކަންކަމުގައި މަސައްކަތްކުރާ ކޮމެޓީއެއްގެ ގޮތުގައި ނުފެނޭ. ދުވަސްކޮޅަކުން ޕީޕީއެމްގެ ދިދަ ހިފައިގެންވެސް އެ ކޮމެޓީގެ ބޭފުޅުން ކެމްޕޭން ކުރައްވާތަން ފެނިގެން ހިނގައިދާނެ. މިހާރުވެސް އެ ކުރައްވަނީ ހަމަ ކެމްޕޭންކަންކަން އެހެން ނޫންތޯ.

ހައްޤުގެ މަގުގައި މަސައްކަތްކުރާ މީހާއަށް އަބަދުވެސް ހުރަސްތައް ކުރިމަތިވާނެ. އަޅުގަނޑުމެން މިކުރާ މަސައްކަތް މި ކުރަނީ އެކަން އެނގިގެން. އަޅުގަނޑުމެން ހައްޔަރުކޮށްފާނެތީ އެއްވެސް ބިރެއް ނުގަނޭ. މި ފެންނަނީ އަނިޔާވެރި ވެރިކަމެއްގައި ކަންކަން ފެނިގެންދާނެގޮތުގެ މަންޒަރު. ބާތިލްގެ މައްޗަށް ހައްޤު އަބަދުވެސް ކުރި ހޯދާނެ.

އިދިކޮޅު ޕާޓީތަކުގެ ފަރާތުން ވާހަކަ ދެއްކެވި ޖުމްހޫރީ ޕާޓީގެ ސެކްރެޓަރީ ޖެނެރަލް އަހްމަދު ސަމީރު މިއަދު ވިދާޅުވީ އިލެކްޝަންސް ކޮމިޝަނަކީ ރައީސް އަބްދުﷲ ޔާމީނާއި ޕީޕީއެމްގެ މަސްލަހަތު އެކަނި ހިމާޔަތް ކުރާ މުއައްސަސާއެއް ކަމަށެވެ. އެ ކޮމިޝަނަށް ދާދި ފަހުން، މެމްބަރަކު އައްޔަން ކޮށްފައި ވަނީ ވެސް ގާނޫނުއަސާސީއާ ޚިލާފަށް، ރައްޔިތުންގެ މަޖިލީސް ހުއްޓުވާލައި، ގަދަބާރުން ކަމަށް އޭނާ ވިދާޅުވި އެވެ.