ގުޅިފައިވާ ޕާޓީތަކުގެ ސިލްސިލާ މުޒާހަރާ

މަޖީދީމަގާއި ހަތަރު އަނގޮޅި ކަންމަތިން ހުޅަނގަށް ކުނޫޒާ ދިމާލަށް މީހުން ވަނީ ގިނައަދަދކަށް މީހުން އެއްވެފައި

މުޅި މަޖީދީމަގުގައި މުޒާހަރާކުރަމުންދާއިރު ނަލަހިޔާ ކަންމަތީ ގިނަ އަދަދެއްގެ އާއްމުން ދަނީ ހަރަކާތްތެރިވަމުން. އަދިވެސް ހަތަރު ފުރޮޅުލީ ވެހިކަލްއަކަށް މަޖީދީމަގަކަށް ނުވަދެވޭ

ފުލުހުން މުޒާހަރާގެ ބައިވެރިން ގޯޅިތަކަށް ދަނީ ވައްދަމުން. މުޒާހަރާ އަދިވެސް ދަނީ ކުރިއަށް. ގޯޅިތަކަށް ވެއްދުމާއެކު އަނެއްކާވެސް އެނބުރި މަޖީދީމަގަށް ނުކުމެ ދަނީ މުޒާހަރާ ކުރަމުން.

ރައްޔިތުންގެ މަޖިލީހުގެ މެންބަރުން ތަކެއް ކަމުގައިވާ އަމީތު، އަލީ ހުސައިން އަދި ފައިސަލް ނަސީމް ހައްޔަރުކޮށްފި. ގިނަ ބަޔަކު އަދިވެސް ދަނީ މަޖީދީމަގުގައި މުޒާހަރާ ކުރަމުން

ކުރީގެ ސިޓީ ކައުންސިލް އިމާރާތް ކައިރީ މަޖީދީމަގުގައި ގިނަ އަދަދެއްގެ މީހުން މިހާރުވެސް ދަނީ އެއްވެ ޝުއޫރު ފާޅުކުރަމުން

ރައްޔިތުންގެ މަޖިލީހުގެ މެމްބަރ މާރިޔާ އަހުމަދު ދީދީ އާޢި ކުރީގެ ހައުސިންގ މިނިސްޓަރ މުހައްމަދު އަސްލަމް ހައްޔަރުކުރިކަމުގެ މައުލޫމާތު ދަނީ ލިބެމުން

Caption

މުޒާހަރާގެ ތެރެއިން ޕެޕަރސްޕރޭ ޖެހުމުން އަނިޔާވި ދެ އަންހެނަކު އޭޑީކޭ އެމްބިއުލާންސްގައި ގެންގޮސްފި

މިފެންނަނީ އަނިޔާވެރިކަން. ޤާނޫން އަސާސީން ލިބިދޭ ޙައޤެއްގެ ބޭނުންކުރާއިރު ޕެޕަރސްޕްރޭ ޖަހަމުން އެދަނީ. މުޒާހަރާގައި ވެއްޓޭ މީހުން ހޮސްޕިޓަލަށްވެސް ގެންދެވޭނެ ގޮތެއް ތަނަވަސްކޮށެއް ނުދޭ. ބަލި މީހާ އޮތް ހިސާބަށް އެމްބިއުލާސްވެސް ދިޔަކަ ނުދޭ

Caption

ގިނަ އަދަދެއްގެ ފުލުހުން ވަނީ މަޖީދީމަގަށް ޖަމާވެފައި. ޓްރެފިކް ބަލަހައްޓަމުންވެސް ދަނީ އެސްއޯ ފުލުހުން

މުޒާހަރާގައި ގިނަ ބަޔަކު އެއްވެފައިވާއިރު މުޒާހަރާގެ ތެރެއިން މީހަކު ހައްޔަރުކޮށްފި. ހައްޔަރުކޮށްފައިވަނީ މާލޭ ސިޓީ ކައުންސިލްގެ މެންބަރު ނިޔާޒް

އެހެން ރޭރެއަށްވުރެ މިރޭ މުޒާހަރާގެ ބައިވެރިން ގިނަކަން ފާހަގަކޮށްލެވޭ. ރައްޔިތުންގެ މަޖިލީހުގެ މެންބަރުންވެސް މިރޭގެ މުޒާހަރާއިން ފެނޭ. މިހާރުވެސް ވަނީ މުޒާހަރާގެ ތެރެއަށް ޕެޕަރ ސްޕްރޭ ޖަހާފައި

ސިލްސިލާ މުޒާހަރާ ފެށިގެން ކުރިއަށް އެބަދެއެވެ. މުޒާހަރާ ކުރަމުންދަނީ މަޖީދީ މަގާއި ޗާންދަނީމަގު ކަންމަތިން ފެށިގެން. ވަރަށްގިނަ ޢަދަދެއްގެ ބަޔަކު ވަނީ އެއްވެފައި