ފަލަސުރުޚީ

ޣައިރު ގާނޫނީ އަމުރުތަކަށް ތަބާ ނުވުމުގެ ސަބަބުން ވަޒީފާތައް ގެއްލޭ ފަރާތްތަކަށް އަޅުގަނޑުމެން ވަޒީފާ އިޔާދަކޮށްދޭނަން

ކެމްޕެއިންގެ ވައުދެއް މުސާރައިގެ ދެ ބައިކުޅަ އެއްބައި ނެގުން. ނަމަވެސް ދައުރު ނުނިމެނީސް ފުލް މުސާރަ މި ނެންގެވީ ބޮޑުވެފައި ތިބި ދަރިންގެ ގޭގެ ކުލި ދައްކަންށޭ ވިދާޅުވެ. މި ނޫނިއްޔާ ނޫޅޭނެ ދަރިން ތަރުބިއްޔަތު ނުކުރެވުނު ރައީސެއް

ކުރިއަށް އޮތް ހަތަރު ރޭ ވެސް ރައްޔިތުން އަޅުގަނޑުމެން ބުނާ ސަރަހައްދުތަކަށް އެއްވާންވީ. މިރޭ ވެސް އެ ދަނީ ހަތަރު ސަރަހައްދެއްގައި އެއްވަމުން. އަދި 16 ވަނަ ދުވަހު އަޅުގަނޑުމެން އަޑު އިއްވާނަން. އިވޭ ވަރަށް އަޅުގަނޑުމެން އަޑު އިއްވާނަން. އެ ދުވަހު ރައްޔިތުން މާލެ އެރުމަށް އަޅުގަނޑުމެން މި ގޮވާލަނީ. މިހާރު ވެސް އެބަ ރައްޔިތުން ޖަމާވޭ

ވެރިކަން ފެށުނު އިރު ޔާމީނު އަތުގައި ހުރިހާ ބާރުތަކެއް އޮތް. ނަމަވެސް އެ ބާރުތައް ގެއްލިގެން ދިޔައީ ގާނޫނުއަސާސީ އާއި ގާނޫނުތަކުގެ ބޭރުން ވެރިކަން ކުރަން ފެށުމުން

ރައްޔިތުންގެ ތާއީދު ނެތްކަން އެބަ އެނގޭ. ރައްޔިތުންގެ ތާއީދު ނެތި ވެރިކަމަކު ނުހުރެވޭނެ. ވެރިކަން ފެށިގެން އަންނަނީ ރައްޔިތުންގެ ކިބައިން. އެހެން ވީމާ އަޅުގަނޑު މި ގޮވާލަނީ ރައްޔިތުންނަށް ރައްޔިތުން ނުރުހޭކަން އެބަ ދައްކަންޖެހެއޭ

އަޅުގަނޑު ވެސް ގަބޫލުކުރަން މެންބަރެއްގެ ގޮނޑިއާ މެދު ސުވާލު އުފެދޭ ކަމެއް މެދުވެރިވެދާނެ. އެކަމަކު އެފަދަ ހާލަތެއްގައި އެކަން ނިންމާނީ ސުޕްރީމް ކޯޓުން ކަމަށް ގާނޫނުއަސާސީގައި އެބަ އޮތް. އެހެން އެ ގޮތުގައި އޮއްވައި އިލެކްޝަންސް ކޮމިޝަނަކަށް ކަނޑައެޅުމުގެ ފުރުސަތެއް ނޯންނާނެ. އެއްވެސް މެންބަރެއްގެ ގޮނޑިއެއް ނުގެއްލޭނެ. 1 ފެބްރުއަރީގެ ހުކުމުން ވެސް އެކަން ވަރަށް ސާފު

މެންބަރުން ހުށަހަޅާފައިވާ މައްސަލަތައް އަދިވެސް އެހުރީ ސުޕްރީމް ކޯޓުގައި. އެ މައްސަލަތަކާ މެދު ގޮތެއް ކަނޑައެއް ނާޅާ. ސުޕްރީމް ކޯޓުގައި މައްސަލައެއް އޮއްވައި، އެ މައްސަލައާ މެދު ފައިސަލާ ނުކޮށް އުޅެނިކޮށް މަޖިލީހަކަށް ހުކުމެއް ކަނޑައެއް ނޭޅޭނެ

ވަރަށް ޞަރީހަ އިބާރާތުން އޮވޭ ގާނޫނެއް ނުހެދޭނެކަން ކުރިން ހިނގާފައިވާ ކަމެއްގެ މައްޗަށް އަމަލުކުރެވޭ ގޮތަށް. އަދަބެއް ނުދެވޭނެ ކުރިން ކޮށްފައިވާ ކުށަކަށް ފަހުން ހަދާ ގާނޫނަކުން. އަޅުގަނޑުމެން ކުށެއް ކޮށްފައެއް ނުވޭ. ކުށަކަށް ވާ ނަމަ އެއީ މަޖިލީހުގެ ރައީސް ކަމުން އަބްދުﷲ މަސީހް ވަކިކުރަން ހުށަހެޅުން. އެކަން އަޅުގަނޑުމެން ކުރީ އެ ބުނާ ތާރީހުގެ ފަހުން. އެ ގޮތަށް ވަކިކުރާ ނަމަ ވާނީ ރީކޯ މޫސަ. މޫސަ ޕީޕީއެމް އަށް ސޮއިކުރީ އެ ތާރީހުގެ ފަހުން

މިއަދު އެ ފާސްކުރި ބިލްގައި އޮތް ގޮތުން ވެސް މެންބަރުން ނަށް އަދިވެސް ސަލާމަތް ވެގެން އާދެވިދާނެ. އެ ބިލްގައި އޮތީ 13 ފެބްރުއަރީ ގެ ފަހުން ހިނގާ ކަންކަން ކަމަށް ބަލާނީ. ގާނޫނުއަސާސީއާ ހިލާފަށް ފާސްކޮށްފައި އޮތް ގާނޫނަށް ބަލާއިރު ވެސް އަޅުގަނޑުމެންގެ ގޮނޑިއެއް ނުގެއްލޭ. އަޅުގަނޑުމެންގެ 12 މެންބަރުންނަކީ އެ ތާރީހުގެ ކުރިން ޕާޓީތަކުން ވަކިކޮށްފައި އަދި އަނެއްބައި މެންބަރުން އަމިއްލަ އަށް ވަކިވެފައި. ޕީޕިއެމްގެ އަސާސީ ގަވާއިދުގައި އޮވޭ މެންބަރަކު މެންބަރު ކަމުން ވަކިވާން އެދި ސިޓީލުމުން ވަކިވީ ކަމަށް

ނިހާނުމެއް ހީކޮށްފާނެ މިއަދު މިގޮތަށް ކަންތައް ކުރިޔަސް މާދަމާ އެހެން ވެރިއަކު އައުމުން ކޮޅު ބަދަލުކޮށްލުމުން ކުރިން ވެސް ކަން ވެފައިވާ ގޮތަށް ހިމާޔަތް ލިބިދާނެ ކަމަށް. ނޫން އެހެނެއް ނުވާނެ. މިއަދު އެ ގޮތަށް ކަންކުރާ ފަރާތްތަކަށް މާދަމާ ހިމާޔަތެއް ނުލިބޭނެ

މެންބަރުން އެބަ ވިދާޅުވޭ ތިމަންނަމެން ބޭނުމެއް ނޫނޭ އަމީތުމެންނަށް އަނިޔާއެއް ދޭކަށް. ނަމަވެސް އެ ދެއްވީ އަނިޔާ. ބަޔަކަށް އަނިޔާ ދޭކަށް މަޖިލިސް މެންބަރުންނަށް މަޖުބޫރެއް ނުކުރެވޭނެ. އެ ކުރައްވާ ކަމެއް އެ ކުރައްވަނީ އަމިއްލަ އިހްތިޔާރުގައި

ފާރިސްއާ ދެކޮޅަށް ހެކި ބަސް ދޭން ދައުލަތުން ހުށަހެޅި ފަރާތަށް ނުކެރުނު ހުވާކުރައްވައި ދޮގު ހައްދަވާކަށް. އެ ހިސާބުން ފާރިސް އެބަޖެހޭ މިނިވަން ކުރަން.