ފަލަސުރުހީ - އެމްޑީޕީގެ ޤައުމީ މަޖިލީސް

ހިޔާލުތަކަށް ބެލުމަށްފަހުގައި، އެކަންކަމާއި ގުޅޭގޮތުން ކަންކަން ނިންމާނެ. އަދި ކޮމެޓީންވެސް ހިޔާލުތަކަށް ބަލާނެ.

އަޅުގަނޑުމެން ގަދަޔަށް މުޒާހަރާކުރަންޖެހޭ. އަޅުގަނޑުމެން އެ އަތޮޅަށް ގޮސް އެ ބެފުޅުންނަށް ހިތްވަރުދޭންޖެހޭ. ހިތްވަރުދީގެން މިކަން ވަރަށް ބާރަށް ކުރިއަށްގެންދަންޖެހޭ.

މިއަދު އަޅުގަނޑުމެންނަށް މި އަޑު އިވެނީ ފ. އަތޮޅު ސައުދީއަށް ވިއްކާލާ ވާހަކަ. މިއީ ފެށުމެއް ކަމަށް އަޅުގަނޑުމެން ގަބޫލުކުރަންޖެހޭ. މިއީ ވަރަށް ނުރައްކާތެރި ފެށުމެއް. އަދި ވަކިން ހާއްސަ ގޮތެއްގައި ސައުދީއަށް ކަމަށް ބުނެ އޮޅުވާލައިގެން ކުރާ ކަމެއް މިއީ. މިކަމަކަށް އަޅުގަނޑުމެން އަޅާނުލާ ތިބެއްޖެނަމަ ކުރިއަށް އޮތްތަނުގައި ވަރަށް ނުރައްކާތެރިކަމެއް ކުރިމަތިވާނެ.

ރައީސް މައުމޫނާއި ރައީސް މުހައްމަދު ނަޝީދުގެ ސަރުކާރުގައި ނޫނީ އެއްވެސް ފޮރިންގ އިންވެސްޓްމެންޓެއް އައިސްފައެއް ނުވޭ. ރައީސް މައުމޫނުގެ ދައުރުގައި ދިރާގާއި އެމްއޭސީއެލް ފަދަ ތަންތަން އެބަހުރި. ރައީސް ނަޝީދުގެ ވެރިކަމުގައި ޖީއެމްއާރާއި، ޓާތަ ފްލެޓްސްތައް އެބަހުރި. މި ސަރުކާރުގައި އެއްވެސް އިންވެސްޓަރަކު ނާދޭ. މި ސަރުކަރުން އިންވެސްޓަރުން އަންނަ ކަމަށް ބުނެ ދައްކާފައިވަނީ މުޅި ދޮގު ވާހަކައެއް.

ދުނިޔޭގެ މިއަދު އިލިރަސްގެފާނުވެސް ބޮޑުތަކުރުފާނުވެސް ހުންނެވި ނަމަ ވަރަށް ދެރަވާނެ. އެ ބޭފުޅުން އެ ބުރަ މަސައްކަތް ކުރެއްވިއިރު، މިއަދު މި ފެންނަނީ ދިވެހިރާއްޖޭގެ ބިންތައް ވިއްކަމުގެންދާ މަންޒަރު. މިއީ އަޅުގަނޑުމެން ވަރަށް ލަދު ގަންނަންޖެހޭ ކަމެއް. މިކަމަކި ލަދު ގަންނަ ކަމަކަށަވނީ ބޭރުގެ އެތަށް ޤައުމަކުން ބިންތައް ހޯދުމަށް ބޮޑެތި ހަނގުރާމަތައް ކުރަމުންގެންދާއިރު، އަޅުގަނޑުމެން ޤައުމުން މި ފެންނަނީ ބިންތައް ވިއްކަމުންގެންދާ މަންޒަރު.

އަޅުގަނޑުމެންނަށް ފެންނަނީ ކުރިއަށް އޮތް ޖީލިތަކަށް އެއްވެސް އެއްޗެއް ސަރުކަރުން ނުބާއްވާތަން. ހުރިހާ އެއްޗެއް ވިއްކާލާތަން ފެންނަނީ. އެކަމުގައި ރައްޔިތުން ވަރަށް ކަންބޮޑުވޭ.

އެމްޑީޕީއަކީ ރައްޔިތުންގެ ވިންދާއެކުގައި މަސައްކަތްކުރާ ޕާޓީއެއް. އެހެންކަމުން ރައްޔިތުންގެ ހުރި ކަންބޮޑވުންތަކާއެކުގައި، ރައްޔިތުނާއި ގާތުން އަޅުގަނޑުމެން މަސައްކަތްކުރަންޖެހޭ. އަޅުގަނޑާއި ދިމާވި ކޮންމެ މީހަކުވެސް މިކަމުގެ ކަންބޮޑުވުން އެބަ ފާހަގަކުރޭ. މިއަދުވެސް އަޅުގަނޑާއި ދިމާވި މީހަކު އެކަމުގެ ކަންބޮޑުވުން ވަނީ ފާޅުކޮށްފަ. އަޅުގަނޑަށް ފެންނަގޮތަކީ ބޮޑު ކެމްޕޭނެއް ހިންގުން. އޭގެ ތެރޭގައި އިންޓަނޭޝަން މީޑިއާވެސް ހިމެނޭގޮތަށް.

ޤާނޫނު އަސާސީއަށް ގެނެވުނު އިސްލާހުގައި ބުނެފައިވޭ އެކަމަށްޓަކައި ޤާނޫނެއް ފާސްކުރަންޖެހޭ ކަމަށް. މިހާރު ރައްޔިތުންގެ މަޖިލީހުގެ ކަންތައްތައް ހުރިގޮތަށް ބަލާއިރު، ކޮންމެ ފަދަ ގާނޫނެއްވެސް ފާސްކޮށްފާނެ. އެމްޑީޕީގެ ވެރިކަމެއްގައި މި ބިންތައް ނެގޭނެ ކަމަށް ކަނޑައަޅާ ގަރާރެއް ފަސްކުރަންޖެހޭ. އެމްޑީޕީގެ ސަރުކާރެއްގައި ނުވަތަ ވެރިކަމެއްގައި އެއްވެސް ބިމެއް ވިއްކުމަށް ފުރުސަތެއް ދިގެނެއް ނުވާނެ. އެކަމާއި ދެކޮޅަށް ކުރަންޖެހޭ ހުރިހާ ކަމެއް ކުރަންޖެހޭނެ. އެމްޑިޕީގެ ޤައުމީ މަޖިލީހުން ގަރާރެއް ފާސްކުރުން ނަމަވެސް އެކަންކުރަންޖެހޭނެ.

އަޅުގަނޑުމެން ވަރަށް ބޮޑު ކަންބޮޑުވުމެއް އެބައޮތް. ހަމައެކަނި ބަޔާނެއް ނެރިފަ ނިންމާލެވޭކަށް ނެތް. އަޅުގަނޑުމެން ވަރަށް ފުޅާ ދާއިރާއެއްގައި މިކަމާއި ދެކޮޅަށް މަސައްކަތްކުރަންޖެހޭނެ. މަގުމަތީ ހަރަކާތްތައްވެސް ކުރިއަށްގެންދަންޖެހޭނެ. ފ. އަތޮޅުގެ ރައްޔިތުންނަށްވެސް ކުރެވޭނެ ވަރަށް ގިން ކަންތައްތައް އެބަހުރި. އެކަންތައްތައް ކުރުމަށް އިސްނަގަންޖެހޭ ބަޔަކީވެސް އެމްޑީޕީ. އެމަޑިޕީއަކީ ރައްޔިތުންގެ އުއްމީދާއި ގުޅިފައިވާ ޕާޓީއެއް.

މިހަރު އަޅުގަނޑުމެންނަށް ފެންނަނީ، ސަރުކާރުން ފ. އަތޮޅު ވިއްކާލުމާއި ގުޅެގޮތުން އެއްވެސް މައުލޫމާތެއް ހިއްސާކުރަމުން ނުގެންދާ މަންޒަރު. ރައްޔިތުންނަނަށް ހުރިހާކަމެއް އޮޅުވާލުމަށް ސަރުކާރުން މަސައްކަތްކުރާ މަންޒަރު އަޅުގަނޑުމެންނަށް ފެންނަނީ. މިއީ ރާއްޖޭގެ ސިޔާދަތަށް ބޮޑެތި ގެއްލުންތަކެއްވާނެ ކަމެއް. މިކަމުގައި އެމްޑީޕީން މުހިންމު ފިޔަވަޅުތަކެއް އަޅަންޖެހޭ ކަމަށްވެސް އަޅުގަނޑު ގަބުލުކުރަން.

އެއްވެސް މިންވަރަކަށް، އެމްޑީޕީން ތާއީދުކުރިކަމެއް ނޫން، ރާއްޖޭގެ އެންމެ ވެލިފުކެއްވެސް ވިއްކާލުމަކީ. އެފަދަ ކަމަކަށް އެމްޑީޕީން ދުވަހަކުވެސް ތާއީދުކޮށްފައެއް ނުވާނެ. އެފަދަ ކަންކަމާއި ދެކޮޅަސް ކުރަންޖެހޭ ކަންތައްތައް ކުރަންޖެހޭ. އަޅުގަނޑުމެންނަށް ފެންނަނީ ނަމަވެސް ރައީސް ޔާމީންގެ ސަރުކާރުން ރާއްޖޭގެ ބިންތައް ވިއްކުމަށް މަސައްކަތްކުރުމަށް. ރައްޔިތުން ތިބީ ރާއްޖޭގެ ބިންތައް ވިއްކަން ބޭނުންވެގެންނެއް ނޫން. އެހެންކަމުން ރާއްޖޭގެ ރައްޔިތުންނާއިއެކުގައި އެމްޑީޕީ އަބަދުވެސް އޮންނަންޖެހޭނެ.

ޤާނޫނުތައް މިހާރުވާގޮތުން ރާއްޖޭގެ އެއްވެސް ސަރަހައްދެއް ވިއްކާލެވޭކަށެއް ނެތް. މިހާރު ޤާނޫނުތައް ހުރިގޮތުން އެކަން ނުކުރެވޭއިރު، އެކަން ކުރެވޭނީ ރައްޔިތުންގެ މަޖިލީހުން ޤާނޫނެއް ފާސްކޮށްގެން. ކިތަންމެ ބޮޑު އިންވެސްޓްމެންޓެއް އައިކަމުގައިވިނަމަވެސް އެކަން އެގޮތަކަށް ނުކުރެވޭނެ. އެކަން ކޮށްފިނަމަ އަޅުގަނޑުމެންނަށް ކޯޓަށްވެސް ދެވޭނެ. ރައްޔިތުން ހޭލުންތެރިވެސް ކުރެވޭނެ.

ޤަރާރަށް ތާއީދުކުރައްވާކަމަށް 39 މެމްބަރުން ވޯޓުދެއްވިއިރު، ތާއީދުނުކުރައްވާކަމަށް އެއްވެސް މެމްބަރަކު ވޯޓު ދެއްވާފައެއް ނުވެ އެވެ.

ޤަރާރައި ގުޅޭގޮތުން ވާހަކަދެއްކި ހުރިހާ މެމްބަރުންވެސް ޤަރާރަށް ތާއީދުކޮށްފައިވާއިރު، އިތުރު ބަހުސްއަކާއި ނުލާ ޤަރާރު ހުށައަޅާފައިވާގޮތަށް ފާސްކުރުމަށް އެމްޑީޕީގެ ޤައުމީ މަޖިލީހަސް ހުށައެޅުމުން، އެކަމަށް ވޯޓަށް އަހައިފި އެވެ. އަދި ކޮމެޓީގައި ހިމެނޭ މެމްބަރުންނަށްވެސް ވޯޓަށް އަހައިފި އެވެ.

އެމްޑީޕީގެ ޤައުމީ މަޖިލީހުގެ ޖަލްސާއަށް، އެމްޑީޕީގެ ނައިބް ރައީސް މުހައްމަދު ޝިފާޒް ޤަރާރެއް ހުށައަޅުއްވައިފި އެވެ. ޝިފާޒް ހުށައެޅުއްވި ޤަރާރުގައި ވަނީ ވެރިކަމުގެ ނިޒާމަށް ގެނެވޭނެ ބަދަލުތަކަކީ ކޮބައިތޯ ބެލުމަށާއި، އެކަމާއި ގުޅެގޮތުން މަޝްވަރާކުރުމަށެވެ. އަދި ވެރިކަމުގެ ނިޒާމް ބަދަލުކުރުމަށް ޤާނޫނުތަކަށާއި، ޤާނޫނު އަސާސީއަށް ގެންނަންޖެހޭ ބަދަލުތަކާއި ގުޅޭގޮތުން މަޝްވަރާކުރުމަށެވެ. އޭގެއިތުރުން ފ. އަތޮޅު ވިއްކާލުމާއި ގުޅޭގޮތުންވެސް ނިންމުންތައް ނިންމުމަށް ކޮމެޓީއެއް ކަނޑައެޅުމަށް ޤަރާރުގައި ހުށައަޅައިފައިވެއެވެ. ޤަރާރަށް ތާއީދުކުރައްވާފައިވަނީ ނޮޅިވަރަމް ދާއިރާގެ ރައީސް އިބްރާހިމް ވަހީދު އެވެ.

މިރޭގެ ފަލަސުރުހީ ޕްރޮގްރާމްގައި ގެނެސްދިނުމަށް ހަމަޖެހިފައިވަނީ އެމްޑީޕީ ޤައުމީ މަޖިލީހުގެ ކުއްލި ބައްދަލުވުން (ވަގުތުން) އެވެ.