ގުޅިފައިވާ ސިޔާސީ ޕާޓީތަކުގެ މުޒާހަރާ

އަޑުގަދަ ކުރާ ކުނޫޒް ސަރަހައްދުގައި ބޭނުން ކުރަން ފަށައިފި. އެއްވުމުގެ ބައިވެރިން ދަނީ ސަރުކާރުން ކުއްލި ނުރައްކަލުގެ ހާލަތު އުވާލައި ރައީސް ޔާމީންގެ އިސްތިއުފާ އަށް ގޮވާލަމުން

މުޒާހަރާގެ ބައިވެރިން އަދިވެސް ދަނީ ކުނޫޒް ސަރަހައްދުގައި ހަރަކާތްތެރިވަމުން.

މުޒާހަރާގެ ބައިވެރިން ދަނީ މާފަންނު ކުނޫޒް ސަރަހައްދަށް ޖަމާވަމުން

ފުލުހުން އިންޒާރު ދެމުންދަނީ ކުޅި ބަލަން ނުތިބެ އެ ސަރަހައްދު ދޫކޮށް މުޒާހަރާގެ ބައިވެރިން ދިޔުމަށް

އެމްޑީޕީ ހަރުގޭގެ އަޑުގަދަކުރާ ފުލުހުން ވަދެ ނިއްވާލައިފި

އެމްޑީޕީ ހަރުގެ ތެރެއަށް ފުލުހުން ވަދެއްެޖެ

މިޑީއާ ސްޓޭޖް މަތީގައި ތިބެ ނޫސްވެރިން ރިޕޯޓް ކުރުމަށް ފުލުހުންގެ މީޑިއާ ބޭފުޅުން ވަނީ އިލްތިމާސްކޮށްފައި

މުޒާހަރާގެ ބައިވެރިން ފައްސާލުމަށްޓަކައި ފުލުހުން މަސައްކަތް ކުރަމުންދަނީ. ފުލުހުން ވަނީ މުޒާހަރާގެ ބައިވެރިއަކަށް އަނިޔާވާ ގޮތަށް އަމަލުކޮށްފައި

މުޒާހަރާގެ ބައިވެރިން ދުރަށް ޖެއްސުމަށްޓަކައި ފުލުހުން ދުއްވައިގަނެއްޖެ

ފުލުހުން ވަނީ ބާރުގެ ބޭނުންކުރަން ފަށާފައި އަދި ނޮޅިވަރަމް ދާއިރާގެ މެންބަރު ޙުސައިން އަރީފް އެ ސަރަަހައްދުން ދުރަށް ޖައްސާފައި

މުޒާހަރާގެ ބައިވެރިން ފުލުހުން ވަނީ އެކަހެރިކޮށްފައި

މުޒާހަރާގެ ބައިވެރިން ދުރަށް ޖެއްސުމަށްޓަކައި ފުލުހުން މަސައްކަތް ފަށައިފި

ދިވެހިން އެދޭ ފަދަ ވެރިއަކަށް ރައީސް ޔާމީން ވެގެންނެއް ނުދޭ. ދިވެހި ސިފައިންނަށް ފުލުހުންނަށް ދަންނަވާލަން ބޭނުންވަނީ ރައީސް ޔާމީން ހައްޔަރުކުރާނީ ކޮންއިރަކުންތޯ؟ އިރާދުކުރެއްވިއްޔާ ކުރީގެ ރައީސް މައުމޫން އަދި އެހެންވެސް ސިޔާސީ ބޭފުޅުން އޮންނެވި ގޮޅީގައި ރައީސް ޔާމީން ވަރަށް އަވަހަށް ބާއްވާނަން. ދައުލަތުގެ ހުރިހާ ބާރުތައް މުށުތެރެއަށް ލައިގެން ނުހުރެވޭނެ އަބަދު. ރައްޔިތުން މަޖިލީސް ރައްކާތެރިކޮށް ބެލެހެއްޓުމަކީ ގައުމީ ސަލާމާތީ ހިދުމަތްތަކުގެ ވާޖިބެއް އެހެންނަމަވެސް އެ މަންޒަރު ފެނިގެނެއް ނުދޭ. އަޅުގަނޑުމެންގެ ގުޅިފައިވާ ސިޔާސީ ޕާޓީތަކުގެ އަތް މަތީގައި ރައްޔިތުން މަޖިލީހުގެ ފުލް މެޖޯރިޓީ އެބައޮތް. އަޅުގަނޑުމެން މި ވެރިކަން ގާނޫނު އަސާސީގެ މަތިން ހިމާޔަތްކުރާނަން. ރިޔާސީ އިންތިހާބަށް އަޅުގަނޑުމެންދާނީ ރައީސް ޔާމީން މަގާމުން ދުުރުކޮށްފައި. އަޅުގަނޑުމެން ލާރި އަކަށް ފައިސާ އަކަށް ނުގުޑާނެ ކަމަށް ޖުމްހޫރީ ޕާޓީގެ ސެކްރެޓަރީ ޖެނެރަލް އަހުމަދު ސަމީރު ވިދާޅުވި

މުޒާހަރާގައި ގިނަ އަދަދެއްގެ ރައްޔިތުން ވަނީ ބައިވެރިވެފައި

ފުލުހުން ދަނީ މުޒާހަރާ ކުރާ ސަރަހައްދަށް ޖަމާވަމުން

ކުއްލި ނުރައްކަލުގެ ހާލަތުގައި ހިޔާލުފާޅު ކުރުމުގެ މިނިވަންކަމާއި އެއްވެ އުޅުމުގެ މިނިވަންކަން ނުހިފެހެއްޓޭނެ ކަމަށް ޑރ. ހުސެއިން ވިދާޅުވި

ގިނަ އަދަދެއްގެ ރައްޔިތުން ވަނީ މުޒާހަރާގައި ބައިވެރިވެފައި

މުޒާހަރާ ފަށައިފި