ކުއްލި ނުރައްކަލުގެ ހާލަތު

ފުލުހުންގެ މުއައްސާސާގެ ހައިބަތާއި ކަރާމާތަށް އަންނަ ނިކަމެތިކަމާމެދު ދިވެހި ހުރިހާ ރައްޔިތުން ކަންބޮޑުވެވަޑައިގަންނަވާ. ގުޅިފައިވާ ޕާޓީތަކަކީ ސިއްރުން ކަންކަން ކުރައްވާ ބޭފުޅުންނެއް ނޫން. އަންގަވަން ޖެހޭ ހުރިހާ ފަރާތްތަކަށް ހަރަކާތެއް ހިންގާނަމަ އަންގާނަން. - އަހުމަދު އަބްދުﷲ

ޖެނެރަލް ޝިޔާމް ކުރެއްވިޔަސް ޣައިރު ގާނޫނީ އަމުރަށް ތަބާވެވަޑައިނުގަންނަވާ. ޣައިރު ގާނޫނީ އަމުރަށް ތަބާ ނުވުމުގެ ހައްގު ކޮންމެ ރައްޔިތަކަށް ގާނޫނު އަސާސީގެ ދަށުން ލިބިވަޑައިގެންފަވޭ. - އަހުމަދު އަބްދުﷲ

ރާއްޖެ ޓީވީގެ ހާއްސަ ކަވަރޭޖްގައި މިރޭ ބައިވެރިވެވަޑިގަންނަވަނީ އެމްޑީޕީގެ ޗެއާޕާސަން ނައިބް މާލީ އަހުމަދު އަބްދުﷲ

މިރޭގެ އިހުތިޖާޖު ވެސް އެމްޑީޕީ ހަރުގެ ކުރިމަތިން ވަނީ ފެށިފައި. ގިނަ އަދަދެއްގެ ރައްޔިތުން އަންނަނީ ބައިވެރިވަމުން 

އެމްޑީޕީ ހަރުގެ ކުރިމަތީގައި ކުރިޔަށްދާ އިހުތިޖާޖު

ބޭސް ވެއްދުމުގެ ދައްޗެއް ނެތް. އެކަމާއި ހަވާލުވެ ތިއްބަވާ އެކަން ކޮށްދެއްވަން ވަރަށް މަސައްކަތް ކުރައްވާ. ރައީސް މައޫމޫން ހުންނަވަނީ ވަކި ހާއްސަ ތަނެއްގަ އެއް ނޫން. ހުންނަވަނީ ސޮލިޓަރީ ކޮންފައިންމެންޓްގަ. އެއްވެސް މީހަކާ ބައްދަލު ވެސް ނުކުރެއްވޭ. 

މިއީ ވަކި ބަޔަކަށް އަމާޒުކޮށް ވަކި ބަޔަކު ގާނޫނާ ހިލާފަށް ކުރަމުންދާ ކަންކަން. ޣައިރު ގާނޫނީ އަމުރުތަކަށް ތަބާ ނުވުމަށް ގޮވާލަން. މިއީ ގާނޫނާ ހިލާފަށް ހިނގަމުންދާ ކަންކަން. 

ފާރިސް ހައްޔަރުކުރުމުގެ އަމުރު ނެރުނީ ކޮން ގާނޫނަކުން ކަމެއް ސާފެއް ނުވޭ. 

ތަހުގީގުގެ ބޭނުމަކީ ހަގީގަތް ދެނެގަތުން. މިހާރު މިހިނގާ ތަހުގީގުތަކުގެ ބޭނުމަކީ ރައީސް މައުމޫންގެ މައްޗަށް ޖިނާއީ ކުށެއް ސާބިތުކުރެއްވުން. މިއީ ގާނޫނު ދަންނަ ވައްތަރުގެ ތަހުގީގެއް ނޫން. - ގާނޫނީ ވަކީލު މައުމޫން ހަމީދު 

މަސައްކަތުގައި ދެމި ހުންނަވާނެ ކަމަށް ރައީސް މައުމޫން ވިދާޅުވި. ފަހަތަށް ޖެހިވަޑައިގަތުމުގެ ހިޔާލެއް ވެސް ނެތް ކަމަށް ވިދާޅުވި. މިއީ ގައުމީ މަސައްކަތެއް. 

އަޅުގަނޑުމެން އުފައްދާނެ ހެއްކެއް ވެސް ނޯންނާނެ. ހެއްކެއް އުފެއްދޭނީ ވެސް ފުލުހުންނަށް - ގާނޫނީ ވަކީލު ޝަމީމް

ގާނޫނާ އެއްގޮތަށް ކަންކަން ކުރައްވައިގެން އެއްވެސް ޝަކުވާއެއް ނުކުރާނަން. އެއްވެސް މައްސަލައެއް ވެސް ނުޖައްސާނަން. އެހެން ނަމަވެސް މިހާރު ހިންގަނީ ހުސް ގާނޫނާ ހިލާފް ކަންކަން. މިހާރު އެ އުޅުއްވަނީ ގާނޫނު އަސާސީ ދެކެ ބިރުން. - ގާނޫނީ ވަކީލު މައުމޫން ހަމީދު 

މުވައްކިލުންނަކީ ކުއްވެރިންގެ ގޮތުގައި ދެއްކުމަށް ވަރަށް ގިނަ ޕްރެސް ކޮންފަރެންސް ފުލުހުން ކުރިޔަށް އެބަގެންދޭ. މުހައްމަދު ނަދީމްއާ ސުވާލު ކޮށްފައެއް ވެސް ނުވޭ. ބައްދަލުވެސް ކޮށްފައެއް ނުވޭ. ހުރިހާ ތުހުމަތުތަކަށް ނަދީމް އިންކާރުކުރައްވާ. ކޯޓަށް ހާޒިރުނުކޮށް ހިންގާ ތަހުގީގަކީ ގާނޫނާ ހިލާފް ތަހުގީގެއް. - ގާނޫނީ ވަކީލު މޫސާ ސިރާޖް 

ކަޅު ފޮއްޓެއްގެ ވާހަކަ އެބަ ދައްކަވާ. އެކަމުގައި އެއްވެސް ހަގީގަތެއް އެކުލެވިގެން ނުވޭ. - ގާނޫނީ ވަކީލު ޝަމީމް

ކިތާބީ އެއްވެސް ހެއްކެއް ރައީސް މައުމޫންއާ ދެކޮޅަށް ނުހުންނާނެ ކަމުގެ ޔަގީންކަން އެމަނިކުފާނު ދެއްވި. ތަހުގީގަށް ސުވާލެެއް ވެސް އަހާފައެއް ނުވޭ. އެއްބާރުލުން ނުދޭ ކަމަށް ބުނެ ހައްދަވަނީ ދޮގު. އެއްބާރުލުން ދިނުމަށް ފުރުސަތު ވެސް ދީފައެއް ނުވޭ. - ގާނޫނީ ވަކީލު ޝަމީމް

އެއްވެސް ބޭފުޅަކާއި މިވަގުތާ ހަމަޔަށް ވެސް ސުވާލު ކުރެވިފައެެއް ނުވޭ. ސުވާލު ނުކޮށް ތަހުގީގަށް އެއްބާރުލުން ނުދޭ ކަމަށް ނުބުނެވޭނެ. - ގާނޫނީ ވަކީލު މައުމޫން ހަމީދު