ފަލަސުރުހީ

މި ސާކިއުލާއިން ސަރުކާރަށް ލިބުނީ ބޮޅެއް. ދުނިޔޭގެ އެކި ނޫސްތަކަށް މިކަން އަރައިފ. ޗައިނާއެއް ނޫން ދުނިޔޭގެ އެންމެ ބާރުގަދަ ގައުމެއް ނޫން. ރާއްޖެ ޗައިނާއަށް ބަރޯސާވެފައިވާ ކަމަށް ސިއްކަ ޖެހިގެންދާނެ. ރިޔާސީ އިންތިހާބު ނިމުމަށްފަހު ލާމަރުކަޒީ ނިޒާމު އަލުން އަނބުރާ އަންނާނެ.

މި ސާކިއުލާއާ ގުޅިގެން އެއްވެސް ބަޔަކު ބިރެއް ނުގަންނާނެ. މިއީ ލޯކަލް ކައުންސިލް އިންތިހާބުގައި ރައީސް ޔާމީން ބޭނުންވި ނަތީޖާ ނުނެރެވުމުން އެކަމަށް ބަދަލު ހިފުން. އެލްޖިއޭއަކީ އަދަބު ދޭ އިދާރާއެއް. މިފަހަކަށް އައިސް އެލްޖީއޭއިން ކުރަމުން އަންނަނީ ހުސް ފިޔަވަޅު އެޅުން. މެހެމާނުން ރަށަށް އައިމަ މެހެމާނުން ފަހައެއް ނުލާނެ. ދިވެހިންނަކީ ރަހުމަތްތެރި ބައެއް.

ރާއްޖޭގެ ކަންކަން ރަނގަޅު ކުރުމަށް ބޭރުގެ ޑިޕްލޮމެޓުން ވަރަށް ބޮޑު ޝައުގެއް ހުރޭ. ލޯކަލް ގަވާނެންސް ވަނީ ވަރަަށް ބޮޑަށް ފުޅާވެގެން ގޮސްފައި.

ޗައިނާއަށް ބަރޯސާވާ ގޮތަށް އެތަކެއް ކަމެއް ނިންމައިފި. ރާއްޖޭގެ ފޮރިން ޕޮލިސީއިން މި ފެންނަނީ ޗައިނާ އަތުގައި ހިފައިން ކުރިޔަށްދާ މަންޒަރު.

ޑިޕްލޮމެޓުންނާއި ބައްދަލުުކުރުން މަނާކުރަން އުޅެނީ އެމީހުން ކަމެއް ކޮށްދީފާނެތީ. ބޭނުންވަނީ ސަރުކާރުން ކޮށްދޭ ކަމެއް ނޫން އެހެން ކަމެއް ރަށްތަކަށް ނުކޮށްދޭން. މިފަދަ ކަންކަަމަކީ މުށުތެރެއަށް ހުރިހާ ކަމެއް ލުމަށް ކުރާ ކަންކަން

މިއީ ހުދުމުހުތާރު ވެރިކަމެއް. މިހާރު އިންތިހާބެއް އަންނައިރަށް އިދިކޮޅު ފަރާތްތައް ބިޑި އަޅުވާ. ލާމަރުކަޒީ ނިޒާމު ކުރިއެރުވުމަށް މަސައްކަތްތަކެއް ނުކުރޭ. މާރުކޭޓު ގޮޅި ވެސް ހިންގަނީ ސަރުކާރުން. ގާޑިޔާވެސް ހިންގަނީ ސަރުކާރުން.

ރާއްޖޭގެ ފޮރިން ޕޮލިސީގެ މައުލޫމާތު އެއްވެސް މީހަކަށް ނޭނގޭ. ޑިޕްލޮމެޓުންނަކީ ހުރިހާ މީހުންނާ ވެސް ވަރަށް ގާތް ގުޅުމެއް ބާއްވާ ބައެއް. ޑިޕްލޮމެޓުން ކައުންސިލްތަކާއި ބައްދަލުކުރަނީ ކައުންސިލްތަކަކީ ރައްޔިތުންނާއި އެންމެ ގާތުން މަސައްކަތް ކުރާ މީހުންނަށް ވާތީ.

ގާނޫނު އަސާސީއާ އެއްގޮތަށް އެއްވެސް ކަމެއް ނުހިނގާ. ލާމަރުކަޒީ ނިޒާމަކީ ރައީސުލްޖުމްހޫރިއްޔާ އެއްވެސް ވަރަކަށް ތާއިދު ކުރަށްވާ ނިޒާމެއް ނޫން.

މާލެ ސިޓީ ކައުންސިލްގެ ހުރިހާ ބާރެއް ވަނީ ނަގާފައި. ހުރިހާ ކަމެއް ނިންމަނީ މިނިސްޓްރީތަކުން. މިކަމުގެ ސަބަބުން އުފެދެނީ ހުސް ޝަކުވާ

ސަރުކާރުން މަސައްކަތްކުރަމުންދަނީ ލާމަރުކަޒީ ނިޒާމު ފުނޑާލުމަށް. ރައްޔިތުންގެ އުއްމީދުތައް ފުނޑާލަނީ ކައުންސިލަރުންނެއް ނޫން، އެކަން ކުރަނީ ސަރުކާރުން. ހުރިހާ ބާރެއް އޮތީ ހޯމް މިނިސްޓަރީގެ ދަށުގައި. ކައުންސިލްތައް ހިނގަނީ ރައީސް ޔާމީން ބޭނުންވާ ގޮތަށް. ރާއްޖެ މި ދަތުރުކުރަނީ މަރުކަޒީ ނިޒާމަކަށް.

ކައުންސިލްތައް ކޮންޓްރޯލް ކުރުމަށް މަސައްކަތް ކުރަމުން ދަނީ. މިއީ ޔުނިޓަރީ ދައުލަތެއްކަން ހުރިހާ ކައުންސިލްތަކަށް އެނގޭ. ކައުންސިލްތައް ހިނގަނީ ސަރުކާރު ހިނގާ ގޮތަކަށް ނޫން.

މި ސާކިއުލާއަކީ އެލްޖީއޭއިން ނެރުއްވި ސާކިއުލާއެއް ނޫން. މިއީ ހޯމް މިނިސްޓްރީގެ ނިންމެވުމެއް.