22:20
އެމްޑީޕީގެ ހިންގުން ވަރަށް ހަރުދަނާކަމާއެކު އެބަދޭ. ގުޅިފައިވާ ޕާޓީތަކުގެ ހަރަކާތްތަކުގެ ކުރިއަށްދާ ގޮތުން ސަރުކާރުން ޖެހިލުންވޭ. ފ.މަގޫދޫގައި މާދަމާ ރޭ ބާއްވާ ޖަލްސާއިން ސަރުކާރަށް ސިހުން ލިބިގެންދާނެ. މާދަމާ ވޯޓެއް ލިޔަސް މި ސަރުކާރު ބަލިކުރާނަން. ފްރީ ޓްރޭޑް އެއްބަސްވުމުގެ ނަމުގައި ކުރިއަށްދާ ހަރަކާތައް ދިވެހިން ނޫނެކޭ ބުނަން ޖެހޭ.
7 ޑިސެންބަރ 2017 | ބުރާސްފަތި 22:20
22:16
އައިހެވަން ޕްރޮޖެކްޓް މި ސަރުކާރުގައި ކުރިއަށް ގެންދާނެ ކަމަށް ގަބޫލެއް ނުކުރެވޭ. އެމްޑީޕީ ސަރުކާރަށް ފްލެޓް އެޅުނީ އެކަން ކުރާނެ ގޮތްރޭވި ހިންގަމުން ދިޔައީމަ. ރައްޔިތުންނަށް އިހްތިރާމް ކުރުމުގެ ސިފަ މި ސަރުކާރުގައި ނެތް.
7 ޑިސެންބަރ 2017 | ބުރާސްފަތި 22:16
22:13
އިތުރު ފަސް އަހަރު އިތުރަށް 500 މިލިއަން ރުފިޔާ ދަރުވާލާފާނެ ކަމާމެދު ޝައްކެތް ނުކުރަން. ފާއިތުވި ހަތަރު އަހަރަކީ ރައްޔިތުން އެންމެ ނިކަމެތިވި ހަތަރު އަހަރު. ރައްޔިތުން އިތުރު ފަސް އަހަރު މި ސަރުކާރަށް ދޭން ބުނުމަކީ މޮޔަ ވާހަކަ އެއް.
7 ޑިސެންބަރ 2017 | ބުރާސްފަތި 22:13
22:09
2008 ފެށިގެން ރާއްޖޭގައި ވެރިކަމުން އައީ ވަރަށް ވަރުގަދަ ސިޔާސަތުތަކަކާއެކު. އެކަމު މިހާރު ދަނީ ތަރައްގީގެ ނަމުގައި ރާއްޖޭގެ ކުންފުނިތައް ބަނގުރޫޓު ކުރަމުން. ގައުމު ވިއްކާލަނީ ކުންފުނިތަކަށް ޓަވަރުއަޅަން ވެގެން. ކުންފުނިތަކުގައި އެވަރުގެ ފެންވަރެއް ނެތް. މި ސަރުކާރުން ބިންގާ އަޅައިގެން އެޅި ފްލެޓްތަކެއްގައި މީހުން ދިރިއުޅެން ފެށިތޯ ސުވާލު އުފައްދަން ޖެހޭ.
7 ޑިސެންބަރ 2017 | ބުރާސްފަތި 22:09
22:00
ބައެއް މީހުން ފިހާރަތައް ބަންދުކުރާ ހިސާބަށް ގޮސްފި. ލިބޭ އެއްޗަކުން ދެކޮޅު ނުޖެހޭ ކަމަށް ބުނާ މީހުން ގިނަވެއްޖެ. މި ސަރުކާރުން ވަޒީފާތަކެއް އިތުރު ވެގެނެއް ނުދޭ. އެސްއީޒެޑްގެ ގާނޫނާއެކުވެސް ރާއްޖެއަށް އިންވެސްޓަރަކު ނާދެ. އެސްއީޒެޑްގެ ސަބަބުން ރާއްޖެއަށް ކުރިއެރުވުމެއް ނުލިބޭ. ހުސް ތާކުން ތާކުން ނުޖެހޭ ވާހަކަ ދައްކައި ދިވެހި ހަޒާނާއަށް ހިތިހުރި ގޮތަކަށް ހަދަނީ. ޗައިނާއެކު ވެފައިވާ ފްރީ ޓްރޭޑް އެއްބަސްވުމުގެ ސަބަބުން ކުދި ވިޔަފާރިތަކާއި މަސްވެރިކަމާއި ފަތުރުވެރިކަމަށް ވާނެ ގޮތާއިމެދު ވިސްނަން ޖެހޭ.
7 ޑިސެންބަރ 2017 | ބުރާސްފަތި 22:00
21:52
ގައުމު އިގުތިސާދީ އަނދަވަޅަކަށް ވައްޓާލައިފި. މިއީ މިނިވަން ގައުމެކޭ ނުބުނެވޭ ހިސާބަށް ގޮސްފި. ކުރީ ސަރުކާރުގެ ލޯނުތައް ދެއްކުމަށް ކަމަށް ބުނާ ވާހަކައަކީ ހަގީގަތެއް ނޫން. އެއީ ހަގީގަތެއް ނަމަ މިހާރު މި ސަރުކާރުގެ ލޯނުގެ ގޮތުގައި އޮންނަން ޖެހޭނީ އެއް ބިލިއަން ރުފިޔާ.
7 ޑިސެންބަރ 2017 | ބުރާސްފަތި 21:52