ފަލަސުރުހީ

އިންސާފުވެރި ޝަރީއަތެއް ނުލިބޭ މަރުގެ މައްސަލަތަކުގައި އެ މައްސަލަތައް ނުބަލާ ސަރުކާރުން އުޅެނީ ސިޔާސީ މީހުންގެ ފަހަތުން ދުވަން ކަމަށާއި މި ސަރުކާރުން ފެނިގެންދަނީ އިންސާފުވެރިކަން ދުވަހެއް ދުވަހަކަށް ނެތިގެންދާ މަންޒަރުކަމަށް ޔުމްނާ ވިދާޅުވި.

މީހުން މެރުމުންވެސް އެކަމުގައި ޔާމީންގެ ސަރުކާރުން އިންސާފެއް ނުލިބޭ. އެންމެ ފުރަތަމަ މީހުން މެރުމުގެ ކަންތައްތައް މި ޤައުމުގައި ފެށުނީ ޑރ. އަފްރާޝީމް މަރާލެވުނު ހިސާބުން. މީހުން ޙައްޤުތައް ހޯދަން އަޑު އުފުލާއިރު އެކަންތައްތަކަށްވެސް އަޅާނުލާ މި ސަރުކާރުން. ރާއްޖޭގެ މާރާމާރި ގިނަ ވުމަކީ ވިސްނަން ޖެހޭ ނުރައްކާތެރި ކަމެއް ކަމަށް މުހައްމަދު ހަމީދު ވިދާޅުވި.  

ރޮހިންޖާ މުސްލިމުންނަށް އެހީތެރިވުމަށްޓަކައި ސަރުކާރުން ފަންޑު ރެއިޒިން އިވެންޓުތައް ކުރިއަށް ގެންދާއިރު ސަރުކާރުގެ އިހްލާސްތެރިކަމާއި މެދު ސުވާލު އުފެދޭ ސަބަބަކީ ސަރުކާރުން އދގެ ވޯޓްގައި ބައިވެރިނުވުން ކަމުގައި ޔުމްނާ ވިދާޅުވި.

ކޮންމެ މީހަކަށްވެސް އަނިޔާ ލިބޭ ވަގުތު ހުއްޓުވަން މަސައްކަތް ނުކުރާ ކަމުގައި ވާނަމަ އެއީ އާދައިގެ ކަންތައްތަކަށް ޤަބޫލު ކުރެވެން ފަށާނެ ކަމަށާއި ސަރުކާރުން އަސްކަރިއްޔާއަށް ހިތްވަރު ދޭ ކަމުގައި ވާނަމަ އަނިޔާވެރިކަން އިންތިހާއަށް ދޭނެ ކަމަށް ޔުމްނާ ވިދާޅުވި.

މިޔަންމާގެ މިލިޓަރީ ސިފައިން މަސައްކަތް ކުރަމުންދަނީ ރޮހިންޖާ މުސްލިމުންގެ ނަސްލު ނައްތާލުމަށް ކަމަށް ޔުމްނާ ވިދާޅުވި.

ރޮހިންޖާ މުސްލިމުންނަކީ ވަރަށް ނިކަމެތި ފަޤީރު ބައެއް. އެމީހުންގެ އަސާސީ ޙައްޤުތައް ވަނީ ނިގުޅައިގަނެވިފައި ކަމަށް މުހައްމަދު ހަމީދު ވިދާޅުވި

ދިވެހިން ރައްޔިތުންގެ ޝުއޫރުތަކާއި އިހުސާސުތައް ހުރި ގޮތަށް އިހްތިރާމް ކުރާނަމަ ސަރުކާރުން އދގެ ވޯޓުގައި ބައިވެރިވާނެ ކަމަށް ޔުމްނާ ވިދާޅުވި.

އެއްވުމުގެ މަޤްސަދަކީ ރޮހިންޖާ މުސްލިމުންނަށް ލާއިންސާނީ އަނިޔާ ލިބެމުންދާތީ އެކަމާއި ދެކޮޅަށް އަޑުއުފުލުމާއި ދިވެހިން ތިބީ ރޮހިންޖާ މުސްލިމުންނާއި އެކީ ކަން ހާމަކުރުން ކަމަށް ޔުމްނާ ވިދާޅުވި.

މިރޭގެ ފަލަސުރުހީ ޕްރޮގްރާމްގެ މެހުމާނުންނަކީ، ޕީޕީއެމްގެ ކައުންސިލް މެމްބަރު ޔުމްނާ މައުމޫން އާއި ޖެޕީގެ ކައުންސިލް މެމްބަރު މުހައްމަދު ހަމީދު. މިރޭގެ ޕްރޮގްރާމްގައި ވާހަކަ ދައްކާނީ އިދިކޮޅު ޕާޓީތަކުން ބާއްވާ ބޮޑު އެއްވުމާއި ގުޅޭގޮތުން