އިންތިހާބަކީ މިނިވަން، އިންސާފުވެރި އިންތިހާބެއް: އޮބްޒާވަރުން
7 މެއި 2017 | އާދީއްތަ 20:40ނިމިގެން ދިޔައީ މިނިވަން އިންސާފުވެރިން އިންތިބެއް
ބޭރުގެ އޮބްޒާވަރުން ބޭއްވި ޕްރެސް ކޮންފަރެންސް
ނިމިގެންދިޔަ ލޯކަލް ކައުންސިލް އިންތިޚާބަކީ މިނިވަން އިންސާފުވެރިން އިންތިޚާބެއް ކަމަށާއި އިންތިޚާބުގެ ކަންކަން ދިޔައީ އަމާކޮށްކަމަށް އިންތިޚާބު އޮބްޒާވްކުރެއްވި ބައިނަލްއަޤުވާމީ އޮބްޒާވަރުން ވިދާޅުވެއްޖެއެވެ.
އާދީއްތަ ދުވަހުގެރޭ، އިލެކްޝަންސް ކޮމިޝަންގެ އިންތިޚާބީ ސެންޓަރުގައި ބޭއްވި ނޫސްވެރިންގެ ބައްދަލުވުގައި އޮބްޒާވަރުން ވިދާޅުވީ އިންތިޚާބުގެ ކަންކަން ދިޔައީ އުސޫލުތަކުގެ ތެރެއިން، އަމާންކޮށް ކަމަށެވެ.
މި އިންތިޚާބު އޮބްޒަރވް ކުރެއްވި، ބޮސްނިއާގެ ސެންޓްރަލް އިލެކްޝަން ކޮމިޝަންގެ ރައީސް ޑރ. އައިރީނާ ހަޒިއަބްޑިކް ވިދާޅުވީ، އިންތިޚާބުގެ ނަތީޖާއާއި މެދު ހިތްހަމަނުޖެހޭ ފަރާތްތަކަށް ނަތީޖާތައް އިސްތިއުނާފަށް ހުށަހެޅުމުގެ ފުރުސަތު ލިބިފައިވާ ކަމަށާއި، ޕާޓީތަކާއި، ކެނޑިޑޭޓުންނާއި ސަޕޯޓަރުން އެ އުސޫލުތަކަށް އަމަލުކުރައްވާނޭ ކަމަށް އުންމީދު ކުރައްވާ ކަމަށެވެ.
އިންތިހާބުގެ ވަގުތު އިތުރުކުރުމަށް އިލެކްޝަންސް ކޮމިޝަންސް އިން ނިންމި ނިންމުމަކީ އެވަގުތަށް އެންމެ އެކަށީގެންވާ ނިންމުމެއް ކަމަށް ޑރ. އައިރީނާ ވަނީ ސިފަކުރައްވާފައެވެ. ލަންކާގެ އިލެކްޝަންސް ކޮމިޝަންގެ ސެކެޓްރީ ތިލަކްސިރީ ޑިއްސަނަޔަކަ ހެރަތު ވިދާޅުވީ، އެއްވެސް އިންތިހާބަކީ އެންމެ ފުރިހަމައަށް ހިނގާނޭ އިންތިހާބެއް ނޫންކަމަށެވެ.
ބޭރުގެ އޮބްޒާވަރުން ލޯކަލް ކައުންސިލް އިންތިޚާބު މިނިވަންކަމަށް ނިންމި ކަމުގައިވީ ނަމަވެސް، އިދިކޮޅު ފަރާތްތަކުން ވަނީ އިންތިހާބަކީ މިނިވަން އިންތިހާބެއް ނޫންކަމަށް ބުނެފައެވެ.
