އައްޑޫ ސިޓީ ކައުންސިލްގެ 7 ގޮނޑި އެމްޑީޕީން ވަނީ ކާމިޔާބުކޮށްފަ
އައްޑޫ ސިޓީ ކައުންސިލްގެ ހިތަދޫ އުތުރު ދާއިރާއަށް އިންތިޚާބުވި އަބްދުﷲ ސާދިގު (ސޯބެ) އިންތިޚާބު ކާމިޔާބު ކުރެއްވުމާއި ގުޅިގެން އުފާފާޅުކުރަނީ
ހޮނިހިރު ދުވަހު ބޭއްވި ލޯކަލް ކައުންސިލް އިންތިޚާބުގައި ރާއްޖޭގައި އެންމެ ފުރަތަމަ އުފެދުނު ދެ ސިޓީއިން ސަރުކާރަށް ނޫނެކޭ ބުނެފިއެވެ.
އިންތިޚާބުގެ ވަގުތީ ނަތީޖާ ނެރެން ފަށާފައިވާއިރު، މިހާތަނަށް ގުނާ ނިމުނު ވޯޓުފޮށިތަކާއި ނުގުނައިވާ ފޮށިތަކަށް ވޯޓުލީ މީހުންގެ ނިސްބަތަށް ބަލާއިރު، އައްޑު ސިޓީ ކައުންސިލްގެ 7 ގޮނޑި އާއި، މާލޭ ސިޓީ ކައުންސިލްގެ 13 ގޮނޑީގެ ތެރެއިން 12 ގޮނޑި އެމްޑީޕީއަށް ވަނީ ކަށަވަރުވެފައެވެ.
މާލެ ސިޓީއިން އެމްޑީޕީއަށް ކަށަވަރު ނުވަނީ، ހެންވޭރު އުތުރު ދާއިރާއެވެ. އެ ދާއިރާއަށް އެމްޑީޕީގެ ފަރާތުން ވާދަކުރެއްވި ހަމްޒާ ހަސަން ވަނީ، އިންތިޚާބާއި ގާތްވެފައި ވަނިކޮށް، އެ ދާއިރާއަށް ސަރުކާރުގެ ފަރާތުން ވާދަ ކުރެއްވި ޑީއާރްޕީގެ ކެނޑިޑޭޓަށް ތާއީދު ކުރައްވަން ނިންމަވައި، ސަރުކާރު ހިންގާ ޕީޕީއެމްއަށް ސޮއިކުރައްވާފައެވެ. ނަމަވެސް ވޯޓު ކަރުދާހުގައި ހަމްޒާގެ ނަން ހިމަނާފައިވަނީ އެމްޑިޕީގެ ކެނޑިޑޭޓްގެ ގޮތުގައެވެ.
މާލޭ ސިޓީ ކައުންސިލްގެ ދާއިރާތައް ކާމިޔާބު ކުރެއްވި ކެނޑިޑޭޓުން:
އައްޑޫ ސިޓީ ކައުންސިލްގެ ދާއިރާތައް ކާމިޔާބު ކުރެއްވި ކެނޑިޑޭޓުން:
އެމްޑީޕީއިން މި ދެ ކައުންސިލަށް ހޮވުނު ބައެއް ކެނޑިޑޭޓުންނަކީ، ރައްޔިތުންގެ މަޖިލީހުގައި ޕީޕީއެމްގެ ނަގާކިޔޭ ފަރާތްތައް ތަމްޞީލްކުރާ ދާއިރާތަކުން އިންތިޚާބުވި ފަރާތްތަކެވެ. އަދި މީގެ ތެރެއިން ބައެއް ކެނޑިޑޭޓުންނަކީ ކައުންސިލްގެ ދެވަނަ ދައުރަށް ހޮވުނު ކެނޑިޑޭޓުންނަށް ވާއިރު، އައްޑޫ ސިޓީ ކައުންސިލްގެ ހިތަދޫ އުތުރު ދާއިރާއަށް އިންތިޚާބުވި އަބްދުﷲ ސާދިގު (ސޯބެ) ކައުންސިލަށް އިންތިޚާބުވި މިއީ 3 ވަނަ ދައުރެވެ. ސޯބެ ވަނީ ވޭތުވެ ދިޔަ ދެ ދައުރުގައި އައްޑޫ ސިޓީގެ މޭޔަރުކަންވެސް ކުރައްވާފައެވެ.
