ހަނދު ފެނިއްޖެނަމަ މާލޭގައި ބަޑި ޖެހުމުގެ ހަރަކާތެއް ކުރިއަށްދާނެ: އެމްއެންޑީއެފް
ބަޑިޖެހުމުގެ ރަސްމިއްޔާތު ޖުމްހޫރީ މައިދާނުގައި އޮންނާނެ
މީގެ ކުރީ އަހަރެއްގައި ހަނދު ފެނުމާއި ގުޅިގެން އެމްއެންޑީއެފުން ބަޑި ޖަހަނީ
ހަނދު ފެނިއްޖެނަމަ މާލޭގައި ބަޑި ޖެހުމުގެ ހަރަކާތެއް ކުރިއަށްދާނެކަމަށް އެމްއެންޑީއެފް ބުނެފި އެވެ.
އެމްއެންޑީއެފުން ބުނީ ހަނދު ސާބިތުކުރުމަށް ބާއްވާ ޖަލްސާގައި ހަނދު ސާބިތުވެއްޖެކަމަށް ނިންމައިފިނަމަ ބަޑިޖެހުމުގެ ރަސްމިއްޔާތު ޖުމްހޫރީ މައިދާނުގައި އޮންނާނެ ކަމަށެވެ.
ފާއިތުވި އަހަރު ތަކެކޭވެސް އެއްފަދައިން މިއަހަރުވެސް ރަމަޟާންމަހުގެ ހަނދު ސާބިތުކުރުމަށް ރަމަޟާންމަހުގެ ހަނދު ދުށްމީހަކު ނުވަތަ ބަޔަކު ހެކިބަސް ދިނުން އަންނަ އާދީއްްތަ ދުވަހުގެ ރޭ ބާއްވާ ގޮތަށް ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން ވަނީ ނިންމާފައެވެ.
ޑީޖޭއޭއިން ބުނީ 1442 ވަނަ އަހަރުގެ ރަމަޟާން މަހުގެ ހަނދު ބެލުން، ފާއިތުވި އަހަރު ތަކެކޭވެސް އެއްފަދައިން މިއަހަރުވެސް ރަމަޟާންމަހުގެ ހަނދު ސާބިތުކުރުމަށްޓަކައި މިއަހަރުގެ ރަމަޟާންމަހުގެ ހަނދު ދުށްމީހަކު ނުވަތަ ބަޔަކު ހެކިބަސް ދެވެނޭ އިންތިޒާމު، ރަށުގައި ނަމަ، މެޖިސްޓްރޭޓް ކޯޓުގައި އަދި މާލޭގައިނަމަ ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަންގައި ހަމަޖެހިފައިވާ ކަމަށެވެ.
ކަލަންޑަރު ބުނާގޮތުން ރޯދަމަހުގެ ފުރަތަމަ ދުވަހަކީ މި މަހުގެ 13 ވަނަ ދުވަހު އެވެ.
