ރައްޔިތުންގެ މަޖިލީހުގެ އިދާރާގައި ރެސްޓޯރަންޓު/ކެފޭ އެއް ހިންގުމަށް ބީލަން ހުށަހެޅުމަށް ޢާންމުކޮށް ހުޅުވާލައިފިއެވެ.
މިއީ ރެސްޓޯރެންޓް ހިންގާނެ ފަރާތެއް ހޯދުމަށް އިއުލާންކުރި ދެވަނަ ފަހަރެވެ. އެކަމާއި ގުޅިގެން މަޖިލީހުގެ އިދާރާއިން ކޮށްފައިވާ އިއުލާނެއްގައި ބުނެފައިވަނީ މިކަމަށް އެދި ހުށަހެޅުމަށް 2020 ވަނަ އަހަރުގެ ޖުލައި މަހުގެ 21 ވަނަ ދުވަހު ކޮށްފައިވާ އިއުލާން ބާތިލްކޮށް އަލުން އިއުލާންކުރާ ކަމަށެވެ. ބީލަން ހުށަހެޅުމަށް ޝައުޤުވެރިވާ ފަރާތްތަކުން އެކަމަށް އެދި ރަޖިސްޓަރީ ކުރުމުން، މަޢުލޫމާތު ކަރުދާސް ދޫކުރެވޭނެ ކަމަށް މަޖިލީހުގެ އިދާރާއިން ބުނެއެވެ.
ބީލަން ރަޖިސްޓަރީކުރުމަށް އެދި އީމެއިލް ކުރާނީ [email protected] އަށެވެ.
މި ރެސްޓޯރެންޓް ހުންނާނީ ރައްޔިތުންގެ މަޖިލީހުގެ އައު އިމާރާތުގެ ޓެރަހުގައެވެ.
ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދު ވިދާޅުވެފައި ވަނީ މަޖިލީހުގެ އިދާރާގެ އައު އިމާރާތުގައި ރެސްޓޯރެންޓެއްގެ އިތުރުން ޖިމަކާއި ފިހާރައެއް ހުޅުވުމުގެ މަސައްކަތް ދަނީ ކުރަމުން ކަމުގައެއެވެ. މިހާރު އައު އިމާރާތުގައި ވަނީ ލައިބްރަރީ އާއި ޑިޖިޓަލް އާރކައިވެއް ވެސް ހުޅުވާފައެވެ.
