ބުރިޖު މަތިން ފުންމާލަން އުޅުނު މީހަކު އާންމުން ހިފަހައްޓައިފި
އޭނާ ފެނުނީ ކަސްރަތަށް ގޮސް އުޅުނު ބަޔަކަށް
ސިނަމާލެ ބްރިޖް މަތިން މީހަކު ފުންމާލަން އުޅެނިކޮށް އެމީހާ އާއި ފުލުހުން ވާހަކަދައްކަނީ
ސިނަމާލެ ބްރިޖު މަތިން ފުންމާލަން އުޅުނު ފިރިހެނެއް އާންމުން ހުއްޓުވައި އެމީހާ ފުލުހުންނާ ހަވާލުކޮށްފިއެވެ.
ރާއްޖެ އެމްވީ އަށް މައުލޫމާތު ލިބިފައިވާގޮތުގައި ބުރިޖު މަތިން ފުންމާލަން އުޅެނިކޮށް އެމީހާ ފެނުނީ ބުރިޖުމަތީގައި ކަސްރަތަށް ދުވަން ގޮސް އުޅުނު ބަޔަކަށެވެ. އަދި އެމީހުން އޭނާ ހުއްޓުވައި ވަނީ ފުލުހުންނާ ހަވާލުކޮށްފައެވެ.
އެކަމާ ގުޅޭ އިތުރު ތަފްސީލެއް ފުލުހުން ވެސް އާންމުކޮށްފައެއް ނުވެއެވެ.
މިއީ ސިނަމާލެ ބުރިޖު މަތީގައި ހިނގި މިފަދަ 3 ވަނަ ހާދިސާއެވެ. މިދިޔަ އަހަރު ޖޫން މަހު ވެސް ސިނަމާލެ ބުރިޖުން މީހަކު ފުންމާލި ހާދިސާއެއް ވަނީ ހިނގާފައެވެ. އެފަހަރު ފުންމާލީ އިންޑިއާ ފިރިހެނެކެވެ. އޭގެ ކުރިންވެސް ދިވެހި ދެ ފިރިހެނުން މަޖަލަކަށް ބުރިޖު މަތިން ފުންމާލި އިރު އެ ދެމީހުންގެ ތެރެއިން އެކެއްގެ ކޮނޑުހުޅު ބިންދައިގެން ދިޔައެވެ.
އަދި އޭގެ ކުރިން ވެސް ނަފްސާނީ ބަލި ހުންނަ މީހަކު ބުރިޖު މަތިން ފުންމާލަން އުޅެނިކޮށް ފުލުހުން އެމީހާ ސަލާމަތްކޮށްފައިވެއެވެ.
