ފުވައްމުލަކުގައި ނުރައްކާތެރި އެކްސިޑެންޓެއް ހިނގައިފި
މި ހާދިސާގައި ދެ މީހަކަށް ވަނީ އަނިޔާވެފައި
އަތޫފް އާތިފް | 27 ފެބުރުއަރީ 2021 | ހޮނިހިރު 12:19
ޏ ފުވައްމުލަކު ނައިބުތުއްތު މަގުގައި ނުރައްކާތެރި އެކްސިޑެންޓެއް ހިނގާފައި
ފުވައްމުލަކުގައި ނުރައްކާތެރި ކާރު އެކްސިޑެންޓެއް ހިނގައިފިއެވެ.
ހޮނިހިރު ދުވަހު ހަވީރު 04:30 ހާއިރު ނައިބު ތުއްތު މަގުގައި މިހާދިސާ ހިނގާފައިވާއިރު މި ހާދިސާގައި ދެ މީހަކަށް ވަނީ އަނިޔާވެފައެވެ. މި ހާދިސާގައި އަނިޔާ ލިބުނު މީހުންގެ ތެރެއިން އެކަކު ވަގުތުން ހޮސްޕިޓަލަށް ގެންދެވިފައިވާއިރު، ކާރު ދުއްވަން އިން މީހާ ކާރު ތެރޭގައި ވަނީ ތާށިވެފައެވެ.
އެހެން ނަމަވެސް ކަމާބެހޭ ފަރާތްތަކާއި ރަށުގެ ރައްޔިތުންގެ މަސައްކަތުން ކާރު ދުއްވަން އިން މީހާ ވެސް މިހާރު ހޮސްޕިޓަލަށް ވަނީ ގެން ގޮސްފައެވެ. އަދި މި ހާދިސާގައި އަނިޔާވި ދެ މީހުންގެ ހާލުވެސް ސީރިއަސްއެވެ.
