ހަ ރަށެއްގެ ސްކޫލުގައި ކްލާސްރޫމުގެ މަސައްކަތާއި މަލްޓި ޕަރޕަސް ހޯލްގެ މަސައްކަތް ކޮށްދޭނެ ފަރާތެއް ހޯދަނީ!
27 ފެބުރުއަރީ 2021 | ހޮނިހިރު 10:15ބިޑް ސެކިޔުރިޓީގެ މުއްދަތަކީ ބިޑު ހުޅުވާ ތާރީޚުން ފެށިގެން 148 ދުވަސް
ނިއު ނޯރމަލްގެ ދަށުން ސްކޫލެއްގެ ދަރިވަރުންނަށް ކިޔަވައިދެނީ
ހަ ރަށެއްގެ ސްކޫލުގައި ކްލާސްރޫމުގެ މަސައްކަތާއި މަލްޓި ޕަރޕަސް ހޯލްގެ މަސައްކަތް ކޮށްދޭނެ ފަރާތެއް ހޯދަން އިއުލާން ކޮށްފިއެވެ.
ފިނޭންސް މިނިސްޓްރީން ބުނީ މިނިސްޓްރީ އޮފް އެޑިއުކޭޝަންގެ އެދުމުގެ މަތީން ހަ ރަށެއްގެ ސްކޫލުގެ މަސައްކަތްތައް ކޮށްދޭނެ ފަރާތެއް ހޯދުމަށް ބޭނުންވާ ކަމަށާއި، މި މަސައްކަތްތަކަށް ބީލަން ހުށަހެޅުމުގެ ފުރުސަތު ހުޅުވާލާފައިވާކަމަށެވެ.
އެގޮތުން ރ. އަލިފުށި ސްކޫލް މަލްޓި ޕަރޕަސް ހޯލް އިމާރާތުގެ ނުނިމިހުރި މަސައްކަތާއި، ރ. އުނގޫފާރު ސްކޫލް މަލްޓި ޕަރޕަސް ހޯލް އިމާރާތުގެ ނުނިމިހުރި މަސައްކަތާއި، ތ.ވޭމަންޑޫ ސްކޫލުގައި އިމާރާތްކުރާ 3 ބުރި އިމާރާތުގެ މަސައްކަތާއި، ދ. އަތޮޅު މަދަރުސާ މަލްޓި ޕަރޕަސް ހޯލް އިމާރާތުގެ މަސައްކަތާއި، ތ. އަތޮޅު ތަޢުލީމީ މަރުކަޒުގައި 6 ކްލާސްރޫމް އިމާރާތް ކުރުމުގެ މަސައްކަތް އަދި އއ. އުކުޅަސް ސްކޫލުގައި 12 ކްލާސްރޫމް އިމާރާތް ކުރުމުގެ މަސައްކަތް ހިމެނެއެވެ.
ފިނޭންސް މިނިސްޓްރީން ބުނީ މިމަސައްކަތް ކުރިއަށް ގެންދަން ނިންމާފައިވަނީ ނޭޝަނަލް ކޮމްޕެޓިޓިވް ބިޑިންގ (އެންސީބީ) އުސޫލުގެ ތެރެއިން ކަމަށެވެ. ކޮންމެ ބީލަމެއްގައި ބައިވެރިވުމަށް 500 ރުފިޔާގެ ނޮން-ރިފަންޑަބަލް ރަޖިސްޓްރޭޝަން ފީއެއް ދައްކަން ޖެހޭ ކަމަށާއި، ފައިސާ ބަލައިގަންނާނީ މިމަހުގެ 28ން 17 މާރޗަށް އޮންލައިން ޕޭމަންޓް ޕޯޓަލް-ބަނޑޭރި ޕޭ މެދުވެރި ކޮށް ކަމަށް މިނިސްޓްރީން ބުނެއެވެ.
ފިނޭންސް މިނިސްޓްރީން ބުނީ ބިޑް ސެކިޔުރިޓީގެ މުއްދަތަކީ ބިޑު ހުޅުވާ ތާރީޚުން ފެށިގެން 148 ދުވަސް ކަމަށާއި، ބީލަން ހުޅުވުން އޮންނާނީ 18 މާރިޗު 2021 ވާ ބުރާސްފަތި ދުވަހުގެ 10:00 ގައި މިނިސްޓްރީގެ ނެޝަނަލް ޓެންޑަރގެ ޖަލްސާކުރާ މާލަމުގައި ކަމަށެވެ.
ސްކޫލުތައް އެއްދަންފަޅިއަށް ބަދަލު ކުރުމަކީ މިސަރުކާރުގެ ސިޔާސަތެކެވެ. އެގޮތުން ސްކޫލުތަކަށް ދިމާވެފައިވާ ޖާގައިގެ ދަތިކަން ހައްލުކުރުމަށް ދަނީ ގިނަ މަސައްކަތްތަކެއް ކުރަމުންނެވެ.
