ބުރާސްފަތި 21 ޖެނުއަރީ 2021
3 ހުވަން
1442 ޖުމާދުލް އާހިރަތު 07
ފަތިސް 05:03
އިރުއަރާ 06:18
މެންދުރު 12:21
އަސްރު 15:41
އިރުއޮއްސޭ 18:17
އިޝާ 19:32
ދުނިޔޭގެ އެންމެ މުއްސަނދި މީހާ

ދުނިޔޭގެ އެންމެ މުއްސަނދި މީހާގެ މަގާމަށް އެލޮން މަސްކް

  • އެލޮންގެ މިލްކިއްޔާތުގައި މިހާރު 185 ބިލިއަނަށްވުރެ ގިނަ ޑޮލަރު އެބަހުރި

ކ. މާލެ | 8 ޖެނުއަރީ 2021 | ހުކުރު 08:24 | 16,691

ޓެސްލާގެ ކުންފުނީގެ ފައުންޑަރ އަދި ސީއީއޯ އެލޮން މަސްކް - ގެޓީ އިމޭޖާސް

ދުނިޔޭގެ އެންމެ މުއްސަނދި މީހާގެ މަގާމު އިލެކްޓްރިކް ކާރު އުފައްދާ އެންމެ ބޮޑު ކުންފުނި ޓެސްލާ ކުންފުނީގެ ފައުންޑަރ އަދި ސީއީއޯ އެލޮން މަސްކް ހޯދައިފިއެވެ.

މި މަޤާމު އެލޮން އަށް ލިބިފައިވަނީ ބުރާސްފަތި ދުވަހު ޓެލްސާގެ ހިއްސާގެ އަގު ބާޒާރުގައި އުފުލުމާއި ގުޅިގެންނެވެ. އެލޮންގެ މިލްކިއްޔާތުގައި މިހާރު 185 ބިލިއަނަށްވުރެ ގިނަ ޑޮލަރު އެބަހުއްޓެވެ.

2017 ވަނަ އަހަރުން ފެށިގެން މިއަދާ ހަމައަށް ދުނިޔޭގެ އެންމެ މުއްސަނދި މީހާގެ މަޤާމުގައި ހުރީ އެމަޒަންގެ ފައުންޑަރު އަދި ސީއީއޯ ޖެފް ބެޒޮސްއެވެ. އެހެންނަމަވެސް އޭނާ ވައްޓާލުމަށްފަހު އެލޮން ވަނީ މި މަޤާމު ހާސިލްކޮށްފައެވެ.

ޓެސްލާ ކުންފުނީގެ މާކެޓް ވެލިއު ވަނީ 700 ބިލިއަން ޑޮލަރަށް ބުދަ ދުވަހު އަރާފައެވެ. އިޔާދަކުރަނިވި ހަކަތައާއި އިލެކްޓްރިކް ވެހިކަލް އުފައްދާ ޕަބްލިކް ކުންފުނި ޓެސްލާގެ މާލީ ހިސާބުތައް ދައްކާ ގޮތުން މިދިޔަ އަހަރުގެ ތިންވަނަ ކުއާޓާގައި އެކުންފުންޏަށް 874 މިލިއަން ޑޮލަރުގެ ފައިދާއެއް ވަނީ ލިބިފައެވެ.

އެލޮން މަސްކް ވިދާޅުވީ ކޯވިޑް-19ގެ ސަބަބުން ކުންފުނި ހިންގުމަށް ދަތިތަކާއި ކުރިމަތިވިނަމަވެސް، މިވަރު ބޮޑު ފައިދާއެއް ލިބުމަކީ ކުންފުނީގެ މާކެޓިން ސްޓްރެޓެޖީގެ ކާމިޔާބީ ސިފަކޮށްދޭ ކަމެއް ކަމަށެވެ.

ޓެސްލާއަކީ މިހާރު ދުނިޔޭގެ އެންމެ އަގު ހުރި ކާރު ކުންފުންޏެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން | ރިވިއު ކުރީ: ހުސައިން ފަރިޔާޒް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.