މި އަހަރު މިހާތަނަށް އެންމެ ގިނަ ފަތުރުވެރިން އައީ ރަޝިއާއިން
5 ޖެނުއަރީ 2021 | އަންގާރަ 08:18މިދިޔަ އަހަރު ވެސް އެންމެ ގިނަ ފަތުރުވެރިން އައީ ރަޝިއާ އަދި އިންޑިއާ އިން
ރާއްޖެ އައި ފަތުރުވެރިން
މި އަހަރުގެ މިހާތަނަށް ރައްޖެ އަށް އެންމެ ގިނަ ފަތުރުވެރިން އައީ ރަޝިއާއިން ކަމަށް ޓޫރިޒަމް މިނިސްޓްރީގެ ތަފާސް ހިސާބުތަކުން ދައްކައިފި އެވެ.
ޓޫރިޒަމް މިނިސްޓްރީން އާންމުކުރި ތަފާސްހިސާބުތައް ދައްކާގޮތުން މިއަހަރުގެ މިހާތަނަށް ރާއްޖެ އަށް 13،006 ފަތުރުވެރިން އައިސްފައި ވެއެވެ. އޭގެ ތެރެއިން 4،121 މީހުންނަކީ ރަޝިއާއިން އައިސްފައިވާ ފަތުރުވެރިންނެވެ. ދެވަނަ އަށް އެންމެ ގިނަ ފަތުރުވެރިން އައިސްފައި ވަނީ އިންޑިއާއިންނެވެ. އެއީ 1،080 ފަތުރުވެރިންނެވެ. ޔޫކްރެރިން އިން ވެސް އައީ 1،080 ފަތުރުވެރިންނެވެ.
ނިމިދިޔަ 2020 ވަނަ އަހަރަށް ބަލާއިރު ވެސް މުޅި އަހަރު އެންމެ ގިނަ ފަތުރުވެރިން ރާއްޖެ އައި ދެ ގައުމަކީ ރަޝިއާ އާއި އިންޑިއާ އެވެ.
މިއަހަރުގެ ފުރަތަމަ ހަތަރު ދުވަހަށް ބަލާއިރު އެންމެ ގިނަ ފަތުރުވެރިން ރާއްޖެ އައީ އާދިއްތަ ދުވަހު އެވެ. އެީ 4،195 ފަތުރުވެރިންނެވެ. އެންމެ މަދު ފަތުރުވެރިން އައީ އައު އަހަރުގެ ފުރަތަމަ ދުވަހު އެވެ، އެއީ 2،005 ފަތުރުވެރިންނެވެ.
