ކޮވިޑް-19ށް އިތުރު 34 މީހަކު ޕޮޒިޓިވްވެ 30 މީހަކު ބަލިން ރަނގަޅުވެއްޖެ
10 ޑިސެމްބަރު 2020 | ބުރާސްފަތި 17:57ފާއިތުވި 24 ގަޑިއިރުގެ ތެރޭގައި 2،058 ސާމްޕަލް ޓެސްޓު ކޮށްފައިވޭ
ކޮވިޑް-19 ގެ ރޭންޑަމް ސާމްޕަލް ނެގުމުގެ ތެރެއިން
ކޮވިޑް-19ށް އިތުރު 34 މީހަކު ޕޮޒިޓިވްވެ 30 މީހަކު ބަލިން ރަނގަޅުވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނެފިއެވެ.
އެޗްޕީއޭ އިން ބުނީ ބުދަ ދުވަހުގެ އިރުއޮއްސި 6:00ން ބުރާސްފަތި ދުވަހުގެ އިރުއޮއްސި 6:00ށް އިތުރު 34 މީހަކު ޕޮޒިޓިވްވެފައިވާ ކަމަށެވެ. އަދި ފާއިތުވި 24 ގަޑިއިރުގެ ތެރޭގައި 2،058 ސާމްޕަލް ޓެސްޓު ކޮށްފައިވާ ކަމަށެވެ.
އެޗްޕީއޭއިން ބުނީ ފާއިތުވި 24 ގަޑީއިރު ތެރޭ މާލެ ސަރަހައްދުން 15 މީހަކު ޕޮޒިޓިވްވެފައިވާ ކަަމަށާއި، މީހުން ދިރިއުޅޭ ރަށްތަކުން 9 މީހަކު ޕޮޒިޓިވްވެފައިވާ ކަމަށެވެ. އަދި ހިންގަމުންދާ ރިސޯޓުތަކުން 8 މީހަކު ޕޮޒިޓިވްވެފައިވާ ކަމަށެވެ.
އެޗްޕީއޭއިން ބުނީ 66 މީހަކަށް ހޮސްޕިޓަލުގައި ފަރުވާ ދެމުންދާ ކަމަށާއި، ރާއްޖޭގައި 633 އެކްޓިވް ކޭސް ހިމެނޭ ކަމަށެވެ.
ކޮވިޑް-19ށް ރާއްޖޭން މިހާތަނަށް 13،308 މީހަކު ޕޮޒިޓިވް ވެފައިވާއިރު، 12،621 މީހަކު ބަލިން ވަނީ ރަނގަޅުވެފައެވެ. އަދި މިހާތަނަށް ބަލީގައި 47 މީހަކު ވަނީ ނިޔާވެފައެވެ.
ކޮވިޑް-19ށް ކޭސްތައް މަދުވި ނަމަވެސް ބަލީގެ ނުރައްކާ ކުޑަ ނުވާ ކަމަށް ހެލްތް އިމަރޖެންސީ އޮޕަރޭޝަންސް ސެންޓަރ (އެޗްއީއޯސީ) ން ބުނެއެވެ. އެހެންކަމުން ރައްކާތެރިކަމުގެ ފިޔަވަޅުތަކަށް ފަރުވާ ކުޑަ ނުކުރުމަށް ވަނީ އިލްތިމާސްކޮށްފައެވެ.
