އިތުރު 26 މީހަކު ޕޮޒިޓިވްވެ، 26 މީހަކު ބަލިން ރަނގަޅުވެއްޖެ
12 ނޮވެމްބަރު 2020 | ބުރާސްފަތި 18:051444 ސާމްޕަލްއެއް ޓެސްޓުކޮށްފައިވާއިރު، 25 މީހަކު ޕޮޒިޓިވްވެފައިވަނީ މާލެ ސަރަހައްދުން
މާލެސިޓީ، ކޭސްތައް މަދުވި ނަމަވެސް ފަރުވާ ކުޑަ ނުކުރުމަށް އިލްތިމާސްކޮށްފައިވޭ
ކޮވިޑް-19ށް އިތުރު 26 މީހަކު ޕޮޒިޓިވްވެ، 26 މީހަކު ބަލިން ރަނގަޅުވެއްޖެ އެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ)އިން ބުނީ ބުދަ ދުވަހުގެ އިރުއޮއްސި 6:00ން ބުރާސްފަތި ދުވަހުގެ އިރުއޮއްސި 6:00ށް 26 މީހަކު ޕޮޒިޓިވްވެފައިވާ ކަމަށެވެ. އެއީ 16 ދިވެހިންނާއި އެހެނިހެން ގައުމުތަކަށް ނިސްބަތްވާ 10 މީހުންނެވެ.
ފާއިތުވި 24 ގަޑިއިރު 1444 ސާމްޕަލްއެއް ޓެސްޓުކޮށްފައިވާއިރު، 25 މީހަކު ޕޮޒިޓިވްވެފައިވަނީ މާލެ ސަރަހައްދުންނެވެ. އަދި އެކަކު އަތޮޅުތެރެއިން ޕޮޒިޓިވްވެފައިވާ ކަމަށް އެޗްޕީއޭއިން ބުންޏެވެ.
މިވަގުތު އައިސޮލޭޝަން ފެސިލިޓީގައި 234 މީހަކު ތިބިއިރު، 52 މީހަކަށް ހޮސްޕިޓަލްގައި ދަނީ ފަރުވާ ދެމުންނެވެ.
ރާއްޖޭގައި މިހާތަނަށް 12085 މީހަކު ޕޮޒިޓިވްވެފައިވާއިރު، 11،225 މީހަކު ބަލިން ރަނގަޅުވެފައިވެއެވެ. އަދި 41 މީހަކު ބަލީގައި ވަނީ މަރުވެފަ އެވެ.
ރާއްޖޭގައި ކޮވިޑްގެ ކޭސްތައް އެންމެ ގިނަވެގެންދިޔައީ އޮގަސްޓް މަހުގެ ތެރޭގަ އެވެ.
އަދި މިހާރު ކޭސްތައް ރިޕޯޓު ކުރެވޭ މިންވަރު ވަރަށް މަދުވި ކަމުގައިވީ ނަމަވެސް ރައްކާތެރިވުމަށް އަޅާފައިވާ ފިޔަވަޅުތަކަށް ފަރުވާ ކުޑަނުކުރުމަށް އެޗްއީއޯސީން އިލްތިމާސްކުރެ އެވެ.
