"އެންލައިޓެން އަ މައިންޑްފުލް ކޮމިއުނިޓީ" އެންޖީއޯ އިފްތިތާހު ކޮށްފި
7 ނޮވެމްބަރު 2020 | ހޮނިހިރު 17:44މި ޖަމިއްޔާ އިފްތިތާހު ކޮށްދެއްވީ ޕޮލިޓިކްނިކްގައި ބޭއްވުނު ރަސްމިއްޔާތެއްގައި އެލިއާ އިންވެސްޓްމެންޓްގެ ޖެނެރަލް މެނޭޖަރ އަހުމަދު ސައީދު
އެންލައިޓެން މައިންޑްފުލް ކޮމިއުނިޓީގެ ހިންގާ ކޮމެޓީގެ މެމްބަރުން
އެންލައިޓިން މައިންޑްފުލް ކޮމިއުނިޓީ (އީއެމްސީ)ގެ ނަމުގައި އެންޖީއޯ އެއް އިފްތިތާހުކޮށްފިއެވެ.
މި ޖަމިއްޔާ އިފްތިތާހުކޮށްދެއްވީ ޕޮލިޓެކްނިކްގައި ބޭއްވުނު ރަސްމިއްޔާތެއްގައި އެލިއާ އިންވެސްޓްމެންޓްގެ ޖެނެރަލް މެނޭޖަރ އަހުމަދު ސައީދެވެ.
މި ރަސްމިއްޔާތުގައި ވާހަކަ ދައްކަވަމުން ސައީދު ވިދާޅުވީ މީގެ އެތަކެއް އަހަރުތަކެއް ކުރިން އަޅުގަނޑުމެންގެ ރަސޫލާ މުހައްމަދު (ސއވ) ވަނީ ރިވެތި އަހުލާގުގައި މުޅި އުންމަތަށް ނަމޫނާ ދައްކަވާފައިކަމަށާއި، ރަސޫލާގެ މުޅި ދިރިއުޅުމަކީ ވެސް އަޅުގަނޑުމެންނަށް ނަމޫނާއެއް ކަމަށެވެ.
ސައީދު އިތުރަށް ވިދާޅުވީ އަލަށް ހުޅުވޭ މިފަދަ ޖަމިއްޔާތަކުގެ ސަބަބުން ޒުވާނުންނަށާއި ބިނާވަމުން އަންނަ ކުޑަ ކުދިންނަށް އެކަމުގެ ފައިދާ ކުރާނެ ކަމަށް އުންމީދު ކުރާ ކަމަށާއި، ވަކިން ހާއްސަކޮށް އީއެމްސީ އަކީ އަހުލާގާއި، މުޖުތަމައެއް ބިނާ ކުރުމުގައި މުހިންމު ދައުރެއް އަދާ ކުރާނެ ޖަމިއްޔާއެއް ކަމަށް އުންމީދު ކުރާ ކަމަށެވެ.
އީއެމްސީގެ ކޯ ފައުންޑިންގ ރައީސް އައިމިނަތު ރީމާ ރަޝީދު ބުނީ މި ޖަމިއްޔާއަކީ ޒުވާނުން ބާރުވެރި ކުރުމާއި، ކުޑަކުދިންގެ ހައްގުތަކާއި، އަދި އަންހެނުން ބާރުވެރި ކުރުމުގެ ނިޔަތުގައި އުފެދުނު ޖަމިއްޔާއެއް ކަމަށެވެ.
ރީމާ ބުނީ މި މުޖުތަމައުގައި ފެންނަން ނުވާނެ ބައިވަރު ކަންކަން ފެންނަމުން އަންނަކަމަށާއި އެގޮތުން މުޖުތަމައުން ޒުވާނުން ދެކެނީ ކުށްތަކަށް އަރައިގަންނަމުން އަންނަ ބައެއްގެ ގޮތުގައި ކަމަށާއި، އަދި އަންހެނުންގެ ހައްގުތައް ހިމާޔާތް ކުރުމަށް އަދިވެސް ކުރަންޖެހޭ މަސައްކަތްތައް ގިނަ ކަމަށެވެ.
