ކަރަންޓުގެ މައްސަލަ ހައްލުކޮށް، މުޅި މާލެއަށް ކަރަންޓް ދީފި
23 އޮކްޓޯބަރު 2020 | ހުކުރު 09:44ކަރަންޓް ކަނޑައިގެން ދިޔައީ ހުކުރު ދުވަހުގެ ހެނދުނު 8:30 އެހާކަށް ހާއިރު
މުހައްމަދު ފަޒީން | 23 އޮކްޓޯބަރު 2020 | ހުކުރު 09:44
ސްޓެލްކޯ - މާލެ ސަރައްދަށް ކަރަންޓްގެ ހިދްމަތް ފޯރުކޮށްދެމުންދަނީ ސްޓެލްކޯއިން
މާލެއަށް ކަރަންޓްގެ ހިދްމަތް ފޯރުކޮށްދޭ ސްޓޭޓް އިލެކްޓްރިކް ކޮމްޕެނީ ލިމިޓެޑް (ސްޓެލްކޯ) ގެ ޖަނަރޭޓަރު ސެޓްތަކަށް ދިމާވި މައްސަލަތައް ހައްލުކޮށް, މުޅި މާލެއަށް ކަރަންޓް ދީފި އެވެ.
ހުކުރު ދުވަހުގެ ހެނދުނު 8:30 ހާކަށްހާއިރުން ފެށިގެން ގާތްގަނޑަކަށް މެންދުރު 12:30 އާހަމައަށް ސްޓެލްކޯއަށް ދިމާވި މައްސަލަތަކާއި ގުޅިގެން މާލޭގެ ބޮޑު ސަރަހައްދަކުން ކަރަންޓް ކެނޑިފައި ވެއެވެ.
މެންދުރު 13:00 ހާއިރު ސްޓެލްކޯއިން ބުނެފައިވަނީ، ދިމާވި މައްސަލަތައް ހައްލުކޮށް މުޅި މާލެއަށް މިހާރު ވަނީ ކަރަންޓުދެވިފައިވާ ކަމަށެވެ. ދިމާވި ދަތިތަކަށް އެންމެހާ ކަސްޓަމަރުންގެ ކިބައިން މާފަށް ވެސް ސްޓެލްކޯއިން އެދިފައިވެއެވެ.
